ಸಜ್ಜನರಿಗೇ ದುಃಖ ಏಕೆ?

 ಪೂರ್ವಾರ್ಜಿತಕರ್ಮದ ಫಲ

*✨ಸಜ್ಜನರಿಗೆ ದುಃಖ ~ ದುರ್ಜನರಿಗೆ ಸುಖ:-*

{'ಪ್ರಾರಬ್ಧ'ದ ನಿಗೂಢ ಲೆಕ್ಕಾಚಾರ}

🤔,ಸಾಮಾನ್ಯ ಮನುಷ್ಯನ ದೃಷ್ಟಿ ಸೀಮಿತವಾದುದು. ನಾವು ಕೇವಲ ಈ ಜನ್ಮದ, ಈ ಕ್ಷಣದ ಘಟನೆಗಳನ್ನು ಮಾತ್ರ ನೋಡುತ್ತೇವೆ. ಆದರೆ ಸನಾತನ ಧರ್ಮದ ಪ್ರಕಾರ, ಜೀವನವು ಒಂದು ನಿರಂತರ ಪ್ರವಾಹ. ಅದಕ್ಕೆ ಸಾವೆಂಬ ಅಣೆಕಟ್ಟು ಇದೆಯೆ ಹೊರತು, ಅದು ಅಂತ್ಯವಲ್ಲ.ಪಾಪಿಗಳು ಏಕೆ ಸುಖವಾಗಿದ್ದಾರೆ ಮತ್ತು ಪುಣ್ಯವಂತರು ಏಕೆ ಕಷ್ಟಪಡುತ್ತಿದ್ದಾರೆ ಎಂಬುದನ್ನು ಅರ್ಥಮಾಡಿಕೊಳ್ಳಲು, ನಾವು "ಕರ್ಮದಮೂರುಪ್ರಕಾರಗಳನ್ನು" ತಿಳಿಯಲೇಬೇಕು,

*💫ಕರ್ಮದ ಮೂರು ಮೂಟೆಗಳು💫*

ನಮ್ಮ ಋಷಿಮುನಿಗಳು ಕರ್ಮವನ್ನು ಮೂರು ಭಾಗಗಳಾಗಿ ವಿಂಗಡಿಸಿದ್ದಾರೆ. ಇದನ್ನು ಅರ್ಥಮಾಡಿಕೊಂಡರೆ ನಮ್ಮ ಪ್ರಶ್ನೆಗೆ ಉತ್ತರ ಸಿಗುತ್ತದೆ:,

 *👦ಸಂಚಿತ ಕರ್ಮ:-*

🤔,ಇದು ನಮ್ಮ ಅನಂತ ಜನ್ಮಗಳ ಒಟ್ಟು ಕರ್ಮಗಳ ಗೋದಾಮು. ನಾವು ಕಳೆದ ಸಾವಿರಾರು ಜನ್ಮಗಳಲ್ಲಿ ಮಾಡಿದ ಪಾಪ ಮತ್ತು ಪುಣ್ಯಗಳೆಲ್ಲವೂ ಇಲ್ಲಿ ಶೇಖರಣೆಯಾಗಿರುತ್ತವೆ. ಇದು ಬೆಟ್ಟದಷ್ಟು ದೊಡ್ಡದಿರುತ್ತದೆ,

 *👦ಪ್ರಾರಬ್ಧ ಕರ್ಮ:-*

🤔,ಆ ಸಂಚಿತ ಕರ್ಮದ ಗೋದಾಮಿನಿಂದ, ಕೇವಲ "ಈ ಜನ್ಮಕ್ಕೆ" ಅನುಭವಿಸಲು ದೇವರು ತೆಗೆದಿಟ್ಟ ಸಣ್ಣ ಭಾಗವೇ 'ಪ್ರಾರಬ್ಧ'. ನಮ್ಮ ಈ ಜನ್ಮದ,ಸುಖ=ದುಃಖ=ಆಯಸ್ಸು=ಆರೋಗ್ಯ=ಸಂಪತ್ತು.

ಎಲ್ಲವೂ ಈ ಪ್ರಾರಬ್ಧದ ಮೇಲೆ ನಿರ್ಧರಿತವಾಗಿರುತ್ತದೆ,

 *👦,ಆಗಾಮಿ ಕರ್ಮ:-*

🤔,ಈಗ ಈ ಜನ್ಮದಲ್ಲಿ ನಾವು ಹೊಸದಾಗಿ ಮಾಡುತ್ತಿರುವ ಕೆಲಸಗಳು. ಇದರ ಫಲ ಮುಂದೆ ಸಿಗುತ್ತದೆ.

ಸಮಸ್ಯೆಯ ಮೂಲ ಇಲ್ಲಿದೆ:

ಒಬ್ಬ ವ್ಯಕ್ತಿ ಈ ಜನ್ಮದಲ್ಲಿ ಕೆಟ್ಟ ಕೆಲಸ {ಆಗಾಮಿ ಕರ್ಮ - ಪಾಪ}ಮಾಡುತ್ತಿರಬಹುದು. ಆದರೆ ಅವನ ಈ ಜನ್ಮದ ಸುಖವು ಅವನ "ಪ್ರಾರಬ್ಧ"ವನ್ನು {ಹಿಂದಿನ ಜನ್ಮದ ಪುಣ್ಯವನ್ನು} ಅವಲಂಬಿಸಿದೆ,

*💫ಬ್ಯಾಂಕ್ ಖಾತೆಯ  ಉದಾಹರಣೆ*

ಇದನ್ನು ಸರಳವಾಗಿ ಅರ್ಥಮಾಡಿಕೊಳ್ಳಲು ಒಂದು ಆರ್ಥಿಕ ಉದಾಹರಣೆಯನ್ನು ನೋಡೋಣ:,

 *👦,ಪಾಪಿ ಸುಖವಾಗಿರುವುದು ಏಕೆ?*

🤔,ಒಬ್ಬ ಕೆಟ್ಟ ವ್ಯಕ್ತಿ {ಪಾಪಿ}ಈ ಜನ್ಮದಲ್ಲಿ ದುಂದು ವೆಚ್ಚ ಮಾಡುತ್ತಾ, ಮೋಜು ಮಸ್ತಿ ಮಾಡುತ್ತಿರಬಹುದು. ಅವನು ಯಾವ ಕೆಲಸವನ್ನೂ ಮಾಡದೆ, ಜನರಿಗೆಮೋಸಮಾಡುತ್ತಿದ್ದರೂ ಶ್ರೀಮಂತನಾಗಿರಬಹುದು,

   *🤔ಕಾರಣ:-* ಅವನು ತನ್ನ "ಬ್ಯಾಂಕ್ ಖಾತೆ"ಯಲ್ಲಿ {ಪೂರ್ವ ಜನ್ಮದಲ್ಲಿ} ಕೋಟಿಗಟ್ಟಲೆ ಹಣವನ್ನು {ಪುಣ್ಯವನ್ನು} ಠೇವಣಿ ಇಟ್ಟಿದ್ದನು. ಈಗ ಅವನು ಮಾಡುತ್ತಿರುವ ಪಾಪವೆಂಬುದು 'ಹೊಸ ಸಂಪಾದನೆ' ಇಲ್ಲದಿರುವುದು. ಆದರೆ ಹಳೆಯ ಠೇವಣಿ ಇರುವವರೆಗೂ ಅವನು ಚೆಕ್ {Check}ಕೊಟ್ಟು ಹಣ ಪಡೆಯುತ್ತಲೇ ಇರುತ್ತಾನೆ.

   *🤔ಅಪಾಯ:-* ಅವನು ಖಾತೆಗೆ ಹಣ ತುಂಬಿಸುತ್ತಿಲ್ಲ, ಕೇವಲ ತೆಗೆಯುತ್ತಿದ್ದಾನೆ. ಯಾವಾಗ ಅವನ ಪುಣ್ಯದ ಬ್ಯಾಲೆನ್ಸ್ 'ಶೂನ್ಯ'ವಾಗುತ್ತದೆಯೋ, ಅಂದೇ ಅವನ ವಿನಾಶ ಮತ್ತು ನರಕಯಾತನೆ ಪ್ರಾರಂಭವಾಗುತ್ತದೆ,

 *👦,ಪುಣ್ಯವಂತ ದುಃಖ ಪಡುವುದು ಏಕೆ???,*

   🤔,ಒಬ್ಬ ಒಳ್ಳೆಯ ವ್ಯಕ್ತಿ ಈಗ ಹಗಲು ರಾತ್ರಿ ಕಷ್ಟಪಟ್ಟು ದುಡಿಯುತ್ತಿದ್ದಾನೆ {ಪುಣ್ಯ ಮಾಡುತ್ತಿದ್ದಾನೆ}ಆದರೂ ಅವನು ಬಡವನಾಗಿದ್ದಾನೆ ಮತ್ತು ಸಾಲಗಾರನಾಗಿದ್ದಾನೆ,

   *🤔,ಕಾರಣ:-* ಅವನು ಹಿಂದೆ ದೊಡ್ಡ ಸಾಲ {ಪೂರ್ವ ಜನ್ಮದ ಪಾಪ}ಮಾಡಿಕೊಂಡಿದ್ದನು. ಈಗ ಅವನು ಮಾಡುತ್ತಿರುವ ಪುಣ್ಯದ ಗಳಿಕೆಯೆಲ್ಲವೂ ಹಳೆಯ ಸಾಲದ ಬಡ್ಡಿ ಕಟ್ಟಲು ಮತ್ತು ಸಾಲ ತೀರಿಸಲು ಹೋಗುತ್ತಿದೆ,

   *🤔,ಭರವಸೆ:-* ಒಮ್ಮೆ ಆ ಹಳೆಯ ಸಾಲ {ಪಾಪ} ತೀರೀತೋ, ನಂತರ ಅವನು ಮಾಡುವ ಪ್ರತಿಯೊಂದು ಪುಣ್ಯವೂ ಅವನಿಗೆ ಶುದ್ಧ ಲಾಭವಾಗಿ {ಸುಖವಾಗಿ}ಪರಿಣಮಿಸುತ್ತದೆ,

*🏹,ಬಿಲ್ಲು ಮತ್ತು ಬಾಣ*

ವೇದಾಂತದಲ್ಲಿ ಇದಕ್ಕೆ ಸುಂದರವಾದ ಉದಾಹರಣೆ ಇದೆ.

 🏹,ಬತ್ತಳಿಕೆಯಲ್ಲಿರುವ ಬಾಣಗಳು 'ಸಂಚಿತ ಕರ್ಮ'.

 🏹,ಬಿಲ್ಲಿನ ಮೇಲೆ ಹೂಡಿರುವ, ಇನ್ನೂ ಬಿಡದಿರುವ ಬಾಣ 'ಆಗಾಮಿ ಕರ್ಮ' {ಇದನ್ನು ನಾವು ಬದಲಾಯಿಸಬಹುದು}

 🏹,ಆದರೆ, ಬಿಲ್ಲಿನಿಂದ ಈಗಾಗಲೇ ಸಿಡಿದು ಹೋದ ಬಾಣವೇ 'ಪ್ರಾರಬ್ಧ ಕರ್ಮ'.

ಒಮ್ಮೆ ಬಾಣ ಬಿಟ್ಟ ಮೇಲೆ, ಅದನ್ನು ವಾಪಸ್ ಪಡೆಯಲು ಸಾಧ್ಯವಿಲ್ಲ. ಅದು ಗುರಿ ತಲುಪಲೇಬೇಕು.

ಒಬ್ಬ ವ್ಯಕ್ತಿ ಈ ಜನ್ಮದಲ್ಲಿ ಎಷ್ಟೇ ಸಾತ್ವಿಕನಾಗಿದ್ದರೂ, ಪುಣ್ಯವಂತನಾಗಿದ್ದರೂ, ಅವನು ಹುಟ್ಟುವ ಮುನ್ನವೇ *"ದುಃಖಅನುಭವಿಸಬೇಕು"* ಎಂಬ ಬಾಣ {ಪ್ರಾರಬ್ಧ}ಅವನ ಕಡೆಗೆ ಬಿಡಲ್ಪಟ್ಟಿದ್ದರೆ, ಅದು ಅವನಿಗೆ ತಾಗಲೇಬೇಕು. ಅದಕ್ಕಾಗಿಯೇ ರಾಮಕೃಷ್ಣ ಪರಮಹಂಸರು, ರಮಣ ಮಹರ್ಷಿಗಳಂತಹ ಮಹಾ ಜ್ಞಾನಿಗಳೂ ಕೂಡ ಕ್ಯಾನ್ಸರ್ ನಂತಹ ರೋಗವನ್ನು ಶಾಂತವಾಗಿ ಅನುಭವಿಸಿದರು. ಅವರು ಅದನ್ನು *"ದೇಹಕ್ಕೆ ಬಂದ ಪ್ರಾರಬ್ಧ"* ಎಂದು ಸ್ವೀಕರಿಸಿದರು,

*💫ಮಹಾಭಾರತದ ದೃಷ್ಟಾಂತ*

🤔,ಧೃತರಾಷ್ಟ್ರನ ಪ್ರಶ್ನೆ ಶ್ರೀ ಕೃಷ್ಣನಿಗೆ.ಕುರುಕ್ಷೇತ್ರ ಯುದ್ಧದ ನಂತರ, ನೂರು ಮಕ್ಕಳನ್ನು ಕಳೆದುಕೊಂಡ ಕುರುಡ ಧೃತರಾಷ್ಟ್ರನು ಶ್ರೀಕೃಷ್ಣನನ್ನು ಕೇಳುತ್ತಾನೆ:,

"ಕೃಷ್ಣಾ, ನಾನು ಈ ಜನ್ಮದಲ್ಲಿ ಯಾವ ಪಾಪವನ್ನೂ ಮಾಡಿಲ್ಲ. ಆದರೂನಾನೇಕೆಕುರುಡನಾದೆ? ನಾನೇಕೆ1೦೦ ಮಕ್ಕಳ ಸಾವನ್ನು ನೋಡಿದೆ?"

👀,ಆಗ ಕೃಷ್ಣನು ಅವನಿಗೆ ದಿವ್ಯದೃಷ್ಟಿ ನೀಡಿ ಅವನ 5೦ ಜನ್ಮಗಳ ಹಿಂದಿನ ಘಟನೆಯನ್ನು ನೋಡಲು ಹೇಳುತ್ತಾನೆ.5೦ ಜನ್ಮಗಳ ಹಿಂದೆ, ಧೃತರಾಷ್ಟ್ರನು ಒಬ್ಬ ಬೇಟೆಗಾರನಾಗಿದ್ದನು. ಅವನು ಒಂದು ಮರಕ್ಕೆಬೆಂಕಿಹಚ್ಚಿದ್ದನು. ಆ ಮರದಲ್ಲಿದ್ದ ಹಕ್ಕಿಯ ಗೂಡು ಸುಟ್ಟುಹೋಯಿತು. ನೂರು ಸಣ್ಣ ಹಕ್ಕಿ ಮರಿಗಳು ಸತ್ತುಹೋದವು ಮತ್ತು ತಾಯಿ ಹಕ್ಕಿಯು ಹೊಗೆಯಿಂದ ಕಣ್ಣು ಕಳೆದುಕೊಂಡುಕುರುಡಾಯಿತು

ಆ ಪಾಪದಫಲಅನುಭವಿಸಲು, ಧೃತರಾಷ್ಟ್ರನಿಗೆ 50ಜನ್ಮಗಳು ಬೇಕಾದವು. ಏಕೆಂದರೆ, ೧೦೦ ಮಕ್ಕಳನ್ನು ಪಡೆದು ಅವರನ್ನು ಕಳೆದುಕೊಳ್ಳುವ ದುಃಖ ಅನುಭವಿಸಬೇಕಾದರೆ, ಮೊದಲು 1೦೦ ಮಕ್ಕಳನ್ನು ಪಡೆಯುವಷ್ಟು "ಪುಣ್ಯ"ವನ್ನೂ ಮಾಡಬೇಕಿತ್ತು! {ಇದು ಕರ್ಮದ ವಿಚಿತ್ರ ಗತಿ}ಪುಣ್ಯ ಮಾಡಿ ರಾಜನಾಗಿ ಹುಟ್ಟಿದರೂ, ಹಳೆಯ ಪಾಪ ಅವನನ್ನು ಕಾಡಿ, ಮಕ್ಕಳನ್ನು ಕೊಂದು ಕುರುಡನನ್ನಾಗಿ ಮಾಡಿತು,

*🕉️ಅತ್ಯುತ್ಕಟೈಃ ಪಾಪಪುಣ್ಯೈಃ ಇಹೈವ ಫಲಮಶ್ನುತೇ* 

 🤔,ಪಾಪ ಅಥವಾ ಪುಣ್ಯವು "ಅತ್ಯುತ್ಕಟ" {ತೀರಾ ತೀವ್ರ}ವಾಗಿದ್ದರೆ ಮಾತ್ರ ಅದರ ಫಲ ಈ ಜನ್ಮದಲ್ಲೇ ತಕ್ಷಣ ಸಿಗುತ್ತದೆ,

🤔,ಉದಾಹರಣೆಗೆ, ಬೆಂಕಿಗೆ ಕೈ ಇಟ್ಟರೆ ತಕ್ಷಣ ಸುಡುತ್ತದೆ {ತೀವ್ರ ಕರ್ಮ}ಆದರೆ ಬೀಜ ಬಿತ್ತಿದರೆ ಮರವಾಗಲು ವರ್ಷಗಳು ಬೇಕು {ಸಾಮಾನ್ಯ ಕರ್ಮ}

ಪಾಪಿಗಳು ಈಗ ಮಾಡುತ್ತಿರುವ ಪಾಪಗಳುಸಾಮಾನ್ಯವಾಗಿದ್ದರೆ, ಅದು ಶೇಖರಣೆಯಾಗುತ್ತಿದೆ. ಪುಣ್ಯವಂತರು ಮಾಡುತ್ತಿರುವ ಪುಣ್ಯವೂಶೇಖರಣೆಯಾಗುತ್ತಿದೆ. ಕಾಲ ಪಕ್ವವಾದಾಗ ಅದು ಸ್ಫೋಟಗೊಳ್ಳುತ್ತದೆ,

🤔,ಪಾಪಿಗಳು ಸುಖವಾಗಿರುವುದು ಅವರ "ಅಳಿದುಳಿದ ಪುಣ್ಯದ ಮುಕ್ತಾಯದ ಸೂಚನೆ". ಪುಣ್ಯವಂತರು ಕಷ್ಟಪಡುತ್ತಿರುವುದು ಅವರ "ಹಳೆಯ ಪಾಪಗಳ ಶುದ್ಧೀಕರಣದ ಪ್ರಕ್ರಿಯೆ".

ರೈತನು ಹೊಲವನ್ನು ಉತ್ತು, ಕಸ ತೆಗೆದು, ಗೊಬ್ಬರ ಹಾಕಿ ಕಷ್ಟಪಡುವಾಗ {ಪುಣ್ಯವಂತನ ಕಷ್ಟ}ನೋಡುವವನಿಗೆ ಅದು ಶಾರೀರಿಕ ಪರಿಶ್ರಮ{ಹಿಂಸೆ}ಅನಿಸಬಹುದು. ಆದರೆ ಅದು ಭವಿಷ್ಯದ ಬೆಳೆಗಾಗಿ ತಯಾರಿ. ಇನ್ನೊಬ್ಬ ರೈತ ಕಳೆ ಬೆಳೆದ ಹೊಲದಲ್ಲಿ ಸುಮ್ಮನೆ ಮಲಗಿದ್ದರೆ {ಪಾಪಿಯ ಸುಖ}ಅವನು ಈಗ ಆರಾಮಾಗಿರಬಹುದು, ಆದರೆ ಸುಗ್ಗಿ ಕಾಲದಲ್ಲಿ ಅವನು ಅಳಬೇಕಾಗುತ್ತದೆ,

ಆದ್ದರಿಂದ, ಪ್ರಸ್ತುತ ದೃಶ್ಯವನ್ನು ನೋಡಿ ಅಂತಿಮ ತೀರ್ಮಾನಕ್ಕೆ ಬರಬಾರದು. ಕರ್ಮದ ನ್ಯಾಯಾಲಯದಲ್ಲಿ *"ವಿಳಂಬ"ಇದೆಯೇ ಹೊರತು *"ಅನ್ಯಾಯ"* ಇಲ್ಲ👏🚩