ನಿತ್ಯ ಋಗ್ವೇದ ಸಂಹಿತೆ ಪಾರಾಯಣ ಸಂ: ೧೭ಮಂಡಲ: ೧ ಸೂಕ್ತ: ೧೭

ನಿತ್ಯ ಋಗ್ವೇದ ಸಂಹಿತೆ 

ಪಾರಾಯಣ ಸಂ: ೧೭

ಮಂಡಲ: ೧ ಸೂಕ್ತ: ೧೭

ವೇ ಶ್ರೀ ಚನ್ನೇಶ ಶಾಸ್ತ್ರಿಗಳು ಮಠದ ಹಿರೇಕೆರೂರ 9986175616

ದಿನಾಂಕ: 02-05-2021

(1-9) ನವರ್ಚಸ್ಯಾಸ್ಯ ಸೂಕ್ತಸ್ಯ ಕಾಣ್ವೋ ಮೇಧಾತಿಥಿರೃಷಿಃ ಇಂದ್ರಾವರುಣೋ ದೇವತೇ (1-3, 6-9) ಪ್ರಥಮತೃಚಸ್ಯ ಷಷ್ಠ್ಯಾದಿಚತುರೃಚಾಶ್ಚ ಗಾಯತ್ರೀ (4-5) ಚತುರ್ಥೀಪಂಚಮ್ಯೋಶ್ಚ ಪಾದನಿಚ್ರತ್ (5) ಪಂಚಮ್ಯಾ ಹಸೀಯಸೀ ವಾ ಗಾಯತ್ರೀ ಛಂದಸೀ

ಓಂ..

ಇಂದ್ರಾ॒ವರು॑ಣಯೋರ॒ಹಂ ಸ॒ಮ್ರಾಜೋ॒ರವ॒ ಆ ವೃ॑ಣೇ |

ತಾ ನೋ᳚ ಮೃಳಾತ ಈ॒ದೃಶೇ᳚ || 1.17.1

ಗ‌ನ್ತಾ᳚ರಾ॒ ಹಿ ಸ್ಥೋಽವ॑ಸೇ॒ ಹವಂ॒ ವಿಪ್ರ॑ಸ್ಯ॒ ಮಾವ॑ತಃ |

ಧ॒ರ್ತಾರಾ᳚ ಚರ್ಷಣೀ॒ನಾ‌ಮ್ || 1.17.2

ಅ॒ನು॒ಕಾ॒ಮಂ ತ॑ರ್ಪಯೇಥಾ॒ಮಿಂದ್ರಾ᳚ವರುಣ ರಾ॒ಯ ಆ |

ತಾ ವಾಂ॒ ನೇದಿ॑ಷ್ಠಮೀಮಹೇ || 1.17.3

ಯು॒ವಾಕು॒ ಹಿ ಶಚೀ᳚ನಾಂ ಯು॒ವಾಕು॑ ಸುಮತೀ॒ನಾ‌ಮ್ |

ಭೂ॒ಯಾಮ॑ ವಾಜ॒ದಾವ್ನಾ᳚‌ಮ್ || 1.17.4

ಇಂದ್ರಃ॑ ಸಹಸ್ರ॒ದಾವ್ನಾಂ॒ ವರು॑ಣಃ॒ ಶಂಸ್ಯಾ᳚ನಾ‌ಮ್ |

ಕ್ರತು॑ರ್ಭವತ್ಯು॒ಕ್ಥ್ಯಃ॑ || 1.17.5

ತಯೋ॒ರಿದವ॑ಸಾ ವ॒ಯಂ ಸ॒ನೇಮ॒ ನಿ ಚ॑ ಧೀಮಹಿ |

ಸ್ಯಾದು॒ತ ಪ್ರ॒ರೇಚ॑ನ‌ಮ್ || 1.17.6

ಇಂದ್ರಾ᳚ವರುಣ ವಾಮ॒ಹಂ ಹು॒ವೇ ಚಿ॒ತ್ರಾಯ॒ ರಾಧ॑ಸೇ |

ಅ॒ಸ್ಮಾ‌‌ನ್ತ್ಸು ಜಿ॒ಗ್ಯುಷ॑ಸ್ಕೃತ‌ಮ್ || 1.17.7

ಇಂದ್ರಾ᳚ವರುಣ॒ ನೂ ನು ವಾಂ॒ ಸಿಷಾ᳚ಸ‌ನ್ತೀಷು ಧೀ॒ಷ್ವಾ |

ಅ॒ಸ್ಮಭ್ಯಂ॒ ಶರ್ಮ॑ ಯಚ್ಛತ‌ಮ್ || 1.17.8

ಪ್ರ ವಾ᳚ಮಶ್ನೋತು ಸುಷ್ಟು॒ತಿರಿಂದ್ರಾ᳚ವರುಣ॒ ಯಾಂ ಹು॒ವೇ |

ಯಾಮೃ॒ಧಾಥೇ᳚ ಸ॒ಧಸ್ತು॑ತಿ‌ಮ್ || 1.17.9

       🟢       🔴       🔵       ⚪        🟡