ಪಾದಪೂಜೆಯ ಮಾಡಿ, ಅಂಗುಷ್ಟವೆರಡು ಅಂಗುಲವೆಂಟು

೧೩೪೪

ಪಾದಪೂಜೆಯ ಮಾಡಿ, ಅಂಗುಷ್ಟವೆರಡು ಅಂಗುಲವೆಂಟು ಉಭಯಹಸ್ತದಲ್ಲಿ ಮಾಡಿಕೊಂಬುದೆ ಶಿಕ್ಷಾಪಾದೋದಕ, ಲಿಂಗಧಾರೀ ಮಹಾಯೋಗಿ ಚರಪಾದೋದಕಂ ವಿನಾ ದಿನೇನ ದಶಜನ್ಮಾನಿ ಮಾಸೇನ ಶತಜನ್ಮಸು |

ವರ್ಷೇ ಸಹಸ್ರಜನ್ಮಾನಿ ವರ್ಷಾರ್ಧೇ ಘೂಕವಾಯಸೌ ।

 ದ್ವಿವರ್ಷೇ ನೌಕರೇ ಗರ್ಭೇ ಜಾಯತೇ ನಾತ್ರ ಸಂಶಯಃ || ಎಂದುದಾಗಿ

ಆ ಶಿಕ್ಷಾಪಾದೋದಕವನೆ ಆ ವಿಭೂತಿಯಲ್ಲಿ ಸಮ್ಮಿಶ್ರವ ಮಾಡಿ ಲಲಾಟ ಮೊದಲಾದ ನಾಲ್ವತ್ತೆಂಟು ಸ್ಥಾನಗಳಲ್ಲಿ ಧಾರಣವ ಮಾಡುವುದು

ಇದು ವೀರಶೈವರಿಗೆ ಸಲ್ಲುವ ನಡತೆ,

ಶುದ್ಧಶೈವರಿಗೆ ಗಿಂಡಿಯಲ್ಲಿ ತುಂಬುವ ನಡತೆ, ವಿಶೇಷವೀರಶೈವರು ಗಿಂಡಿಯ ಮಾಡಲಾಗದು.

ಅದೇನು ಕಾರಣವೆಂದಡೆ: ಅವರಿಗೆ ತ್ರಿವಿಧ ಪಾದೋದಕವು

ನಿತ್ಯದ ಸಹಬಂಧವಾಗುವುದೆಂದು

ಇದನರಿದು ಆಚರಿಸುವಾತನೆ ನಿತ್ಯಮುಕ್ತನಯ್ಯ ಕೂಡಲಚೆನ್ನಸಂಗಮದೇವಾ.

ಅಲ್ಲಮಪ್ರಭು