ಪರಿಹಾರಗಳು ಏಕೆ ಕೆಲಸ ಮಾಡುವುದಿಲ್ಲ

ಯಾವ ಪರಿಹಾರಗಳೂ ಕೈಗೂಡುತ್ತಿಲ್ಲ ಎಂದರೆ ಜಾತಕದಲ್ಲಿ 'ದೃಢ ಕರ್ಮ' (ಬದಲಾಯಿಸಲು ಸಾಧ್ಯವಿಲ್ಲದ ಪ್ರಾರಬ್ಧ ಕರ್ಮ) ಕೆಲಸ ಮಾಡುತ್ತಿದೆ ಎಂದರ್ಥ.

Sloka

"ಪೂರ್ವಜನ್ಮಾರ್ಜಿತಂ ಪಾಪಂ ವ್ಯಾಧಿರೂಪೇಣ ಬಾಧತೇ।

ತಚ್ಛಾಂತಿ ರೌಷಧೈರ್ದಾನೈರ್ಜಪಹೋಮಾರ್ಚನಾದಿಭಿಃ॥"

ಪೂರ್ವಜನ್ಮದಲ್ಲಿ ಮಾಡಿದ ಪಾಪಗಳು ಈ ಜನ್ಮದಲ್ಲಿ ರೋಗ, ಕಷ್ಟ ಮತ್ತು ಅಡೆತಡೆಗಳ ರೂಪದಲ್ಲಿ ಬಾಧಿಸುತ್ತವೆ. ಅವುಗಳನ್ನು ಔಷಧ, ದಾನ, ಜಪ, ಹೋಮ ಮತ್ತು ಅರ್ಚನೆಗಳಿಂದ ಶಾಂತಿ ಮಾಡಬೇಕು.

ಆದರೆ, ಪರಿಹಾರಗಳು ವಿಫಲವಾಗುತ್ತಿವೆ ಎಂದರೆ, ಜ್ಯೋತಿಷ್ಯ ಗ್ರಂಥಗಳು "ದೃಢ ಕರ್ಮ ನಿಬಂಧನ" ಎಂಬ ನಿಯಮವನ್ನು ಹೇಳುತ್ತವೆ. ಅಂದರೆ ಕೆಲವು ಕರ್ಮಗಳನ್ನು ಅನುಭವಿಸಲೇಬೇಕು, ಅವುಗಳಿಗೆ ಪರಿಹಾರವಿಲ್ಲ.

 ಮುಖ್ಯ ಭಾವಗಳು 💐

ಯಾವ ಪರಿಹಾರವೂ ಕೆಲಸ ಮಾಡದಿದ್ದಾಗ ಪ್ರಮುಖವಾಗಿ 5, 8 ಮತ್ತು 9ನೇ ಭಾವಗಳನ್ನು ಪರಿಶೀಲಿಸಬೇಕು:

5ನೇ ಭಾವ (ಪೂರ್ವ ಪುಣ್ಯ ಸ್ಥಾನ - most important)

5ನೇ ಮನೆ ನಿಮ್ಮ ಮಂತ್ರ ಸಿದ್ಧಿ ಮತ್ತು ದೈವ ಕೃಪೆಯನ್ನು ಸೂಚಿಸುತ್ತದೆ. ಈ ಮನೆಯಲ್ಲಿ ರಾಹು-ಕೇತು, ಶನಿ ಅಥವಾ ಗುಳಿಕನಂತಹ ಕ್ರೂರ ಗ್ರಹಗಳಿದ್ದರೆ ಅಥವಾ 5ನೇ ಮನೆಯ ಅಧಿಪತಿ 6, 8, 12ರಲ್ಲಿ Combust/Debilitated ನೀವು ಮಾಡುವ ಯಾವುದೇ ಪೂಜೆ, ಜಪ ಅಥವಾ ಪರಿಹಾರಗಳು ದೇವರಿಗೆ ತಲುಪುವುದಿಲ್ಲ. ನಿಮ್ಮ 'ಮಂತ್ರ ಶಕ್ತಿ' ಲಾಕ್ ಆಗಿರುತ್ತದೆ.

9ನೇ ಭಾವ (ಭಾಗ್ಯ ಮತ್ತು ಧರ್ಮ ಸ್ಥಾನ)

9ನೇ ಮನೆ 'ದೈವಬಲ' (Divine Grace) ಮತ್ತು ಪಿತೃಗಳ ಆಶೀರ್ವಾದವನ್ನು ತರುತ್ತದೆ. 9ನೇ ಮನೆಯಲ್ಲಿ ತೀವ್ರವಾದ ಪಿತೃ ದೋಷ (ಶನಿ-ರಾಹು ಯೋಗ ಅಥವಾ ಸೂರ್ಯ-ರಾಹು ಗ್ರಹಣ ಯೋಗ) ಇದ್ದರೆ, ದೇವಾನುದೇವತೆಗಳ ಅನುಗ್ರಹ ನಿಲ್ಲುತ್ತದೆ. ಪಿತೃಗಳ ಶಾಪವಿರುವಾಗ ದೇವತಾ ಪರಿಹಾರಗಳು ಫಲ ನೀಡುವುದಿಲ್ಲ.

8ನೇ ಭಾವ (ಕರ್ಮದ ರಹಸ್ಯ ಮತ್ತು ದೀರ್ಘಕಾಲದ ಶಾಪ)

• 8ನೇ ಮನೆ ಆಯುಷ್ಯ ಮಾತ್ರವಲ್ಲ, ಅದು 'ಅದೃಶ್ಯ ಶಕ್ತಿ' ಮತ್ತು ತೀವ್ರ ಪ್ರಾರಬ್ಧ ಕರ್ಮದ ಸ್ಥಾನ.

• 8ನೇ ಮನೆಯ ಅಧಿಪತಿ ಅತಿಯಾದ ಪಾಪಗ್ರಹಗಳ ದೃಷ್ಟಿ ಹೊಂದಿದ್ದರೆ ವ್ಯಕ್ತಿಯನ್ನು ಭ್ರಮೆಯಲ್ಲಿಡುತ್ತದೆ. ತಪ್ಪಾದ ಪರಿಹಾರಗಳನ್ನು ಮಾಡುವಂತೆ ಪ್ರೇರೇಪಿಸುತ್ತದೆ ಅಥವಾ ಸರಿಯಾದ ಪರಿಹಾರಗಳು ಅರ್ಧಕ್ಕೆ ನಿಲ್ಲುವಂತೆ ಮಾಡುತ್ತದೆ.

 ವರ್ಗ ಕುಂಡಲಿಗಳು 

ಕೇವಲ ಲಗ್ನ ಕುಂಡಲಿ (D1) ನೋಡಿದರೆ ಸಾಲದು. ಶಾಸ್ತ್ರದ ಪ್ರಕಾರ ಪರಿಹಾರಗಳ ವಿಫಲತೆಗೆ ಕೆಳಗಿನ ಎರಡು ಚಾರ್ಟ್ ಪರೀಕ್ಷಿಸಬೇಕು:

D-4 ಕುಂಡಲಿ (ಚತುರ್ಥಾಂಶ - ಭವಿಷ್ಯ/ಭಾಗ್ಯ): ಇದರಲ್ಲಿ ಪೂರ್ವಪುಣ್ಯದ ಸ್ಥಿತಿ ತಿಳಿಯುತ್ತದೆ.ಸುಖ ಮತ್ತು ಕರ್ಮದ ಅಡಿಪಾಯವನ್ನು ನೋಡಲು 4ನೇ ಮನೆಯಿಂದ 4ನೇ ಮನೆಯನ್ನು ನೋಡಬೇಕು (ಅಂದರೆ 7ನೇ ಮನೆ) ಮತ್ತು ಒಟ್ಟಾರೆ ಸುಖದ ಆಳವನ್ನು ತಿಳಿಯಲು D-4 ಕುಂಡಲಿಯನ್ನು ವಿಶ್ಲೇಷಿಸಬೇಕು. ನಿಮ್ಮ ಪೂರ್ವಪುಣ್ಯದ ಪುಣ್ಯದ ಫಲಗಳು ನಿಮಗೆ ಈ ಜನ್ಮದಲ್ಲಿ "ಸ್ಥಿರ ಆಸ್ತಿ, ನೆಮ್ಮದಿ ಮತ್ತು ಅದೃಷ್ಟದ ರೂಪದಲ್ಲಿ ಸಿಗುತ್ತವೆಯೇ?" ಎಂಬುದನ್ನು D-4 ನಿರ್ಧರಿಸುತ್ತದೆ.

• D-4 ನ ಲಗ್ನಾಧಿಪತಿಯು ಬಲವಾಗಿದ್ದರೆ (ಉಚ್ಚ ಸ್ವಕ್ಷೇತ್ರದಲ್ಲಿದ್ದರೆ), ವ್ಯಕ್ತಿಯು ಹುಟ್ಟುತ್ತಲೇ ಒಳ್ಳೆಯ ಪೂರ್ವಪುಣ್ಯ ಮತ್ತು ಅದೃಷ್ಟವನ್ನು ತಂದಿರುತ್ತಾನೆ.

• ಒಂದು ವೇಳೆ D-4 ಲಗ್ನಾಧಿಪತಿಯು 6, 8, 12ನೇ ಮನೆಗಳಲ್ಲಿದ್ದರೆ ಅಥವಾ ರಾಹು-ಕೇತುಗಳ ಜೊತೆಗಿದ್ದರೆ, ಪೂರ್ವಪುಣ್ಯದ ಕೊರತೆಯಿಂದಾಗಿ ಜೀವನದಲ್ಲಿ ಸ್ಥಿರತೆ ಸಿಗುವುದಿಲ್ಲ.

D-4 ಕುಂಡಲಿಯ 9ನೇ ಮನೆ (ಭಾಗ್ಯಸ್ಥಾನ)

• D-4 ನ 9ನೇ ಮನೆಯು ನಿಮ್ಮ ಪೂರ್ವಪುಣ್ಯದ ಫಲಗಳು ಭವಿಷ್ಯದಲ್ಲಿ ಹೇಗೆ ಕೆಲಸ ಮಾಡುತ್ತವೆ ಎಂಬುದನ್ನು ತೋರಿಸುತ್ತದೆ.

• ಇಲ್ಲಿ ಗುರು, ಶುಕ್ರ ಅಥವಾ ಬುಧನಂತಹ ಶುಭ ಗ್ರಹಗಳಿದ್ದರೆ, ನೀವು ಮಾಡುವ ಸಣ್ಣ ಪರಿಹಾರಗಳೂ ಕೂಡ ದೊಡ್ಡ ಮಟ್ಟದ ಅದೃಷ್ಟವನ್ನು (ಪೂರ್ವಪುಣ್ಯದ ಸಹಾಯದಿಂದ) ತಂದುಕೊಡುತ್ತವೆ.

• ಇಲ್ಲಿ ಶನಿ ಅಥವಾ ಸೂರ್ಯ ಇದ್ದರೆ ಭಾಗ್ಯೋದಯ ತಡವಾಗುತ್ತದೆ.

Deities of D-4

ಪರಾಶರ ಮಹರ್ಷಿಗಳು D-4 ನ ಪ್ರತಿ ಭಾಗಕ್ಕೂ ನಾಲ್ಕು ದೇವತೆಗಳನ್ನು ನಿಯೋಜಿಸಿದ್ದಾರೆ ಸನಕ, ಸನಂದನ, ಸನಾತನ ಮತ್ತು ಸನತ್ಕುಮಾರ.

• ನಿಮ್ಮ ಪ್ರಮುಖ ಗ್ರಹಗಳು ಯಾವ ದೇವತೆಯ ಭಾಗದಲ್ಲಿವೆ ಎಂಬುದರ ಮೇಲೆ ನಿಮ್ಮ ಪೂರ್ವಪುಣ್ಯದ ಸ್ವರೂಪ ತಿಳಿಯುತ್ತದೆ.

• ಉದಾಹರಣೆಗೆ, ಗ್ರಹಗಳು 'ಸನಾತನ' ಭಾಗದಲ್ಲಿದ್ದರೆ ಆಧ್ಯಾತ್ಮಿಕ ಮತ್ತು ಪೂಜೆಗಳ ಮೂಲಕ ಭಾಗ್ಯ ಒಲಿಯುತ್ತದೆ.

D-9 ಕುಂಡಲಿ (ನವಾಂಶ ಕುಂಡಲಿ): ಲಗ್ನ ಕುಂಡಲಿಯಲ್ಲಿ ಗ್ರಹಗಳು ಚೆನ್ನಾಗಿದ್ದರೂ, ನವಾಂಶದಲ್ಲಿ ಅವು 6, 8, 12ನೇ ಮನೆಗೆ ಹೋಗಿ ನೀಚವಾಗಿದ್ದರೆ (Debilitated), ಬಾಹ್ಯವಾಗಿ ನೀವು ಮಾಡುವ ಪೂಜೆಗಳು ಒಳಗಿನಿಂದ (ಆತ್ಮದ ಮಟ್ಟದಲ್ಲಿ) ಫಲಿಸುವುದಿಲ್ಲ. ಪೂಜೆ ಮಾಡುವಾಗ ವ್ಯಕ್ತಿಗೆ ಮನಸ್ಸಿನಲ್ಲಿ ದೃಢವಾದ ಭಕ್ತಿ, ಶ್ರದ್ಧೆ ಅಥವಾ ಏಕಾಗ್ರತೆ ಇರುವುದಿಲ್ಲ. ಮಂತ್ರ ಜಪಿಸುವಾಗ ಮನಸ್ಸು ಎಲ್ಲೋ ಅಲೆಯುತ್ತದೆ. ಒಳಗಿನಿಂದ 'ಆತ್ಮ ಬಲ' ಸಿಗದ ಕಾರಣ, ಮಂತ್ರದ ಕಂಪನಗಳು (Vibrations) ಭಗವಂತನನ್ನು ತಲುಪುವುದಿಲ್ಲ. ಇದನ್ನು 'ಶೂನ್ಯ ಫಲ' ಎನ್ನಲಾಗುತ್ತದೆ.

ಯಾವಾಗ ಗ್ರಹಗಳ ರತ್ನ, ಮಂತ್ರ, ಮತ್ತು ಹೋಮಗಳು ವಿಫಲವಾಗುತ್ತವೆಯೋ, ಆಗ "ಅತಿ ದೃಢ ಕರ್ಮ" ನಿವಾರಣೆಗೆ ಕೇವಲ ಎರಡು ಮಾರ್ಗಗಳನ್ನು ಮಾತ್ರ ಸೂಚಿಸುತ್ತದೆ

• ಪ್ರಾಯಶ್ಚಿತ್ತ ದಾನ (Penance & Charity): ರಹಸ್ಯವಾಗಿ, ಯಾವುದೇ ಪ್ರತಿಫಲಾಪೇಕ್ಷೆಯಿಲ್ಲದೆ ಹಸಿದ ಜೀವಿಗಳಿಗೆ, ಅಂಗವಿಕಲರಿಗೆ ಅಥವಾ ಅನಾಥರಿಗೆ ಅನ್ನದಾನ ಮಾಡುವುದು.

• ನಿಷ್ಕಾಮ ಭಕ್ತಿ (Surrender): ಯಾವುದೇ ಫಲವನ್ನು ನಿರೀಕ್ಷಿಸದೆ ಕೇವಲ ಭಗವಂತನಿಗೆ ಶರಣಾಗುವುದು (ಶರಣಾಗತಿ ತತ್ವ).

ತಪ್ಪು ರತ್ನಗಳನ್ನು ಧರಿಸುವುದು, ತಪ್ಪು ಮಂತ್ರಗಳನ್ನು ಜಪಿಸುವುದು ಅಥವಾ ನಕಲಿ ಜ್ಯೋತಿಷಿಗಳ ಬಳಿ ಹೋಗಿ ಮೋಸ ಹೋಗುವಂತೆ ಜಾತಕವೇ ಪ್ರೇರೇಪಿಸುತ್ತದೆ.

D-4 ಕುಂಡಲಿಯಲ್ಲಿ ಭಾಗ್ಯಸ್ಥಾನ ಮತ್ತು 4ನೇ ಮನೆ ಕೆಟ್ಟಿದ್ದರೆ, ಅದು 'ವಾಸ್ತು ದೋಷ' ಅಥವಾ 'ಮನೆಯ ದೇವತೆಯ ಶಾಪ'ವನ್ನು (Kula Devatha Curse) ತೋರ್ಪಡಿಸುತ್ತದೆ.ಕುಲದೇವತೆಯ ಅನುಗ್ರಹ ಇಲ್ಲದಿದ್ದಾಗ, ನೀವು ಜಗತ್ತಿನ ಬೇರೆ ಯಾವುದೇ ಪ್ರಸಿದ್ಧ ದೇವಸ್ಥಾನಗಳಿಗೆ ಹೋಗಿ ದೊಡ್ಡ ಪರಿಹಾರ ಮಾಡಿದರೂ ಅದಕ್ಕೆ ದೈವಿಕ ಶಕ್ತಿ ಸಿಗುವುದಿಲ್ಲ.

ಆತ್ಮಕಾರಕ ಗ್ರಹದ ಆರಾಧನೆ 💐

ನಿಮ್ಮ ಜಾತಕದಲ್ಲಿ ಅತ್ಯಂತ ಹೆಚ್ಚು ಡಿಗ್ರಿ ಹೊಂದಿರುವ ಗ್ರಹವೇ ಆತ್ಮಕಾರಕ. ನವಾಂಶದಲ್ಲಿ ಈ ಗ್ರಹ ಇರುವ ಮನೆಯನ್ನು 'ಕಾರಕಾಂಶ' ಎನ್ನಲಾಗುತ್ತದೆ. ಈ ಗ್ರಹಕ್ಕೆ ಸಂಬಂಧಿಸಿದ ದೇವತೆಯನ್ನು (ಉದಾಹರಣೆಗೆ ಸೂರ್ಯನಿಗೆ ಶಿವ, ಚಂದ್ರನಿಗೆ ಗೌರಿ) ಆರಾಧಿಸುವುದರಿಂದ ದೋಷಗಳು ಕರಗುತ್ತವೆ.

ಯಾವುದೇ ಮಂತ್ರ ಕೆಲಸ ಮಾಡದಿದ್ದಾಗ ವೃದ್ಧಾಶ್ರಮಗಳು, ಅನಾಥಾಶ್ರಮಗಳು ಅಥವಾ ಗೋಶಾಲೆಗಳಿಗೆ ಹೋಗಿ ಸ್ವತಃ ದೈಹಿಕವಾಗಿ ಸೇವೆ ಮಾಡುವುದರಿಂದ ದೃಢ ಕರ್ಮದ ತೀವ್ರತೆ ಕಡಿಮೆಯಾಗುತ್ತದೆ.

ಅದೃಢ ಕರ್ಮ: ಸಣ್ಣ ಪ್ರಾರ್ಥನೆ ಅಥವಾ ದಾನದಿಂದ ತಕ್ಷಣ ಪರಿಹಾರವಾಗುತ್ತದೆ (ಲಗ್ನ ಮತ್ತು ನವಾಂಶ ಎರಡೂ ಬಲವಾಗಿದ್ದಾಗ).

ದೃಢಾದೃಢ ಕರ್ಮ: ಕಠಿಣ ಪರಿಶ್ರಮ, ಜಪ ಮತ್ತು ಶಾಂತಿ ಹೋಮಗಳಿಂದ ಪರಿಹಾರವಾಗುತ್ತದೆ (ಲಗ್ನದಲ್ಲಿ ಕೆಟ್ಟದಾಗಿದ್ದು, ನವಾಂಶದಲ್ಲಿ ಬಲವಾಗಿದ್ದಾಗ).

ದೃಢ ಕರ್ಮ: ಯಾವುದೇ ಪರಿಹಾರಕ್ಕೂ ಕರಗದ ಕರ್ಮ. ಇದನ್ನು ಅನುಭವಿಸಲೇಬೇಕು (ಲಗ್ನದಲ್ಲಿ ಚೆನ್ನಾಗಿದ್ದು, ನವಾಂಶ ಮತ್ತು D-4 ನಲ್ಲಿ ನೀಚವಾಗಿದ್ದಾಗ).

ಯಾವುದೇ ಪರಿಹಾರ ಮಾಡದಿದ್ದರೂ ಒಬ್ಬ ವ್ಯಕ್ತಿ ಎಲ್ಲಾ ಸುಖಭೋಗಗಳನ್ನು ಅನುಭವಿಸುತ್ತಿದ್ದಾನೆ ಎಂದರೆ, ಅದಕ್ಕೆ ಜಾತಕ ಮತ್ತು ಕರ್ಮ ಸಿದ್ಧಾಂತದಲ್ಲಿ ಸ್ಪಷ್ಟವಾದ ಕಾರಣಗಳಿವೆ

ಒಬ್ಬ ವ್ಯಕ್ತಿಯು ಪೂರ್ವ ಜನ್ಮದಲ್ಲಿ ಮಾಡಿರುವ ಅತ್ಯುನ್ನತ ಪುಣ್ಯದ ಮೂಟೆಯೇ ಈ ಜನ್ಮದಲ್ಲಿ ಅವನ ‘ಭಾಗ್ಯ'ವಾಗಿ ಬದಲಾಗಿರುತ್ತದೆ. ಆ ಪುಣ್ಯದ ಅವಧಿ (Expiration Date) ಮುಗಿಯುವವರೆಗೆ, ಅವನು ಈ ಜನ್ಮದಲ್ಲಿ ಯಾವುದೇ ಪೂಜೆ, ಪುನಸ್ಕಾರ ಅಥವಾ ಪ್ರಯತ್ನ ಮಾಡದಿದ್ದರೂ ಕಾಲವು ಅವನಿಗೆ ಎಲ್ಲಾ ಸುಖಭೋಗಗಳನ್ನು ತಂದುಕೊಡುತ್ತದೆ.

• ಇವರು ಪೂರ್ವ ಜನ್ಮದ ಪುಣ್ಯದ ಹಣವನ್ನು ಈ ಜನ್ಮದಲ್ಲಿ ಖರ್ಚು ಮಾಡುತ್ತಿರುತ್ತಾರೆ. ಅವರು ಹೊಸದಾಗಿ ಯಾವುದೇ ಪುಣ್ಯವನ್ನು (ದೇವಸ್ಥಾನಕ್ಕೆ ಹೋಗಿ ಅಥವಾ ಪರಿಹಾರ ಮಾಡಿ) ಬ್ಯಾಂಕಿಗೆ ಜಮಾ ಮಾಡುತ್ತಿರುವುದಿಲ್ಲ, ಕೇವಲ ಹಳೆಯದನ್ನು ಖಾಲಿ ಮಾಡುತ್ತಿರುತ್ತಾರೆ.

ಇವರ ಲಗ್ನ ಕುಂಡಲಿ (D1) ಮತ್ತು ನವಾಂಶ (D9) ಎರಡರಲ್ಲೂ 9ನೇ ಮನೆಯ ಅಧಿಪತಿ (ಭಾಗ್ಯಾಧಿಪತಿ) ಅತ್ಯಂತ ಬಲಶಾಲಿಯಾಗಿ, ಕೇಂದ್ರ ಅಥವಾ ತ್ರಿಕೋಣ ಸ್ಥಾನಗಳಲ್ಲಿರುತ್ತಾನೆ. ದೈವಬಲವು ಇವರನ್ನು ನೆರಳಿನಂತೆ ರಕ್ಷಿಸುತ್ತಿರುತ್ತದೆ.

ಸ್ವಯಂ ಚಾಲಿತ ರಾಜಯೋಗಗಳು (Inbuilt Raja Yogas): ಜಾತಕದಲ್ಲಿ ಗಜಕೇಸರಿ ಯೋಗ, ಪಂಚಮಹಾಪುರುಷ ಯೋಗ ಅಥವಾ ಲಕ್ಷ್ಮಿ ಯೋಗಗಳು ಯಾವುದೇ ಪಾಪಗ್ರಹಗಳ ದೃಷ್ಟಿಯಿಲ್ಲದೆ ಶುದ್ಧವಾಗಿದ್ದಾಗ, ವ್ಯಕ್ತಿಗೆ ಪರಿಹಾರಗಳ ಅಗತ್ಯವೇ ಬರುವುದಿಲ್ಲ. ಗ್ರಹಗಳು ತಾವಾಗಿಯೇ ಒಳಿತನ್ನು ಮಾಡುತ್ತವೆ.

ಶುಭ ಗ್ರಹಗಳ ದಶಾ ಕಾಲ (Benefic Dasha Period) ಅವರ ಜೀವನದ ಪ್ರಮುಖ ವಯಸ್ಸಿನಲ್ಲಿ (ಯೌವನ ಮತ್ತು ಮಧ್ಯವಯಸ್ಸು) ಗುರು, ಶುಕ್ರ, ಬುಧ ಅಥವಾ ಉಚ್ಚ ಗ್ರಹಗಳ ಮಹಾದಶೆಗಳು ನಡೆಯುತ್ತಿರುತ್ತವೆ. ಈ ದಶೆಗಳು ಯಾವುದೇ ದೋಷವಿಲ್ಲದೆ ಸುಖವನ್ನು ಉಣಬಡಿಸುತ್ತವೆ.

💐ಧನ್ಯವಾದಗಳು💐

ಶ್ರೀ ದಿಗ್ಗಿ ಮಲ್ಲಿಕಾರ್ಜುನ ಅಷ್ಟಕಂ

 ಶ್ರೀ ದಿಗ್ಗಿ ಮಲ್ಲಿಕಾರ್ಜುನ ಅಷ್ಟಕಂ

ಗಣಾಧೀಶಾಯ ನಿತ್ಯಾಯ ಹೊಸಹಳ್ಳಿ ನಿವಾಸಾಯ ಚ । ಭಸ್ಮಪ್ರಿಯಾಯ ಶರ್ವಾಯ ದಿಗ್ಗಿ ಮಲ್ಲಿಕಾರ್ಜುನಾಯ ನಮೋಸ್ತು ತೆ ॥ ೧ ॥

ಅಭಿಷೇಕಪ್ರಿಯಾಯೋಗ್ರಾಯ ಹೊಸಹಳ್ಳಿ ನಿವಾಸಾಯ ಚ । ನೀಲಕಂಠಾಯ ರುದ್ರಾಯ ದಿಗ್ಗಿ ಮಲ್ಲಿಕಾರ್ಜುನಾಯ ನಮೋಸ್ತು ತೆ ॥ ೨ ॥

ತ್ರಿನೇತ್ರಾಯ ಚ ಶುದ್ಧಾಯ ತ್ರಿಪುರಾಂತಕಾಯ ಶಂಭವೇ । ಹೊಸಹಳ್ಳಿ ಪುರೇಶಾಯ ದಿಗ್ಗಿ ಮಲ್ಲಿಕಾರ್ಜುನಾಯ ನಮೋಸ್ತು ತೆ ॥ ೩ ॥

ವಿಸ್ಮಯಾಯ ಸ್ವರೂಪಾಯ ವಿಘ್ನಹರ್ತ್ರೇ ವಿಭೂತಯೇ । ಚರಾಚರಾಯ ದೇವಾಯ ದಿಗ್ಗಿ ಮಲ್ಲಿಕಾರ್ಜುನಾಯ ನಮೋಸ್ತು ತೆ ॥ ೪ ॥

ಗಂಗಾಧರಾಯ ಶಾಂತಾಯ ಸರ್ವಪಾಪಹರಾಯ ಚ । ಹೊಸಹಳ್ಳಿ ನಿವಾಸಾಯ ದಿಗ್ಗಿ ಮಲ್ಲಿಕಾರ್ಜುನಾಯ ನಮೋಸ್ತು ತೆ ॥ ೫ ॥

ನಾಗೇಂದ್ರಹಾರಭೂಷಾಯ ನಂದಿವಾಹನಶೋಭಿನೇ । ಪಾರ್ವತೀಪ್ರಾಣನಾಥಾಯ ದಿಗ್ಗಿ ಮಲ್ಲಿಕಾರ್ಜುನಾಯ ನಮೋಸ್ತು ತೆ ॥ ೬ ॥

ಮಹಾಲಿಂಗಸ್ವರೂಪಾಯ ಮಹಾದೇವಾಯ ಶಂಭವೇ । ಹೊಸಹಳ್ಳಿ ಪ್ರಕಾಶಾಯ ದಿಗ್ಗಿ ಮಲ್ಲಿಕಾರ್ಜುನಾಯ ನಮೋಸ್ತು ತೆ ॥ ೭ ॥

ನಮೋಸ್ತು ದೇವದೇವಾಯ ಹೊಸಹಳ್ಳಿ ನಿವಾಸಾಯ ಚ । ತ್ರ್ಯಂಬಕಾಯ ಚ ರುದ್ರಾಯ ದಿಗ್ಗಿ ಮಲ್ಲಿಕಾರ್ಜುನಾಯ ಮಂಗಲಮ್ ॥ ೮ ॥

ನಾಮಸಂಕೀರ್ತನ & ಫಲಶ್ರುತಿ ಮಲ್ಲಿಕಾರ್ಜುನ ಮಲ್ಲಿಕಾರ್ಜುನ ಮಲ್ಲಿಕಾರ್ಜುನ ಪಾಹಿ ಮಾಂ । ಮಲ್ಲಿಕಾರ್ಜುನ ಮಲ್ಲಿಕಾರ್ಜುನ ಮಲ್ಲಿಕಾರ್ಜುನ ರಕ್ಷ ಮಾಂ ॥

ಚನ್ನೇಶೇನ ಕೃತಂ ಸ್ತೋತ್ರಂ ಮಲ್ಲಿಕಾರ್ಜುನ ತುಷ್ಟಿದಮ್ । ಯಃ ಪಠೇತ್ ಪ್ರಾತರುತ್ಥಾಯ ಸರ್ವಾನ್ ಕಾಮಾನವಾಪ್ನುಯಾತ್ ॥

॥ ಇತಿ ಶ್ರೀ ದಿಗ್ಗಿ ಮಲ್ಲಿಕಾರ್ಜುನ ಅಷ್ಟಕಂ ಸಂಪೂರ್ಣಮ್ ॥

ಮೂಲ ರಚನೆ: ವೇ. ಶ್ರೀ ಚನ್ನೇಶ ಶಾಸ್ತ್ರಿಗಳು ಉ. ಮಠದ ಮೂಲ ದಿನಾಂಕ: ೨೭-೦೩-೨೦೧೩

ಶ್ರೀ ದಿಗ್ಗಿ ಮಲ್ಲಿಕಾರ್ಜುನ ಮಂಗಳಾರತಿ

 ಮಂಗಳಂ ಜಯ ಮಂಗಳಂ ದಿಗ್ಗಿ ಮಲ್ಲಿಕಾರ್ಜುನಗೆ ಮಂಗಳಂ ॥ ಹೊಸಹಳ್ಳಿಯಲಿ ನೆಲೆಸಿದ ದೇವಗೆ ಪರಮಪಾವನ ಶಂಭುಗೆ ಮಂಗಳಂ ॥ಪ|| (ಮಂಗಳಂ ಜಯ...)

ಚರಣ ೧: ಫಣೆಯೊಳು ವಿಭೂತಿ ಬೆಳಗುವ ದೇವಗೆ ಕೊರಳೊಳು ನಾಗನ ಧರಿಸಿದ ಶರ್ವಗೆ । ಗಂಗೆಯ ಶಿರದಲಿ ತಾಳಿದ ಈಶಗೆ ಭಕ್ತಿಯಿಂದಲಿ ಬೆಳಗುವೆ ಆರತಿ ॥ (ಮಂಗಳಂ ಜಯ...)

ಚರಣ ೨: ಅಭಿಷೇಕ ಪ್ರಿಯನಾದ ತ್ರಿನೇತ್ರಗೆ ಭಕ್ತರ ಕಷ್ಟವ ಕಳೆಯುವ ರುದ್ರಗೆ । ಪಾರ್ವತೀರಮಣ ನಂದಿವಾಹನಗೆ ಭಾವತುಂಬಿ ಬೆಳಗುವೆ ಆರತಿ ॥ (ಮಂಗಳಂ ಜಯ...)

ಚರಣ ೩: ಮಹಾಲಿಂಗ ಸ್ವರೂಪ ಜಗದೀಶಗೆ ಕರುಣಾಸಾಗರ ಶ್ರೀ ಮಹಾದೇವಗೆ । ಚನ್ನೇಶನು ನಮಿಸುವ ಪಾದಕೆ ದಿಗ್ಗಿ ಮಲ್ಲೇಶಗೆ ಮಂಗಳಂ ॥ (ಮಂಗಳಂ ಜಯ...)

ಜಯಘೋಷ: ಹರ ಹರ ಮಹಾದೇವ ಶಂಭೋ ಶಂಕರ । ಶ್ರೀ ದಿಗ್ಗಿ ಮಲ್ಲಿಕಾರ್ಜುನ ಸ್ವಾಮಿಗೆ ಮಂಗಳಂ ॥

ಅಂಕಿತ: ವೇ. ಶ್ರೀ ಚನ್ನೇಶ ಶಾಸ್ತ್ರಿಗಳು ಉ. ಮಠದ

ಶ್ರೀ ದಿಗ್ಗಿ ಮಲ್ಲಿಕಾರ್ಜುನ ಭಕ್ತಿ ಗೀತೆ

ದಿಗ್ಗಿ ಪುರದೊಳು ನೆಲೆಸಿದ ದೇವನೇ ಮಲ್ಲಿಕಾರ್ಜುನ ಹೊಸಹಳ್ಳಿಯಲಿ ಬೆಳಗುವ ಶಂಭುವೆ ಶಂಕರ ಪಾವನ ॥ ಕೈಮುಗಿದು ಬೇಡುವೆವು ಕಾಪಾಡು ತಂದೆಯೇ ಭಕ್ತರ ಕಾಯುವ ಕರುಣಾ ಸಿಂಧುವೆ ॥ ಪ||

(ದಿಗ್ಗಿ ಪುರದೊಳು...)

ಚರಣ ೧: ಹಣೆತುಂಬ ವಿಭೂತಿ ಧರಿಸಿದ ಮೂರುತಿ ಕೊರಳೊಳು ಸರ್ಪನ ಹೊತ್ತ ವಿಭೂತಿ । ಅಭಿಷೇಕ ಪ್ರಿಯನೇ ಗಂಗಾಧರನೇ ಕಷ್ಟಗಳ ಕಳೆಯುವ ತ್ರಿಪುರಾಂತಕನೇ ॥ (ದಿಗ್ಗಿ ಪುರದೊಳು...)

ಚರಣ ೨: ನಂದಿಯ ವಾಹನನೇ ಗೌರಿಯ ರಮಣನೇ ನಂಬಿದ ಭಕ್ತರ ಬಿಡದ ಶ್ರೀಹರನೇ । ಚಂದ್ರನ ಮುಡಿದಿಹ ಪರಮ ದಯಾಳೋ ಬೇಡಿದ ವರಗಳ ನೀಡುವ ಶಂಭೋ ॥ (ದಿಗ್ಗಿ ಪುರದೊಳು...)

ಚರಣ ೩: ಮಹಾಲಿಂಗ ರೂಪನೇ ದೇವ ದೇವನೇ ಸೃಷ್ಟಿಯ ಕಾಯುವ ಸದಾಶಿವನೇ । ಚನ್ನೇಶ ವಂದಿತ ಮಲ್ಲಯ್ಯನೇ ನಿತ್ಯವೂ ನಮ್ಮನು ಕಾಯೋ ನೀನೇ ॥ (ದಿಗ್ಗಿ ಪುರದೊಳು...)

ಜಯಘೋಷ: ಮಲ್ಲಿಕಾರ್ಜುನ ಮಲ್ಲಿಕಾರ್ಜುನ ಮಲ್ಲಿಕಾರ್ಜುನ ಪಾಹಿ ಮಾಂ । ಮಲ್ಲಿಕಾರ್ಜುನ ಮಲ್ಲಿಕಾರ್ಜುನ ಮಲ್ಲಿಕಾರ್ಜುನ ರಕ್ಷ ಮಾಂ ॥ 

ದಿಗ್ಗಿ ಮಲ್ಲಿಕಾರ್ಜುನ ಸ್ವಾಮಿಗೆ ಜೈ!

ಅಂಕಿತ: ವೇ. ಶ್ರೀ ಚನ್ನೇಶ ಶಾಸ್ತ್ರಿಗಳು ಉ. ಮಠದ

ಪವಿತ್ರ ದರ್ಭೆ ಸಂಗ್ರಹಿಸುವ ಶಾಸ್ತ್ರೋಕ್ತ ವಿಧಾನ

🌿🕉️ ದರ್ಭೆ ಸಂಗ್ರಹಿಸುವ ಸಮಯ, ಮಂತ್ರ ಮತ್ತು ನಿಯಮಗಳು

ಸನಾತನ ಧರ್ಮದಲ್ಲಿ ದರ್ಭೆ (ಕುಶ) ಅತ್ಯಂತ ಪವಿತ್ರವಾದದ್ದು. ದೇವತಾ ಪೂಜೆ, ಹೋಮ, ಹವನ, ತರ್ಪಣ, ಶ್ರಾದ್ಧ, ಸಂಕಲ್ಪ ಸೇರಿದಂತೆ ಅನೇಕ ವೈದಿಕ ಕರ್ಮಗಳಲ್ಲಿ ದರ್ಭೆಗೆ ವಿಶೇಷ ಸ್ಥಾನವಿದೆ.

ದರ್ಭೆಯನ್ನು ಕೇವಲ ಹುಲ್ಲೆಂದು ಪರಿಗಣಿಸದೆ, ಪವಿತ್ರ ವೈದಿಕ ಕರ್ಮದ ಅವಿಭಾಜ್ಯ ಅಂಗವೆಂದು ಶಾಸ್ತ್ರಗಳು ಗೌರವಿಸಿವೆ.

📜 ಶಾಸ್ತ್ರಾಧಾರ

ಸ್ಕಂದಪುರಾಣದ ಶ್ರಾವಣಮಾಹಾತ್ಮ್ಯದಲ್ಲಿ ಶ್ರಾವಣ ಅಮಾವಾಸ್ಯೆಯಂದು ಶುದ್ಧರಾಗಿ ಕುಶವನ್ನು ಸಂಗ್ರಹಿಸುವ ವಿಧಿ ಉಲ್ಲೇಖವಾಗಿದೆ. ಈ ಕಾರಣದಿಂದ ಈ ದಿನವನ್ನು ಕುಶೋತ್ಪಾಟಿನಿ ಅಮಾವಾಸ್ಯೆ ಎಂದೂ ಕರೆಯಲಾಗುತ್ತದೆ.

ಧರ್ಮಸಿಂಧುದಲ್ಲಿಯೂ:

“शुचिर्भूत्वा श्रावणस्य दर्शे कुशान् आहरेत्”

ಅಂದರೆ —
“ಶುಚಿರ್ಭೂತರಾಗಿ ಶ್ರಾವಣ ಅಮಾವಾಸ್ಯೆಯಂದು ಕುಶವನ್ನು ಸಂಗ್ರಹಿಸಬೇಕು.”

ಕೆಲವು ಆಚಾರಪರಂಪರೆಗಳಲ್ಲಿ ಭಾದ್ರಪದ ಅಮಾವಾಸ್ಯೆಯನ್ನೂ ಕುಶಸಂಗ್ರಹಣೆಗೆ ಪರಿಗಣಿಸಲಾಗಿದೆ.

---

🌿 ದರ್ಭೆ ಸಂಗ್ರಹಿಸುವ ಮುನ್ನ

ಸ್ನಾನ ಮಾಡಿ ಶುದ್ಧರಾಗಿ, ಪವಿತ್ರ ಮನಸ್ಸಿನಿಂದ ದರ್ಭೆ ಸಂಗ್ರಹಿಸುವ ಸ್ಥಳಕ್ಕೆ ತೆರಳಬೇಕು.

ದರ್ಭೆಯನ್ನು ಕಂಡು ಈ ಮಂತ್ರವನ್ನು ಭಕ್ತಿಯಿಂದ ಪಠಿಸುವ ಸಂಪ್ರದಾಯವಿದೆ:

विरिञ्चिना सहोत्पन्न परमेष्ठि निसर्गज ।
नुद सर्वाणि पापानि दर्भ स्वस्तिकरो भव ॥

ಅರ್ಥ:
“ಬ್ರಹ್ಮದೇವನೊಂದಿಗೆ ಉತ್ಪನ್ನವಾದ, ಪರಮೇಷ್ಠಿಯಿಂದ ಸ್ವಾಭಾವಿಕವಾಗಿ ಉದ್ಭವಿಸಿದ ದರ್ಭೆಯೇ! ನನ್ನ ಎಲ್ಲಾ ಪಾಪಗಳನ್ನು ನಿವಾರಿಸಿ, ನನಗೆ ಮಂಗಳವನ್ನು ಉಂಟುಮಾಡು.”

ನಂತರ “हुं फट्” ಮಂತ್ರವನ್ನು ಉಚ್ಚರಿಸಿ ದರ್ಭೆಯನ್ನು ಸಂಗ್ರಹಿಸುವ ವಿಧಿಯೂ ಆಚಾರಗ್ರಂಥಗಳಲ್ಲಿ ಕಂಡುಬರುತ್ತದೆ.

---

🧭 ಯಾವ ದಿಕ್ಕಿಗೆ ಮುಖ ಮಾಡಬೇಕು?

ಪರಂಪರೆಯಲ್ಲಿ ದರ್ಭೆ ಸಂಗ್ರಹಿಸುವಾಗ ಪೂರ್ವ ಅಥವಾ ಉತ್ತರಾಭಿಮುಖವಾಗಿ ಇರುವುದನ್ನು ಶ್ರೇಷ್ಠವೆಂದು ಪರಿಗಣಿಸಲಾಗಿದೆ. ಕೆಲವು ವಿಧಿಗಳಲ್ಲಿ ಈಶಾನ್ಯಾಭಿಮುಖವಾಗಿ ಮಾಡುವ ಉಲ್ಲೇಖವೂ ಕಂಡುಬರುತ್ತದೆ.

---

⏰ ಯಾವ ಸಮಯದಲ್ಲಿ ಸಂಗ್ರಹಿಸಬೇಕು?

🌅 ಬೆಳಿಗ್ಗೆ ಅಥವಾ ಪೂರ್ವಾಹ್ನದಲ್ಲಿ, ಸ್ನಾನ ಮಾಡಿ ಶುದ್ಧರಾಗಿ ದರ್ಭೆಯನ್ನು ಸಂಗ್ರಹಿಸುವುದು ಉತ್ತಮ.

ದರ್ಭೆಯನ್ನು ಸಾಧ್ಯವಾದಷ್ಟು ಪವಿತ್ರ ಮತ್ತು ಸ್ವಚ್ಛವಾದ ಸ್ಥಳದಿಂದಲೇ ಸಂಗ್ರಹಿಸಬೇಕು.

---

🌱 ಯಾವ ದರ್ಭೆಯನ್ನು ಆಯ್ಕೆ ಮಾಡಬೇಕು?

✅ ಹಸಿರಾಗಿ, ಉತ್ತಮವಾಗಿ ಬೆಳೆದಿರುವ ದರ್ಭೆ
✅ ತುದಿ ಸಮರ್ಪಕವಾಗಿರುವ ದರ್ಭೆ
✅ ಅಶುದ್ಧತೆಯಿಂದ ದೂರವಿರುವ ಸ್ಥಳದಲ್ಲಿ ಬೆಳೆದಿರುವ ದರ್ಭೆ

❌ ಮುರಿದಿರುವ ದರ್ಭೆ
❌ ಸುಟ್ಟಿರುವ ದರ್ಭೆ
❌ ಅಶುದ್ಧ ಸ್ಥಳದಲ್ಲಿ ಬೆಳೆದಿರುವ ದರ್ಭೆ
❌ ತುದಿ ಹಾಳಾಗಿರುವ ದರ್ಭೆ
❌ ಈಗಾಗಲೇ ಧಾರ್ಮಿಕ ಕರ್ಮದಲ್ಲಿ ಉಪಯೋಗಿಸಿದ ದರ್ಭೆ

ಇವುಗಳನ್ನು ಸಾಧ್ಯವಾದಷ್ಟು ಪೂಜಾಕರ್ಮಕ್ಕೆ ಬಳಸಬಾರದು ಎಂಬ ಆಚಾರವಿದೆ.

---

📜 ಹರೀತಸ್ಮೃತಿ ಉಲ್ಲೇಖ

माघे नभस्यमा या स्यात्तस्यां दर्भोच्चयो मतः ।
अयातयामास्ते दर्भा नियोज्याः स्यु: पुनः पुनः ॥

ಈ ವಚನದ ಆಧಾರದ ಮೇಲೆ ಮಾಘ ಮತ್ತು ಶ್ರಾವಣ ಅಮಾವಾಸ್ಯೆಯಂದು ಸಂಗ್ರಹಿಸಿದ ದರ್ಭೆ ವಿಶೇಷವಾಗಿ ಪುನಃ ಪುನಃ ಧಾರ್ಮಿಕ ಕರ್ಮಗಳಲ್ಲಿ ಬಳಸಲು ಯೋಗ್ಯವೆಂದು ಪರಂಪರೆಯಲ್ಲಿ ವಿವರಿಸಲಾಗಿದೆ.

---

🕉️ ದರ್ಭೆಯ ಮಹತ್ವ

ದರ್ಭೆ ಇಲ್ಲದೆ ಅನೇಕ ವೈದಿಕ ಕರ್ಮಗಳು ಅಪೂರ್ಣವೆಂದು ಪರಿಗಣಿಸಲಾಗುತ್ತದೆ.
ಸಂಕಲ್ಪ, ಆಚಮನ, ತರ್ಪಣ, ಹೋಮ, ಹವನ, ಶ್ರಾದ್ಧ ಮತ್ತು ವಿವಿಧ ಪೂಜಾಕರ್ಮಗಳಲ್ಲಿ ದರ್ಭೆಯ ಬಳಕೆ ಕಂಡುಬರುತ್ತದೆ.

ಆದ್ದರಿಂದ ದರ್ಭೆಯನ್ನು ಗೌರವದಿಂದ, ಶುದ್ಧತೆಯಿಂದ ಮತ್ತು ಶಾಸ್ತ್ರೋಕ್ತ ರೀತಿಯಲ್ಲಿ ಸಂಗ್ರಹಿಸಿ ಸಂರಕ್ಷಿಸುವುದು ಸನಾತನ ಆಚಾರದ ಒಂದು ಭಾಗವಾಗಿದೆ.

🌿 ಒಂದು ಸುಂದರ ಸ್ಮರಣೆ

“ದರ್ಭೆ ಕೇವಲ ಹುಲ್ಲಲ್ಲ — ವೈದಿಕ ಸಂಸ್ಕೃತಿಯಲ್ಲಿ ಪವಿತ್ರತೆಯ ಸಂಕೇತ.”

🙏 ಶಾಸ್ತ್ರವನ್ನು ತಿಳಿಯೋಣ — ಆಚಾರವನ್ನು ಉಳಿಸೋಣ — ಸನಾತನ ಧರ್ಮವನ್ನು ಮುಂದಿನ ಪೀಳಿಗೆಗೆ ತಲುಪಿಸೋಣ.

🪔 ಸನಾತನ ಜ್ಞಾನ ದೀಪ
ಸನಾತನ ಧರ್ಮ • ಆಧ್ಯಾತ್ಮ • ವಾಸ್ತು • ಜ್ಯೋತಿಷ್ಯ • ಸಂಸ್ಕೃತಿ

#ಸನಾತನಜ್ಞಾನ ದೀಪ #ದರ್ಭೆ #ಕುಶ #ಕುಶೋತ್ಪಾಟಿನಿಅಮಾವಾಸ್ಯೆ #ಶ್ರಾವಣಮಾಸ #ಸನಾತನಧರ್ಮ #ವೈದಿಕಆಚಾರ #ಧರ್ಮಶಾಸ್ತ್ರ #ಹಿಂದೂಧರ್ಮ #ವೈದಿಕಸಂಸ್ಕೃತಿ #ಆಧ್ಯಾತ್ಮ #SanatanaJnanaDeepa

ಭಾವ ಮತ್ತು ಭಾವಾಧಿಪತಿ

ಭಾವ ಕಾರಕತ್ವ (Significator) ಮತ್ತು ಭಾವಾಧಿಪತಿ (House Lord).

ಸಪ್ತಮಾಧಿಪತಿ (ಮದುವೆಯ ಸ್ಥಾನದ ಅಧಿಪತಿ) ಉಚ್ಚನಾಗಿದ್ದಾನೆ ಎಂದರೆ, ನಿಮ್ಮ ಜಾತಕದ ವೈವಾಹಿಕ ಜೀವನದ 'ಮೂಲ ಅಡಿಪಾಯ' ಅಥವಾ 'ಫೌಂಡೇಶನ್' ಅತ್ಯಂತ ಗಟ್ಟಿಯಾಗಿದೆ ಎಂದರ್ಥ. ಆದರೆ ಅದರ ಮೇಲೆ ರಾಹು, ಶನಿ ಅಥವಾ ಕುಜನಂತಹ ಪಾಪಗ್ರಹಗಳು ದೃಷ್ಟಿ ಬೀರಿದಾಗ, ಅದು ಕೇವಲ ಒಂದು "ಬಾಹ್ಯ ಆಕ್ರಮಣ" (External Attack / Temporary Affliction) ಮಾತ್ರವಾಗಿರುತ್ತದೆ. 

ಮೂಲ ಗಟ್ಟಿಯಾಗಿರುವುದರಿಂದ, ಬಾಹ್ಯವಾಗಿ ಬರುವ ಪಾಪಗ್ರಹಗಳ ನಕಾರಾತ್ಮಕ ತರಂಗಗಳನ್ನು (Negative Rays) ಕದಲಿ ವಿವಾಹದ ಮೂಲಕ ಬಾಳೆಮರಕ್ಕೆ ವರ್ಗಾಯಿಸಿ ಕತ್ತರಿಸಿದ ತಕ್ಷಣ, ಜಾತಕವು ಸಂಪೂರ್ಣ ದೋಷಮುಕ್ತವಾಗುತ್ತದೆ. ಉಚ್ಚನಾಗಿರುವ ಸಪ್ತಮಾಧಿಪತಿಯು ತಕ್ಷಣವೇ ತನ್ನ ಪೂರ್ಣ ಶುಭ ಫಲವನ್ನು ನೀಡಲು ಆರಂಭಿಸುತ್ತಾನೆ. ಅದಕ್ಕಾಗಿಯೇ ಈ ಪರಿಸ್ಥಿತಿಯಲ್ಲಿ ಪರಿಹಾರವು 100% ಯಶಸ್ವಿಯಾಗುತ್ತದೆ.

ಯಾವ ಭಾವದ ಅಧಿಪತಿಯು ನೀಚ ಸ್ಥಾನದಲ್ಲಿದ್ದಾನೋ, ಆ ಭಾವದ ಬಲವು ಮೂಲದಲ್ಲೇ ಕ್ಷೀಣಿಸಿರುತ್ತದೆ ಅಂತಹ ಸಮಯದಲ್ಲಿ ಕೇವಲ ಬಾಹ್ಯವಾಗಿ ಮಾಡುವ ದ್ರವ್ಯ ಕ್ರಿಯೆಗಳು (ಕದಲಿ ವಿವಾಹದಂತಹ ಸಾಂಕೇತಿಕ ಆಚರಣೆಗಳು) ಕೇವಲ ಶ್ರಮದಾಯಕವಾಗುತ್ತವೆಯೇ ಹೊರತು ಫಲ ನೀಡುವುದಿಲ್ಲ.

ಸಪ್ತಮಾಧಿಪತಿಯೇ ನೀಚನಾಗಿದ್ದಾನೆ ಎಂದರೆ, ನಿಮ್ಮ ಮದುವೆಯ ಮನೆಯ ಬುನಾದಿಯೇ ದುರ್ಬಲವಾಗಿದೆ ಎಂದರ್ಥ. ಇಲ್ಲಿ ಕದಲಿ ವಿವಾಹ ಮಾಡಿದರೆ ಅದು ಕೇವಲ ಪಾಪಗ್ರಹಗಳ ದೃಷ್ಟಿಯನ್ನು ತಡೆಯಬಹುದೇ ಹೊರತು, ಮೂಲದಲ್ಲೇ ಶಕ್ತಿ ಕಳೆದುಕೊಂಡಿರುವ ಸಪ್ತಮಾಧಿಪತಿಗೆ ಜೀವ ತುಂಬಲು ಸಾಧ್ಯವಿಲ್ಲ. ರೋಗವು ರಕ್ತದಲ್ಲೇ ಇರುವಾಗ, ಚರ್ಮದ ಮೇಲೆ ಮುಲಾಮು ಹಚ್ಚಿದರೆ ಗುಣವಾಗದಂತೆ, ಮೂಲ ಗ್ರಹವೇ ನೀಚನಾಗಿದ್ದಾಗ ಕದಲಿ ವಿವಾಹದಂತಹ ಬಾಹ್ಯ ಪರಿಹಾರಗಳು ವಿಫಲವಾಗುತ್ತವೆ.

ಮೂಲ ಗ್ರಹವೇ ನೀಚನಾಗಿದ್ದಾಗ ಕೇವಲ ದೋಷ ವರ್ಗಾವಣೆ ಸಾಲದು ಆ ನೀಚ ಗ್ರಹಕ್ಕೆ "ಶಕ್ತಿ ತುಂಬುವ" (Energy Infusion) ಮತ್ತು ಆತನ ಉಚ್ಚ ದೇವತೆಯನ್ನು ಆರಾಧಿಸುವ ಕ್ರಿಯೆಗಳು ಬೇಕಾಗುತ್ತವೆ. 

ನೀಚಭಂಗ ರಾಜಯೋಗದ ಸಕ್ರಿಯಗೊಳಿಸುವಿಕೆ (Activating Neechabhanga)ಸಪ್ತಮಾಧಿಪತಿಯು ನೀಚನಾಗಿದ್ದರೂ, ಆತನನ್ನು ನೀಚ ಮುಕ್ತ ಮಾಡುವ ಗ್ರಹದ (ಉದಾಹರಣೆಗೆ ಆ ರಾಶಿಯ ಅಧಿಪತಿ ಅಥವಾ ಉಚ್ಚನಾಗುವ ಗ್ರಹದ) ಆರಾಧನೆ ಮಾಡಬೇಕು.

ಸಪ್ತಮಾಧಿಪತಿ ಯಾವ ಗ್ರಹವೋ (ಉದಾ: ಶುಕ್ರನಾಗಿದ್ದರೆ ಮಹಾಲಕ್ಷ್ಮಿ ಆರಾಧನೆ, ಗುರುವಾಗಿದ್ದರೆ ದಕ್ಷಿಣಾಮೂರ್ತಿ ಆರಾಧನೆ) ಆ ಗ್ರಹದ ಮೂಲ ದೇವತೆಯನ್ನು ಪ್ರಾಣಪ್ರತಿಷ್ಠಾಪನೆ ಮಾಡಿ ಪೂಜಿಸಬೇಕು.

ಯಾವ ಗ್ರಹದ ಮಹಾದಶೆ ನಡೆಯುತ್ತಿದೆ ಎಂಬುದು ಅತ್ಯಂತ ಮುಖ್ಯ. ಬೇರ್ಪಡುವಿಕೆಯನ್ನು ಉಂಟುಮಾಡುವ ಗ್ರಹದ (Maraka or Badhaka) ದಶೆ ನಡೆಯುತ್ತಿದ್ದರೆ, ಪರಿಹಾರಗಳು ದೀರ್ಘಕಾಲದವರೆಗೆ ಫಲ ನೀಡಲು ಸಮಯ ತೆಗೆದುಕೊಳ್ಳುತ್ತವೆ.

ಶುಕ್ರನು ಪತ್ನಿ ಮತ್ತು ದಾಂಪತ್ಯ ಸುಖದ ಕಾರಕ.

ಸ್ತ್ರೀಯರ ಜಾತಕದಲ್ಲಿ ಗುರುವು ಪತಿ ಮತ್ತು ಮಾಂಗಲ್ಯ ಬಲದ ಕಾರಕ.ಸಪ್ತಮಾಧಿಪತಿ ಚೆನ್ನಾಗಿದ್ದರೂ, ಈ ಕಾರಕ ಗ್ರಹಗಳು ರಾಹು-ಕೇತುಗಳ ಮಧ್ಯೆ ಸಿಲುಕಿದ್ದರೆ ದಾಂಪತ್ಯ ಮುರಿಯುತ್ತದೆ. ಆಗ 'ನಾಗಬಲಿ' ಅಥವಾ 'ತ್ರಿಪಿಂಡಿ ಶ್ರಾದ್ಧ'ದಂತಹ ಬೇರೆ ಆರಾಧನೆ ಬೇಕಾಗುತ್ತದೆ.

ಎಲ್ಲಾ ಗ್ರಹಗಳ ಗುಣಲಕ್ಷಣಗಳು ಒಂದೇ ಆಗಿರುವುದಿಲ್ಲ. ಗ್ರಹಗಳ ಸ್ವಭಾವ, ಅವುಗಳ ಕಾರಕತ್ವ ಮತ್ತು ಅವು ಆಳುವ ರಾಶಿಗಳ ಸ್ವಭಾವದ ಮೇಲೆ ದ್ವಿವಿವಾಹ ಯೋಗ ನಿರ್ಧಾರವಾಗುತ್ತದೆ.

ಜಾತಕದ ಸಪ್ತಮ ಭಾವದಲ್ಲಿ ದ್ವಿಸ್ವಭಾವ ರಾಶಿಗಳಾಗಿದ್ದು, ಅಲ್ಲಿ ಪಾಪಗ್ರಹಗಳ ಪ್ರಭಾವವಿದ್ದರೆ ಮಾತ್ರ ದ್ವಿವಿವಾಹ ಯೋಗ ಬರುತ್ತದೆ. ಅದೇ ಸಪ್ತಮ ಭಾವವು 'ಸ್ಥಿರ' ರಾಶಿಯಾಗಿದ್ದು ಅಲ್ಲಿ ಗ್ರಹಗಳಿದ್ದರೆ, ಆ ವ್ಯಕ್ತಿ ಏಕಪತ್ನಿ ವ್ರತಸ್ಥನಾಗಿರುತ್ತಾನೆ (ಒಂದೇ ಮದುವೆ).

ಸೂರ್ಯನು ಆತ್ಮಕಾರಕ ಮತ್ತು ಸ್ಥಿರ ಗ್ರಹ

ಸೂರ್ಯನು ಸಪ್ತಮದಲ್ಲಿದ್ದರೆ ದಾಂಪತ್ಯದಲ್ಲಿ ಅಹಂಕಾರದ ಸಮಸ್ಯೆ ಬರಬಹುದು, ಆದರೆ ಆತ ಸಂಬಂಧವನ್ನು ಮುರಿದು ಮತ್ತೊಂದು ಮದುವೆಗೆ ಪ್ರೇರೇಪಿಸುವುದಿಲ್ಲ. ಸೂರ್ಯನು ಉಷ್ಣ ಗ್ರಹ ಮತ್ತು ರಾಜ ತತ್ವದವನು. ಏಳನೇ ಮನೆ ಎನ್ನುವುದು ದಾಂಪತ್ಯದ ಸೌಮ್ಯ ಭಾವ. ರಾಜನಾದವನು ತಲೆ ಬಾಗಲು ಇಷ್ಟಪಡುವುದಿಲ್ಲ. ಹಾಗಾಗಿ, ಸಪ್ತಮದಲ್ಲಿ ಸೂರ್ಯನಿದ್ದಾಗ ಪತಿ-ಪತ್ನಿಯರ ಮಧ್ಯೆ "ನಾನಾ? ನೀನಾ?" ಎಂಬ ಅಹಂಕಾರದ ಹೋರಾಟ (Ego War) ಶುರುವಾಗುತ್ತದೆ. ಇಬ್ಬರೂ ತಮ್ಮ ತಪ್ಪುಗಳನ್ನು ಒಪ್ಪಿಕೊಳ್ಳಲು ಸಿದ್ಧರಿರುವುದಿಲ್ಲ. ಇದು ಕೇವಲ ಸೌಮ್ಯ ವೈಮನಸ್ಯವೇ ಹೊರತು ಚಾರಿತ್ರ್ಯದ ದೋಷವಲ್ಲ

ರಾಹು ಅಥವಾ ಶುಕ್ರನಂತೆ ಸೂರ್ಯನು ಗುಪ್ತ ಸಂಬಂಧಗಳನ್ನಾಗಲಿ ಅಥವಾ ಸಮಾಜಕ್ಕೆ ಹೆದರದೆ ಮಾಡುವ ತಪ್ಪುಗಳನ್ನಾಗಲಿ ಪ್ರೋತ್ಸಾಹಿಸುವುದಿಲ್ಲ. ಸೂರ್ಯ ಎಂದರೆ ಬೆಳಕು ಅಲ್ಲಿ ಕತ್ತಲೆಯ ಮಾಯಾವಿ ಆಟಗಳು ನಡೆಯುವುದಿಲ್ಲ. ಸಪ್ತಮ ಸೂರ್ಯನು ವ್ಯಕ್ತಿಗೆ ಸಮಾಜದಲ್ಲಿ ತನ್ನ ಗೌರವ ಮತ್ತು ಕೀರ್ತಿ ಕೆಡಬಾರದು ಎಂಬ ತೀವ್ರ ಪ್ರಜ್ಞೆಯನ್ನು ಕೊಡುತ್ತಾನೆ. ಆದ್ದರಿಂದ, ಆತ ವಿಚ್ಛೇದನ ಪಡೆದು ಮತ್ತೊಂದು ಮದುವೆಯಾಗುವ ನಿರ್ಧಾರಕ್ಕೆ ಸುಲಭವಾಗಿ ಬರುವುದಿಲ್ಲ.

ಒಂದು ವೇಳೆ ಆ ಸಪ್ತಮಸ್ಥ ಸೂರ್ಯನಿಗೆ ತುಲಾ ರಾಶಿಯಲ್ಲಿ ನೀಚತ್ವ ಬಂದಿದ್ದರೆ ಅಥವಾ ಆತನ ಜೊತೆ ರಾಹು ಅಥವಾ ಶನಿ ಸೇರಿದರೆ ಆಗ ಸೂರ್ಯನ ನೈತಿಕ ಬಲವು ಕ್ಷೀಣಿಸುತ್ತದೆ 

ಅಂತಹ ಸಮಯದಲ್ಲಿ ಅಹಂಕಾರವು ತೀವ್ರ ರೂಪ ಪಡೆದು, ಸಂಬಂಧವು ಕೋರ್ಟ್ ಕಟಕಟೆಯವರೆಗೆ ಹೋಗಿ ಬೇರ್ಪಡುವಿಕೆಗೆ ಕಾರಣವಾಗಬಹುದು. ಆದರೆ ಅಲ್ಲಿಯೂ ಸೂರ್ಯ ಮತ್ತೊಂದು ಮದುವೆಗೆ ಪ್ರೇರೇಪಿಸುವುದಿಲ್ಲ, ಬದಲಿಗೆ ವ್ಯಕ್ತಿಯನ್ನು ಏಕಾಂಗಿಯಾಗಿ (Isolation) ಉಳಿಸಿಬಿಡುತ್ತಾನೆ.

ಶನಿಯು ನಿಧಾನ ಮತ್ತು ಸ್ಥಿರತೆಯ ಗ್ರಹ ಶನಿ ಸಪ್ತಮದಲ್ಲಿದ್ದರೆ ಮದುವೆ ತಡವಾಗಬಹುದು ಅಥವಾ ದಾಂಪತ್ಯ ನೀರಸವಾಗಬಹುದು. ಆದರೆ ಶನಿಯು ಕರ್ತವ್ಯ ಪ್ರಜ್ಞೆಯನ್ನು ಮೂಡಿಸುವುದರಿಂದ, ಸಂಬಂಧವನ್ನು ಸುಲಭವಾಗಿ ಬಿಟ್ಟುಕೊಡುವುದಿಲ್ಲ ಮತ್ತು ಮತ್ತೊಂದು ಮದುವೆಗೆ ಆತುರಪಡುವುದಿಲ್ಲ.

ಬುಧನನ್ನು ಜ್ಯೋತಿಷ್ಯದಲ್ಲಿ "ದ್ವಂದ್ವ ಗ್ರಹ" (Dual Planet) ಎನ್ನಲಾಗುತ್ತದೆ. ಈತನಿಗೆ ಸ್ವಂತ ನಿರ್ಧಾರಗಳಿಗಿಂತ ಬದಲಾವಣೆ ಇಷ್ಟ. ಬುಧನು ಮಿಥುನ ಮತ್ತು ಕನ್ಯಾ ಎಂಬ ಎರಡು ದ್ವಿಸ್ವಭಾವ ರಾಶಿಗಳ ಅಧಿಪತಿ. ಸಪ್ತಮ ಭಾವದಲ್ಲಿ ಬುಧನ ಪ್ರಭಾವ ತೀವ್ರವಾಗಿದ್ದರೆ, ಆ ವ್ಯಕ್ತಿಗೆ ದಾಂಪತ್ಯದಲ್ಲಿ ಸ್ಥಿರತೆ ಇರುವುದಿಲ್ಲ ಅದು ದ್ವಿವಿವಾಹಕ್ಕೆ ಪ್ರಮುಖ ಕಾರಣವಾಗುತ್ತದೆ.

ಧನುಸ್ಸು ಮತ್ತು ಮೀನ ಎಂಬ ದ್ವಿಸ್ವಭಾವ ರಾಶಿಗಳ ಅಧಿಪತಿಯಾದ ( ಜೀವ )ಗುರು ಗ್ರಹವು ಪಾಪಗ್ರಹಗಳ ಸಂಸರ್ಗದಿಂದ ದೋಷಯುಕ್ತನಾಗಿ ಸಪ್ತಮ ಭಾವದಲ್ಲಿದ್ದರೆ, ಆತ ಖಂಡಿತವಾಗಿಯೂ ಬಹುಪತ್ನಿ ಅಥವಾ ದ್ವಿವಿವಾಹ ಯೋಗವನ್ನು ನೀಡುತ್ತಾನೆ. ಪಾಪಗ್ರಹಗಳ ಒಡನಾಟದಿಂದ ಗುರುವಿನ ನೈಸರ್ಗಿಕ ಶುಭತ್ವವು ಅಲ್ಲಿ ನಾಶವಾಗುತ್ತದೆ.

ಗುರುವು ಆಳುವ ಎರಡು ರಾಶಿಗಳಾದ ಧನುಸ್ಸು ಮತ್ತು ಮೀನ ಎರಡು ಶಕ್ತಿಗಳನ್ನು ಪ್ರತಿನಿಧಿಸುತ್ತವೆ. ಧನುಸ್ಸಿನ ಸಂಕೇತ ಅರ್ಧ ಕುದುರೆ, ಅರ್ಧ ಮನುಷ್ಯ (ದ್ವಂದ್ವ ಸ್ಥಿತಿ). ಮೀನದ ಸಂಕೇತ ವಿರುದ್ಧ ದಿಕ್ಕಿನಲ್ಲಿ ಈಜುವ ಎರಡು ಮೀನುಗಳು.ಗುರುವು ಈ ದ್ವಂದ್ವ ಶಕ್ತಿಯ ನಾಯಕನಾಗಿ ನಿಮ್ಮ ಜಾತಕದ ಮದುವೆಯ ಸ್ಥಾನವಾದ 7ನೇ ಮನೆಯಲ್ಲಿದ್ದಾಗ ಆ ಭಾವಕ್ಕೆ "ಒಂದಕ್ಕಿಂತ ಹೆಚ್ಚು" (Plurality) ಎಂಬ ತತ್ವವನ್ನು ತಂದುಕೊಡುತ್ತಾನೆ.

ಅತ್ಯಂತ ಶುಭ ಗ್ರಹಗಳಾದ ಗುರು ಅಥವಾ ಬುಧನು ಕೇಂದ್ರ ಸ್ಥಾನಗಳಿಗೆ (1, 4, 7, 10 ನೇ ಮನೆ) ಅಧಿಪತಿಯಾದಾಗ, ಅವು ತಮ್ಮ ನೈಸರ್ಗಿಕ ಶುಭತ್ವವನ್ನು ಕಳೆದುಕೊಳ್ಳುತ್ತವೆ. ಇದನ್ನು 'ಕೇಂದ್ರಾಧಿಪತ್ಯ ದೋಷ' ಎನ್ನಲಾಗುತ್ತದೆ.

ಗುರು ಎಂದರೆ ಬೃಹತ್ (Expansion). ಆತ ಯಾವುದೇ ಭಾವದಲ್ಲಿದ್ದರೂ ಆ ಭಾವದ ವಿಷಯಗಳನ್ನು ವಿಸ್ತರಿಸುತ್ತಾನೆ. ಸಪ್ತಮ ಭಾವದಲ್ಲಿ ಗುರುವು ದೋಷಯುಕ್ತನಾದಾಗ, ಆತ ಸಂಬಂಧಗಳ ಸಂಖ್ಯೆಯನ್ನು ವಿಸ್ತರಿಸುತ್ತಾನೆ (Multiplicity of relations).ಅದೇ ಸ್ಥಾನದಲ್ಲಿ ಶನಿ ಇದ್ದರೆ ಸಂಬಂಧಗಳನ್ನು ಕುಗ್ಗಿಸುತ್ತಾನೆ (Restriction - ಒಂದೇ ಮದುವೆಗೆ ಸೀಮಿತಗೊಳಿಸುತ್ತಾನೆ). ಆದರೆ ಗುರುವು ಪಾಪಗ್ರಹಗಳ ಪ್ರಭಾವದಲ್ಲಿದ್ದಾಗ "ಹಳೆಯದನ್ನು ಬಿಟ್ಟು ಹೊಸ ಜೀವನವನ್ನು ಹುಡುಕಿಕೊಳ್ಳುವ" ಆಸೆಯನ್ನು ವಿಸ್ತರಿಸುತ್ತಾನೆ.

ಶುಕ್ರನು ಭೋಗಕಾರಕ ಮತ್ತು ರಾಹುವು ಅತಿ ಆಸೆಯ ಕಾರಕ. ಇವರಿಬ್ಬರು ಸೇರಿದಾಗ ವ್ಯಕ್ತಿಗೆ ಸಾಂಪ್ರದಾಯಿಕ ಚೌಕಟ್ಟನ್ನು ಮೀರುವ ಆಸೆ ಉಂಟಾಗಿ ಸಪ್ತಮ ಭಾವದಲ್ಲಾಗಲಿ ಅಥವಾ ಪ್ರಮುಖ ಕೇಂದ್ರಗಳಲ್ಲಾಗಲಿ ಸೇರಿದರೆ, ಆ ವ್ಯಕ್ತಿಯು ಕಾಮದ ಆಸೆಗೆ ಒಳಗಾಗಿ ಲೋಕಾಚಾರ ಅಥವಾ ಸಾಮಾಜಿಕ ನಿಯಮಗಳನ್ನು (ಸಾಂಪ್ರದಾಯಿಕ ಚೌಕಟ್ಟನ್ನು) ಗಾಳಿಗೆ ತೂರುತ್ತಾನೆ. ಆತನಿಗೆ ದ್ವಿವಿವಾಹ (ಎರಡು ಮದುವೆ), ಮೂರು ಮದುವೆ ಅಥವಾ ಸಮಾಜ ಒಪ್ಪದ ಬಹುಸಂಬಂಧಗಳ ಯೋಗವು ಉಂಟಾಗುತ್ತದೆ ಹಾಗೂ ಆತ ಕೇವಲ ಭೋಗಮಾರ್ಗದಲ್ಲಿ ಪ್ರವೃತ್ತನಾಗುತ್ತಾನೆ.

ಶುಕ್ರನು ನೈಸರ್ಗಿಕವಾಗಿ ಪ್ರೀತಿ, ಆಕರ್ಷಣೆ, ಸೌಂದರ್ಯ ಮತ್ತು ದಾಂಪತ್ಯ ಸುಖವನ್ನು ಪ್ರತಿನಿಧಿಸುವ ಗ್ರಹ. ರಾಹುವು ಯಾವುದೇ ಗ್ರಹದ ಜೊತೆ ಸೇರಿದರೂ ಆ ಗ್ರಹದ ಗುಣವನ್ನು ನೂರು ಪಟ್ಟು ವರ್ಧಿಸುತ್ತಾನೆ ಶುಕ್ರನ ಜೊತೆ ರಾಹು ಸೇರಿದಾಗ, ಆ ವ್ಯಕ್ತಿಗೆ ಪ್ರೀತಿ ಮತ್ತು ಭೋಗದ ವಿಷಯದಲ್ಲಿ "ಎಷ್ಟಿದ್ದರೂ ಸಾಲದು" ಎಂಬ ತೀವ್ರ ಅತೃಪ್ತಿ ಸೃಷ್ಟಿಯಾಗುತ್ತದೆ. ಇದು ಒಂದು ಸಂಬಂಧ ಮುರಿದು ಮತ್ತೊಂದಕ್ಕೆ ಪ್ರೇರೇಪಿಸುತ್ತದೆ.

ಮೂಲ: ಅರುಣ್ ಕುಮಾರ್

ನಿಮ್ಮ ಅಷ್ಟಮಾದಿಪತಿ ವಕ್ರೀಯಾದಾಗ ನೀವೇ ದೀರ್ಘಾಯು ನಿಜವೇ?

ನಿಮ್ಮ ಲಗ್ನಾದಿಪತಿ ವಕ್ರೀಯಾದಾಗ ನಿಮ್ಮ ಸೋದರ ಮಾವ ಧೀರ್ಘಾಯು.

ನಿಮ್ಮ ಚತುರ್ಥಾದಿಪತಿ ವಕ್ರಿಯಾದರೆ ನಿಮ್ಮ ತಂದೆ ದೀರ್ಘಾಯು (4th is 8th from 9th)

ನಿಮ್ಮ ದ್ವಿತೀಯ ಅದಿಪತಿ ವಕ್ರೀಯಾದರೆ ನಿಮ್ಮ ಸಂಗಾತಿ[ Spouse] ಧೀರ್ಘಾಯು

ನಿಮ್ಮ ಅಷ್ಟಮಾದಿಪತಿ ವಕ್ರೀಯಾದಾಗ ನೀವೇ ದೀರ್ಘಾಯು.

ನಿಮ್ಮ ವ್ಯಯಾದಿಪತಿ ವಕ್ರೀಯಾದಾಗ ನಿಮ್ಮ ಮಕ್ಕಳೇ ದೀರ್ಘಾಯು. 

ನಿಮ್ಮ ಲಾಭಾದಿಪತಿ ವಕ್ರೀಯಾದಾಗ ತಾಯಿ ದೀರ್ಘಾಯು(ಲಾಭದಲ್ಲಿ ಶನಿ/ ವಕ್ರೀ ಶನಿ ಇದ್ರೂನೂ ಅಷ್ಟೇ)....

ಪಾಪ ಗ್ರಹಗಳು ವಕ್ರೀಯಾದಾಗ ಶುಭ ನವಾಂಶದಲ್ಲಿ ಆದ್ರೆ ಶುಭ.  ಪಾಪ ಗ್ರಹದ ನವಾಂಶ ಅಶುಭ(General Dictum)

ನ್ಯೆಸರ್ಗಿಕ ಪಾಪ ಗ್ರಹಗಳು ಒಂದು ಭಾವದಲ್ಲಿ ಸ್ಥಿತವಾದಾಗ ಅವು Living Signification ಹಾಳು ಮಾಡಿ non living Signification improve ಮಾಡುತ್ತವೆ.

ಆದರೆ ಶುಭ ಗ್ರಹಗಳು living Signification improve ಮಾಡಿ non living Signification ಹಾಳು ಮಾಡುತ್ತವೆ.

ಉದಹರಣೆಗೆ: ಒಂದು ನ್ಯೆಸರ್ಗಿಕ ಅಶುಭ ಗ್ರಹ ಪಂಚಮ ಭಾವದಲ್ಲಿ ಸ್ಥಿತವಾಗಿದೆ ಅಂತ ಭಾವಿಸೋಣ. ಪಂಚಮ ಭಾವ ಮತ್ತು ಅದರ ಬಲಕ್ಕೆ ತಕ್ಕಂತೆ ಮಕ್ಕಳು ಇದ್ದೇ ಇರುತ್ತಾರೆ. ಆದರೆ ಇಲ್ಲಿ ಪಾಪ ಗ್ರಹಗಳು ಹಾವು ತನ್ನ ಮೊಟ್ಟೆಗಳನ್ನು ತಾನೇ ತಿಂದಂತೆ ಮಕ್ಕಳ ಜೀವಕ್ಕೆ ಕಂಟಕ ತರುವ ಸಾಧ್ಯತೆ ಇರುತ್ತದೆ...

ಪ್ರಾರಬ್ಧ ಕರ್ಮ

ಲಗ್ನ ಅಂದರೆ ಆತ್ಮ, ದೇಹ ಮತ್ತು ಮನಸ್ಸಿನ ನಡುವಿನ ಮದುವೆ(Marriage between soul, body & mind)

ಚತುರ್ಥ ಭಾವ ಅಂದರೆ ನೀವು ಹುಟ್ಟುವ ಮೊದಲು ತಾಯಿಯ ಗರ್ಭದಲ್ಲಿರುವುದು(4th house is womb of your mother where you are most comfortable)

ನೀವು ಹುಟ್ಟುವ ಮೊದಲು ನಿಮ್ಮ ತಾಯಿಯ ಗರ್ಭವೇ ನಿಮ್ಮ ಮನೆ(Before birth womb is your house, after death tomb is your house)

ಚತುರ್ಥ ಭಾವ ಆಗಾಮಿ ಕರ್ಮವನ್ನು ತೋರಿಸುತ್ತದೆ(ಮುಂದೆ ಮಾಡಬೇಕಾಗಿರುವ ಕರ್ಮ)

ಹಿಂದಿನ ಜನ್ಮದ ನಮ್ಮ ಇಡೇರದ ಅಥವ ಅಪೂರ್ಣ ಆಸೆಯನ್ನು ವ್ಯಯ ಭಾವ ತೋರಿಸುತ್ತದೆ(unmanifested thoughts of last birth)

ಹಿಂದಿನ ಜನ್ಮದಲ್ಲಿ ಯಾವುದಾದರೂ ಕೆಲಸ ಶುರು ಮಾಡಿ ಅದು ಅಪೂರ್ಣವಾಗಿದ್ದರೆ ಅದನ್ನು ಸೂಚಿಸುವ ಭಾವ ಷಷ್ಟ ಭಾವ.(ಭಾಗ್ಯದಿಂದ ದಶಮ ಭಾವ ಷಷ್ಟ). ಈ ಬಾಕಿಯಿಂದ ನಾವು ಈ ಜನ್ಮವನ್ನು ಶುರು ಮಾಡಬೇಕು 

ಹಿಂದಿನ ಜನ್ಮದಲ್ಲಿ unmanifest ಆಗದೇ ಇರುವ ಕರ್ಮದ ಒಂದು ಭಾಗವೇ ಪ್ರಾರಾಭ್ಧ ಕರ್ಮ ( ಇದು ಸಂಚಿತ ಕರ್ಮದ ಒಂದು ಭಾಗವೂ ಹೌದು) ಷಷ್ಟ ಭಾವ ಇದನ್ನು ತೋರಿಸುತ್ತದೆ.

ತ್ರಿಕೋಣ ಭಾವಗಳು(1,5,9 ನಿಮ್ಮ ಚಾಲಕರು. ನಿಮಗೆ ಎಲ್ಲಿಗೆ ಹೋಗಬೇಕೊ ಅಲ್ಲಿಗೆ ಅವರು ಕರೆದುಕೊಂಡು ಹೋಗುತ್ತಾರೆ. Tension ಬೇಡ.

ಕೇಂದ್ರ ಭಾವಗಳಿಗೆ ನೀವೇ ಚಾಲಕರು(4,7,10 ಯೋಚಿಸಿ ಸರಿಯಾದ ದಿಕ್ಕಿನಲ್ಲಿ ವಾಹನ ಚಲಾಯಿಸಿ)

ದುಸ್ಥಾನಗಳು(6,8,12) ನಿಮ್ಮ ವಾಹನ break down ಆಗಿದೆ, ನೀವೇ ವಾಹನವನ್ನು ತಳ್ಳಬೇಕು.

ಯಾವತ್ತೂ ತ್ರಿಕೋಣ (1,5,9) ಭಾವಕ್ಕೆ ಸಂಬಂದಿಸಿದ ಗ್ರಹಗಳ ದಾನ ಕೊಡಬೇಡಿ. ಏಕೆಂದರೆ ಅವರು ನಿಮ್ಮ ಚಾಲಕರು. ನೀವು ದಾನ ಕೊಟ್ಟಾಗ ನಿಮ್ಮ ಚಾಲಕನನ್ನು ಅವರ ಬಳಿ ಕಳುಹಿಸಿದ ಹಾಗೆ ಆಗುತ್ತದೆ. ಆಗ ನಿಮಗೆ ವಾಹನ ಚಲಾಯಿಸಲು ಚಾಲಕರು ಇರುವುದಿಲ್ಲ(you will become directionless)

ನಿಮ್ಮ  ಲಗ್ನ ಅಥವ ಚಂದ್ರ ಏಕೆ ಅದೇ ರಾಶಿಯಲ್ಲಿ ಅದೇ ನಕ್ಷತ್ರದಲ್ಲಿ ಸ್ದಿತವಾಗಿದೆ? 

ನೀವು ಯಾವ ಮಹಾದೆಸೆಯಲ್ಲಿ ಹುಟ್ಟಿದ್ದೀರೋ ಆ ಮಹಾದೆಸೆಯ ಅಧಿಪತಿ ಎಲ್ಲಿ ಸ್ಥಿತವಾಗಿದೆಯೋ ಆ ಭಾವ ನಿಮ್ಮ ಜೀವನದಲ್ಲಿ ಬಹಳ ಮಹತ್ವವನ್ನು ಪಡೆದುಕೊಂಡಿದೆ. *ನೀವು ಈ ಜೀವನದಲ್ಲಿ ಎಲ್ಲಿ ಯಾವ Areaದಲ್ಲಿ ನಿಮ್ಮ ಅತ್ಯದಿಕ ಶಕ್ತಿಯನ್ನು ವ್ಯಯಿಸುತ್ತೀರಿ ಅಂತ ತೋರಿಸುತ್ತದೆ.(Where you are going to spend maximum amount of energy in this life)*

ಕೇತು ನಕ್ಷತ್ರದಲ್ಲಿ ಜನಿಸಿರುವವರಿಗೆ ಹಿಂದಿನ ಜನ್ಮದಲ್ಲಿ Oxygen ತುಂಬಾ ಉಳಿದಿರುವಾಗಲೇ sudden death ಆಗಿರುತ್ತೆ. ಆದ್ದರಿಂದ ಈ ಜನ್ಮದಲ್ಲಿ ಹೋದ ಜನ್ಮದ ಉಳಿಕೆ ಆಯುಷ್ಯವನ್ನು ಸೇರಿಸಿಕೊಂಡು ಈ ಜನ್ಮಕ್ಕೆ ಬಂದಿರುತ್ತಾರೆ (They will get additional Longevity in this life)

ಮೇಷ(ದೇಹ), ಸಿಂಹ (ಆತ್ಮ), ಧನುರ್(ಜೀವ).

ಯಾವುದೇ ಭಾವದ ಚತುರ್ಥ ಭಾವದಲ್ಲಿ ನಿಮ್ಮ ಆಗಾಮಿ ಕರ್ಮ ಶೇಖಯಣೆಯಾಗಿರುತ್ತದೆ. ದ್ವಿತೀಯ ನಿಮ್ಮ ಕುಟುಂಬ ಭಾವ. ದ್ವಿತೀಯ ಭಾವದಿಂದ ಚತುರ್ಥ ಭಾವ ಯಾವುದು? ಪಂಚಮ ಭಾವ. ಆದ್ದರಿಂದ ನಿಮ್ಮ ಕುಟುಂಬದ ಕರ್ಮ ಪಂಚಮ ಭಾವದಲ್ಲಿ ಶೇಖರಣೆಯಾಗಿರುತ್ತದೆ. ನಿಮ್ಮ ಕುಟುಂಬ ಸದಸ್ಯರ ನಡುವೆ ಸಾಮರಸ್ಯವಿಲ್ಲದಿದ್ದರೆ, ಒಬ್ಬರಿಗೊಬ್ಬರು ದ್ವೇಶಿಸಿದರೆ, ಜಗಳವಾಡಿಕೊಂಡರೆ ನಿಮ್ಮ ಪಂಚಮ ಭಾವದ ಮೇಲೆ ಹೇಗೆ ಪ್ರಭಾವ ಬೀರಬಹುದು? ನಿಮ್ಮ  ಮಕ್ಕಳು ಜೀವನದಲ್ಲಿ ಉತ್ತುಂಗಕ್ಕೆ ಏರಲು ಸಾಧ್ಯವೇ? (Do you think your children will manifest best in life?). 

ಕುಟುಂಬದ ಒಳಗೆ ನೀವು ಆಸೆಬುರುಕರಾಗಿದ್ದರೆ, ಒಬ್ಬರನ್ನೂಬ್ಬರು ದ್ವೇಶಿಸುವವರಾಗಿದ್ದರೆ, ಹೊಟ್ಟೆಕಿಚ್ಚು ಇದ್ದರೆ ಬೇರೆ ಕುಟುಂಬ ಸದಸ್ಯರ ನಡುವೆ ಶತ್ರತ್ವ ಇದ್ದರೆ ಇದು ನಿಮ್ಮ ಮಕ್ಕಳಿಗೆ ಹಾನಿ ಉಂಟುಮಾಡುತ್ತದೆ. ಇದರಿಂದ ಪಂಚಮ ಭಾವ ಪೀಡಿತವಾಗುತ್ತದೆ.

ಷಷ್ಟ ಭಾವಕ್ಕೆ ಸಂಬಂದಿಸಿದ ಕರ್ಮ ಭಾಗ್ಯ ಭಾವದಲ್ಲಿ ಶೇಖಯಣೆಯಾಗುತ್ತದೆ. ಇದು ನಿಮ್ಮ ಪೂರ್ವಜರನ್ನು ತೋರಿಸುತ್ತದೆ. ನೀವು ಯಾವುದೇ ಪೂಜೆ ಪುನಸ್ಕಾರ ಮಾಡಿ, ನಿಮ್ಮ ಪೂರ್ವಜರು ಅತ್ರಪ್ತರಾಗಿದ್ದರೆ ನಿಮಗೆ ಯಾವುದೇ ಬೌತಿಕ ಮತ್ತು ಆಧ್ಯಾತ್ಮಿಕ ಸುಖ ಸಿಗುವುದಿಲ್ಲ.(you will not fully enjoy materialistic & spiritual benefits)

ನೀವು ನಿಮ್ಮ ಸಮಸ್ಯೆಗಳ ಪರಿಹಾರಕ್ಕೆ ನಿರಂತರವಾಗಿ ಕುಲದೇವರು, ಮನೆದೇವರು ಮತ್ತು ಗ್ರಾಮದೇವತೆಯರ ಸೇವೆ ಮಾಡಬೇಕು.

ತುಂಬಾ ತಾಪತ್ರಯ ಆಯ್ತ ಅಂತ ನಾವು ಹೇಳುತ್ತೇವೆ. ಏನಿದರ ಅರ್ಥ?

1. ಆಧ್ಯಾತ್ಮಿಕ (spiritual)

2. ಆಧಿದ್ಯೆವಿಕ (ಪಿತ್ರಗಳು)

3. ಆಧಿಬೌತಿಕ (Animals)

4. ಪಂಚಭೂತಗಳು.

ಯಾವುದೇ ಪ್ರಾಣಿ ಪಕ್ಷಿಗಳಿಗೆ ತೊಂದರೆ ಕೊಡಬಾರದು(ಆಧಿಬೌತಿಕ)

ಭೂಮಿಯನ್ನ ಅಗೆಯುವುದರಿಂದ ಗಣೆಗಾರಿಕೆಯಿಂದ ಮರಗಳನ್ನ ಕಡಿಯುವುದರಿಂದ ಪಂಚಭೂತಗಳಿಗೆ ಹಾನಿಯಾಗುತ್ತದೆ. 

ಗರ್ಭಧಾನ ಸಂಸ್ಕಾರ ಎಂದರೇನು

*ಗರ್ಭಧಾನ ಸಂಸ್ಕಾರ ಎಂದರೇನು? ಅದರ ಮಹತ್ವ - ಪ್ರಮಾಣ ಸಹಿತ ವಿವರಣೆ* 🙏

*1. ಗರ್ಭಧಾನ ಸಂಸ್ಕಾರ ಎಂದರೇನು?*

*ಅರ್ಥ*: "ಗರ್ಭ + ಆಧಾನ" = ಗರ್ಭವನ್ನು ಆಧಾನ ಮಾಡುವುದು, ಅಂದರೆ *ಪ್ರತಿಷ್ಠಾಪನೆ ಮಾಡುವುದು*

ಇದು ಹಿಂದೂ ಧರ್ಮದ *16 ಸಂಸ್ಕಾರಗಳಲ್ಲಿ ಮೊದಲನೇ ಸಂಸ್ಕಾರ*. 

*ವಿವರಣೆ*: ಮದುವೆಯಾದ ನಂತರ ಗಂಡ-ಹೆಂಡತಿ ಶಾಸ್ತ್ರೋಕ್ತವಾಗಿ, ಮಂತ್ರಪೂರ್ವಕವಾಗಿ, ಶುಭ ಮುಹೂರ್ತದಲ್ಲಿ ಮೊದಲ ಬಾರಿ ದಾಂಪತ್ಯ ಜೀವನಕ್ಕೆ ಕಾಲಿಡುವುದೇ ಗರ್ಭಧಾನ ಸಂಸ್ಕಾರ.

ಇದು ಕೇವಲ ದೈಹಿಕ ಕ್ರಿಯೆ ಅಲ್ಲ. *"ದೇವರ ಸಾನಿಧ್ಯದಲ್ಲಿ ಸತ್ಸಂತಾನಕ್ಕಾಗಿ ಮಾಡುವ ಸಂಕಲ್ಪ"*

---

*2. ಗರ್ಭಧಾನದ ಮಹತ್ವ - ಏಕೆ ಮಾಡಬೇಕು?*

*A. ಧರ್ಮದೃಷ್ಟಿಯಿಂದ*

1.  *ಋಣದಿಂದ ಮುಕ್ತಿ*  

    *"ಪಿತೃಭಿಃ ಪುತ್ರಮಿಚ್ಛದ್ಭಿಃ ಕೃತಂ ಭುವನತ್ರಯಮ್"* - _ಮನುಸ್ಮೃತಿ_  

    ಪಿತೃಗಳು "ನಮಗೆ ಪುತ್ರನಿಂದ ತರ್ಪಣ, ಶ್ರಾದ್ಧ ಸಿಗಲಿ" ಎಂದು ಕಾಯುತ್ತಾರೆ. ಗರ್ಭಧಾನದಿಂದ ಪಿತೃಋಣ ತೀರುತ್ತದೆ.

2.  *ಸತ್ಸಂತಾನ ಪ್ರಾಪ್ತಿ*  

    ಶಾಸ್ತ್ರೋಕ್ತವಾಗಿ ಮಾಡಿದರೆ ಬರುವ ಮಗು *ಧಾರ್ಮಿಕ, ಆರೋಗ್ಯವಂತ, ತೇಜಸ್ವಿ* ಆಗುತ್ತದೆ.  

    *"ಗರ್ಭಧಾನಾದಿಭಿಃ ಸಂಸ್ಕಾರೈಃ ದ್ವಿಜತ್ವಂ ಜಾಯತೇ ನೃಣಾಮ್"* - _ಮನುಸ್ಮೃತಿ 2.28_

3.  *ಕಾಮವನ್ನು ಧರ್ಮವನ್ನಾಗಿ ಪರಿವರ್ತಿಸುವುದು*  

    ಕೇವಲ ಆಸೆಗಾಗಿ ಅಲ್ಲ. "ಧರ್ಮ, ಅರ್ಥ, ಕಾಮ, ಮೋಕ್ಷ" ದಲ್ಲಿ ಕಾಮವನ್ನು ಧರ್ಮದ ಚೌಕಟ್ಟಿನಲ್ಲಿ ಇಡುವುದು.

*B. ವೈಜ್ಞಾನಿಕ/ಆರೋಗ್ಯ ದೃಷ್ಟಿಯಿಂದ*

1.  *ಮಾನಸಿಕ ತಯಾರಿ*: ಗಂಡ-ಹೆಂಡತಿ ಇಬ್ಬರೂ ಶುದ್ಧ ಮನಸ್ಸಿನಿಂದ, ಪ್ರಾರ್ಥನೆಯೊಂದಿಗೆ ಒಂದಾಗುತ್ತಾರೆ

2.  *ಸಮಯ ಆಯ್ಕೆ*: ಋತು ಕಾಲ, ಮುಹೂರ್ತ ನೋಡಿ ಮಾಡುವುದರಿಂದ ಆರೋಗ್ಯವಂತ ಮಗು

3.  *ಕುಟುಂಬದ ಆಶೀರ್ವಾದ*: ಹಿರಿಯರು, ಗುರುಗಳು ಆಶೀರ್ವದಿಸುವುದರಿಂದ ಸಕಾರಾತ್ಮಕ ಶಕ್ತಿ

---

*3. ಗರ್ಭಧಾನ ಹೇಗೆ ಮಾಡುತ್ತಾರೆ? - ಸಂಕ್ಷಿಪ್ತ ಪದ್ಧತಿ*

*ಪ್ರಮಾಣ: ಗೃಹ್ಯ ಸೂತ್ರಗಳು - ಆಶ್ವಲಾಯನ, ಪಾರಸ್ಕರ*

**ಹಂತ** **ವಿವರಣೆ**

**1. ಸಂಕಲ್ಪ** "ಪ್ರಜಾರ್ಥಂ ಗರ್ಭಧಾನಂ ಕರಿಷ್ಯೇ" - ಸಂತಾನಕ್ಕಾಗಿ ಮಾಡುತ್ತೇನೆ ಎಂದು ಸಂಕಲ್ಪ

**2. ಹೋಮ** ಅಗ್ನಿ ಸ್ಥಾಪನೆ ಮಾಡಿ, ಅಜ್ಯ ಹೋಮ. ಮಂತ್ರ: **"ಓಂ ಗರ್ಭಂ ಧೇಹಿ ಸಿನೀವಾಲಿ"**

**3. ಋತು ಸ್ನಾನ** ಹೆಂಡತಿಯ ಋತು ಮುಗಿದ 4ನೇ ದಿನ ರಾತ್ರಿ ಶುಭ ಮುಹೂರ್ತ ನೋಡಿ

**4. ಆಶೀರ್ವಾದ** ಹಿರಿಯರು ಅಕ್ಷತೆ ಹಾಕಿ "ಸುಪುತ್ರೋ ಭವ" ಎಂದು ಆಶೀರ್ವದಿಸುತ್ತಾರೆ

*ಮುಖ್ಯ ಮಂತ್ರ*:  

*"ವಿಷ್ಣುರ್ಯೋನಿಂ ಕಲ್ಪಯತು, ತ್ವಷ್ಟಾ ರೂಪಾಣಿ ಪಿಂಶತು"*  

ವಿಷ್ಣು ಗರ್ಭಕೋಶವನ್ನು ಸಿದ್ಧಪಡಿಸಲಿ, ತ್ವಷ್ಟಾ ರೂಪ ಕೊಡಲಿ.

*4. 5 ಅತಿ ಮುಖ್ಯ ಪ್ರಮಾಣಗಳು*

1.  *"ಗರ್ಭಧಾನಮ್ ಆದ್ಯಂ ಸಂಸ್ಕಾರಂ"* - _ಆಶ್ವಲಾಯನ ಗೃಹ್ಯ ಸೂತ್ರ 1.13_  

    ಗರ್ಭಧಾನವೇ ಮೊದಲ ಸಂಸ್ಕಾರ.

2.  *"ಋತುಕಾಲಾಭಿಗಾಮೀ ಸ್ಯಾತ್ ಸ್ವದಾರಾನನಪವ್ರಜನ್"* - _ಮನುಸ್ಮೃತಿ 3.45_  

    ತನ್ನ ಹೆಂಡತಿಯ ಋತು ಕಾಲದಲ್ಲಿ ಗಂಡನು ಹೋಗಬೇಕು. ಇದರಿಂದ ಧರ್ಮವಾಗುತ್ತದೆ.

3.  *"ಪುತ್ರಾರ್ಥೇ ಕಾಮಯೇತ್ ಜಾಯಾಂ"* - _ಮನುಸ್ಮೃತಿ_  

    ಸಂತಾನಕ್ಕಾಗಿ ಹೆಂಡತಿಯನ್ನು ಬಯಸಬೇಕು.

4.  *"ಯಥಾ ಬೀಜಂ ನ ಕ್ಷೇತ್ರೇ ವಿನಾ ಫಲತಿ ನ ಕ್ವಚಿತ್"* - _ಮನುಸ್ಮೃತಿ 9.34_  

    ಬೀಜವು ಕ್ಷೇತ್ರವಿಲ್ಲದೆ ಫಲ ಕೊಡುವುದಿಲ್ಲ. ಹಾಗೇ ಪುರುಷನು ಸ್ತ್ರೀಯಿಲ್ಲದೆ ಸಂತಾನ ಕೊಡುವುದಿಲ್ಲ. ಎರಡೂ ಸಮಾನ.

5.  *"ಗರ್ಭಧಾನಾದಿ ಸಂಸ್ಕಾರೈಃ ಶೋಧನಂ ದೇಹಸಂಭವಮ್"* - _ಯಾಜ್ಞವಲ್ಕ್ಯ ಸ್ಮೃತಿ_  

    ಗರ್ಭಧಾನ ಮೊದಲಾದ ಸಂಸ್ಕಾರಗಳಿಂದ ದೇಹವು ಶುದ್ಧವಾಗುತ್ತದೆ.

*5. ಗರ್ಭಧಾನ ಮಾಡದಿದ್ದರೆ ಏನಾಗುತ್ತದೆ?*

*"ಅಸಂಸ್ಕೃತೋ ವಿವಾಹಃ ಸ್ಯಾತ್"* - _ಗೃಹ್ಯ ಸೂತ್ರ_  

ಗರ್ಭಧಾನ ಮಾಡದೆ ಇದ್ದರೆ ವಿವಾಹವು ಅಪೂರ್ಣ. 

ಇದರಿಂದ ಬರುವ ಮಗುವಿಗೆ *ಸಂಸ್ಕಾರದ ಬಲ* ಕಡಿಮೆಯಾಗುತ್ತದೆ ಎಂದು ಶಾಸ್ತ್ರ ಹೇಳುತ್ತದೆ.

*6. ಆಧುನಿಕ ಕಾಲದಲ್ಲಿ ಅರ್ಥ*

ಗರ್ಭಧಾನ ಎಂದರೆ ಕೇವಲ ಒಂದು ರಾತ್ರಿಯ ಪೂಜೆ ಅಲ್ಲ. 

1.  *ಪೂರ್ವ ತಯಾರಿ*: ಆರೋಗ್ಯ ತಪಾಸಣೆ, ಒಳ್ಳೆಯ ಆಹಾರ

2.  *ಮಾನಸಿಕ ಶುದ್ಧಿ*: ಜಗಳ, ಕೋಪ, ಟೆನ್ಷನ್ ಇಲ್ಲದೆ ಇರುವುದು

3.  *ಪ್ರಾರ್ಥನೆ*: "ಒಳ್ಳೆಯ ಮಗು, ದೇಶಕ್ಕೆ ಉಪಯೋಗವಾಗುವ ಮಗು ಕೊಡು" ಎಂದು ದೇವರಲ್ಲಿ ಬೇಡುವುದು

*ಸಾರಾಂಶ 1 ಸಾಲಿನಲ್ಲಿ*

*ಗರ್ಭಧಾನ = ಸಂತಾನೋತ್ಪತ್ತಿಯನ್ನು ಪಶು ಪ್ರವೃತ್ತಿಯಿಂದ ದೇವಕಾರ್ಯಕ್ಕೆ ಏರಿಸುವ ಸಂಸ್ಕಾರ.*

ಇದರಿಂದ *ಪಿತೃಋಣ ತೀರುತ್ತದೆ, ಸಮಾಜಕ್ಕೆ ಉತ್ತಮ ಪ್ರಜೆ ಸಿಗುತ್ತದೆ, ದಂಪತಿಗೆ ಧರ್ಮವಾಗುತ್ತದೆ.*

> *"ಅಪತ್ಯಂ ಧರ್ಮಕಾರ್ಯಾರ್ಥಂ"* - ಧರ್ಮಕ್ಕಾಗಿ ಸಂತಾನ

108 ರ ರಹಸ್ಯ

   ಜಪ ಮಾಡುವಾಗ 108 ಬಗೆಯ ವಿಶೇಷ ಭೇದಕ ಧ್ವನಿ ತರಂಗಗಳು ಉತ್ಪನ್ನವಾಗುತ್ತವೆ. ಇವು ಯಾವುದೇ ಬಗೆಯ ದೈಹಿಕ ಹಾಗೂ ಮಾನಸಿಕ ಮಾರಕ ರೋಗಗಳ ಕಾರಣವನ್ನು ಸಮೂಲವಾಗಿ ನಾಶಮಾಡಿ, ದೈಹಿಕ ಹಾಗೂ ಮಾನಸಿಕ ಬೆಳವಣಿಗೆಗೆ ಮೂಲ ಕಾರಣವಾಗಿವೆ. ಬೌದ್ಧಿಕ ಬೆಳವಣಿಗೆ ಮತ್ತು ಸ್ಮರಣ ಶಕ್ತಿಯ ಬೆಳವಣಿಗೆಗೆ ಅತ್ಯಂತ ಪ್ರಬಲ ಕಾರಣವಾಗಿದೆ.  

॥ 108 ॥  

ಈ ಅದ್ಭುತ ಮತ್ತು ಚಮತ್ಕಾರಿ ಅಂಕವು ಬಹಳ ಕಾಲದಿಂದ ನಮ್ಮ ಋಷಿ-ಮುನಿಗಳ ಹೆಸರಿನ ಜೊತೆಗೆ ಬಳಕೆಯಲ್ಲಿದೆ.  

★ *ಸಂಖ್ಯೆ 108 ರ ರಹಸ〰️〰️  

ಅ→1 ... ಆ→2 ... ಇ→3 ... ಈ→4 ... ಉ→5 ... ಊ→6 ... ಎ→7 ... ಏ→8 ... ಒ→9 ... ಓ→10 ... ಋ→11 ... ಌ→12 ... ಅಂ→13 ... ಅಃ→14 ... ಋೂ→15 ... Lru→16  

〰️〰️〰️〰️〰️〰️〰️〰️〰️〰️  

ಕ→1 ... ಖ→2 ... ಗ→3 ... ಘ→4 ...  

ಙ→5 ... ಚ→6 ... ಛ→7 ... ಜ→8 ...  

ಝ→9 ... ಞ→10 ... ಟ→11 ... ಠ→12 ... ಡ→13 ... ಢ→14 ... ಣ→15 ... ತ→16 ... ಥ→17 ... ದ→18 ... ಧ→19 ... ನ→20 ...  

ಪ→21 ... ಫ→22 ... ಬ→23 ... ಭ→24 ... ಮ→25 ... ಯ→26 ... ರ→27 ... ಲ→28 ... ವ→29 ... ಶ→30 ... ಷ→31 ... ಸ→32 ...  

ಹ→33 ... ಕ್ಷ→34 ... ತ್ರ→35 ... ಜ್ಞ→36 ...  ೞ ...  

--~~ ಓ ಅಹಂ = ಬ್ರಹ್ಮ ~~--  

ಬ್ರಹ್ಮ = ಬ+ರ+ಹ+ಮ = 23+27+33+25 = 108  

~~~~~~~~~  

*(01)* ಈ ಮಾತ್ರೆಗಳು (18 ಸ್ವರ + 36 ವ್ಯಂಜನ = 54) ನಾಭಿಯಿಂದ ಆರಂಭವಾಗಿ ತುಟಿಗಳವರೆಗೆ ಬರುತ್ತವೆ. ಇವುಗಳ ಒಂದು ಬಾರಿ ಏರಿಕೆ, ಎರಡನೇ ಬಾರಿ ಇಳಿಕೆ ಆಗುತ್ತದೆ. ಎರಡೂ ಸೇರಿ 108 ಸಂಖ್ಯೆಯಾಗುತ್ತದೆ. ಈ ರೀತಿ 108 ಮಂತ್ರ ಜಪದಿಂದ ನಾಭಿ ಚಕ್ರದಿಂದ ನಾಲಿಗೆಯ ತುದಿಯವರೆಗಿನ 108 ಸೂಕ್ಷ್ಮ ತನ್ಮಾತ್ರೆಗಳು ಪ್ರಸ್ಫುರಣಗೊಳ್ಳುತ್ತವೆ. ಹೆಚ್ಚು ಜಪಿಸಿದಷ್ಟೂ ಉತ್ತಮ. ಆದರೆ ನಿತ್ಯ ಕನಿಷ್ಠ 108 ಮಂತ್ರಗಳ ಜಪವನ್ನಾದರೂ ಮಾಡಲೇಬೇಕು.  

*(02)* ಮನುಷ್ಯ ದೇಹದ ಎತ್ತರ  

= ಯಜ್ಞೋಪವೀತದ (ಜನಿವಾರ) ಸುತ್ತಳತೆ  

= (4 ಬೆರಳುಗಳ) 27 ಪಟ್ಟು ಇರುತ್ತದೆ.  

= 4 × 27 = 108  

*(03)* ನಕ್ಷತ್ರಗಳ ಒಟ್ಟು ಸಂಖ್ಯೆ = 27  

ಪ್ರತಿ ನಕ್ಷತ್ರದ ಪಾದಗಳು = 4  

ಜಪದ ವಿಶಿಷ್ಟ ಸಂಖ್ಯೆ = 108  

ಅಂದರೆ ॐ ಮಂತ್ರ ಜಪವನ್ನು ಕನಿಷ್ಠ 108 ಬಾರಿ ಮಾಡಬೇಕು.  

*(04)* ಒಂದು ಅದ್ಭುತ ಅನುಪಾತಿಕ ರಹಸ್ಯ  

★ ಭೂಮಿಯಿಂದ ಸೂರ್ಯನ ದೂರ / ಸೂರ್ಯನ ವ್ಯಾಸ = 108  

★ ಭೂಮಿಯಿಂದ ಚಂದ್ರನ ದೂರ / ಚಂದ್ರನ ವ್ಯಾಸ = 108  

ಅಂದರೆ ಮಂತ್ರ ಜಪ 108ಕ್ಕಿಂತ ಕಡಿಮೆ ಮಾಡಬಾರದು.  

*(05)* ಹಿಂಸಾತ್ಮಕ ಪಾಪಗಳ ಸಂಖ್ಯೆ 36 ಎಂದು ಪರಿಗಣಿಸಲಾಗಿದೆ. ಇವು ಮನ, ವಚನ ಮತ್ತು ಕರ್ಮ 3 ವಿಧದಲ್ಲಿ ಆಗುತ್ತವೆ. ಅಂದರೆ 36×3=108. ಆದ್ದರಿಂದ ಪಾಪ ಕರ್ಮ ಸಂಸ್ಕಾರ ನಿವೃತ್ತಿಗಾಗಿ ಮಾಡುವ ಮಂತ್ರ ಜಪವನ್ನು ಕನಿಷ್ಠ 108 ಬಾರಿಯಾದರೂ ಮಾಡಲೇಬೇಕು.  

*(06)* ಸಾಮಾನ್ಯವಾಗಿ 24 ಗಂಟೆಗಳಲ್ಲಿ ಒಬ್ಬ ವ್ಯಕ್ತಿ 21600 ಬಾರಿ ಉಸಿರಾಡುತ್ತಾನೆ. ಹಗಲು-ರಾತ್ರಿಯ 24 ಗಂಟೆಗಳಲ್ಲಿ 12 ಗಂಟೆ ನಿದ್ರೆ ಮತ್ತು ಗೃಹಸ್ಥ ಕರ್ತವ್ಯದಲ್ಲಿ ಕಳೆದುಹೋಗುತ್ತವೆ. ಉಳಿದ 12 ಗಂಟೆಗಳಲ್ಲಿ ವ್ಯಕ್ತಿ ಉಸಿರಾಡುವುದು 10800 ಬಾರಿ. ಈ ಸಮಯದಲ್ಲಿ ಈಶ್ವರನ ಧ್ಯಾನ ಮಾಡಬೇಕು. ಶಾಸ್ತ್ರಗಳ ಪ್ರಕಾರ ವ್ಯಕ್ತಿ ಪ್ರತಿ ಉಸಿರಿನಲ್ಲೂ ಈಶ್ವರನ ಧ್ಯಾನ ಮಾಡಬೇಕು. ಈ 10800 ಸಂಖ್ಯೆಯ ಆಧಾರದ ಮೇಲೆ ಜಪಕ್ಕಾಗಿ 108 ಸಂಖ್ಯೆಯನ್ನು ನಿಗದಿಪಡಿಸಲಾಗಿದೆ.  

*(07)* ಒಂದು ವರ್ಷದಲ್ಲಿ ಸೂರ್ಯ 21600 ಕಲೆಗಳನ್ನು ಬದಲಾಯಿಸುತ್ತಾನೆ. ಸೂರ್ಯ ವರ್ಷದಲ್ಲಿ ಎರಡು ಬಾರಿ ತನ್ನ ಸ್ಥಿತಿಯನ್ನೂ ಬದಲಾಯಿಸುತ್ತಾನೆ. ಆರು ತಿಂಗಳು ಉತ್ತರಾಯಣದಲ್ಲಿ ಇರುತ್ತಾನೆ ಮತ್ತು ಆರು ತಿಂಗಳು ದಕ್ಷಿಣಾಯನದಲ್ಲಿ. ಆದ್ದರಿಂದ ಸೂರ್ಯ ಆರು ತಿಂಗಳ ಒಂದು ಸ್ಥಿತಿಯಲ್ಲಿ 108000 ಬಾರಿ ಕಲೆಗಳನ್ನು ಬದಲಾಯಿಸುತ್ತಾನೆ.  

*(08)* ಬ್ರಹ್ಮಾಂಡವನ್ನು 12 ಭಾಗಗಳಾಗಿ ವಿಭಜಿಸಲಾಗಿದೆ. ಈ 12 ಭಾಗಗಳ ಹೆಸರುಗಳು: ಮೇಷ, ವೃಷಭ, ಮಿಥುನ, ಕರ್ಕ, ಸಿಂಹ, ಕನ್ಯಾ, ತುಲಾ, ವೃಶ್ಚಿಕ, ಧನು, ಮಕರ, ಕುಂಭ ಮತ್ತು ಮೀನ. ಈ 12 ರಾಶಿಗಳಲ್ಲಿ ಒಂಬತ್ತು ಗ್ರಹಗಳಾದ ಸೂರ್ಯ, ಚಂದ್ರ, ಮಂಗಳ, ಬುಧ, ಗುರು, ಶುಕ್ರ, ಶನಿ, ರಾಹು ಮತ್ತು ಕೇತು ಸಂಚರಿಸುತ್ತವೆ. ಆದ್ದರಿಂದ ಗ್ರಹಗಳ ಸಂಖ್ಯೆ 9ನ್ನು ರಾಶಿಗಳ ಸಂಖ್ಯೆ 12ರಿಂದ ಗುಣಿಸಿದರೆ 108 ಸಂಖ್ಯೆ ಸಿಗುತ್ತದೆ.  

*(09)* 108ರಲ್ಲಿ ಮೂರು ಅಂಕಗಳಿವೆ, 1+0+8. ಇವುಗಳಲ್ಲಿ "1" ಈಶ್ವರನ ಪ್ರತೀಕ. ಈಶ್ವರ ಒಂದೇ ಸತ್ತೆ ಅಂದರೆ ಈಶ್ವರ 1 ಮತ್ತು ಮನಸ್ಸೂ ಒಂದು. ಶೂನ್ಯ "0" ಪ್ರಕೃತಿಯನ್ನು ಸೂಚಿಸುತ್ತದೆ. ಎಂಟು "8" ಜೀವಾತ್ಮವನ್ನು ಸೂಚಿಸುತ್ತದೆ, ಏಕೆಂದರೆ ಯೋಗದ ಅಷ್ಟಾಂಗ ನಿಯಮಗಳಿಂದಲೇ ಜೀವನು ಪ್ರಭುವನ್ನು ಸೇರಬಹುದು. ಅಷ್ಟಾಂಗ ಯೋಗದಿಂದ ಪ್ರಕೃತಿಯ ಎಂಟೂ ಮೂಲಗಳಿಂದ ವಿರಕ್ತನಾಗಿ ಈಶ್ವರನ ಸಾಕ್ಷಾತ್ಕಾರ ಮಾಡಿಕೊಳ್ಳುವವನನ್ನು ಸಿದ್ಧ ಪುರುಷ ಎನ್ನುತ್ತಾರೆ. ಜೀವ "8" ಪರಮಪಿತ ಪರಮಾತ್ಮನನ್ನು ಸೇರಲು ಪ್ರಕೃತಿ "0"ದ ಸಹಾಯ ಪಡೆಯಬೇಕು. ಈಶ್ವರ ಮತ್ತು ಜೀವದ ನಡುವೆ ಪ್ರಕೃತಿ ಇದೆ. ಆತ್ಮವು ಪ್ರಕೃತಿಯನ್ನು ಶೂನ್ಯವೆಂದು ತಿಳಿದಾಗ ಮಾತ್ರ ಈಶ್ವರ "1"ನ ಸಾಕ್ಷಾತ್ಕಾರ ಮಾಡಿಕೊಳ್ಳಬಹುದು. ಪ್ರಕೃತಿ "0"ದಲ್ಲಿ ಕ್ಷಣಿಕ ಸುಖವಿದೆ ಮತ್ತು ಪರಮಾತ್ಮನಲ್ಲಿ ಅನಂತ ಹಾಗೂ ಅಸೀಮ. ಜೀವ "8" ಪ್ರಕೃತಿ "0" ಜಡವಾದುದನ್ನು ತ್ಯಜಿಸದ ಹೊರತು, ಅಂದರೆ ಶೂನ್ಯ ಮಾಡದ ಹೊರತು, ಮೋಹ ಮಾಯೆಯನ್ನು ತ್ಯಜಿಸದ ಹೊರತು ಈಶ್ವರ "1"ನನ್ನು ಸೇರಲು ಸಾಧ್ಯವಿಲ್ಲ, ಪೂರ್ಣತೆಯನ್ನು (1+8=9) ಪಡೆಯಲು ಸಾಧ್ಯವಿಲ್ಲ. 9 ಪೂರ್ಣತೆಯ ಸೂಚಕ.  

*(10)*  

1: ಈಶ್ವರ ಮತ್ತು ಮನಸ್ಸು  

2: ದ್ವೈತ, ದುನಿಯಾ, ಸಂಸಾರ  

3: ಗುಣ ಪ್ರಕೃತಿ (ಮಾಯೆ)  

4: ಅವಸ್ಥಾ ಭೇದ (ವರ್ಣ)  

5: ಇಂದ್ರಿಯಗಳು  

6: ವಿಕಾರ  

7: ಸಪ್ತರ್ಷಿ, ಸಪ್ತಸೋಪಾನ  

8: ಅಷ್ಟಾಂಗ ಯೋಗ  

9: ನವಧಾ ಭಕ್ತಿ (ಪೂರ್ಣತೆ)  

*(11)* ವೈದಿಕ ವಿಚಾರಧಾರೆಯಲ್ಲಿ ಮನುಸ್ಮೃತಿಯ ಪ್ರಕಾರ  

ಅಹಂಕಾರದ ಗುಣಗಳು = 2  

ಬುದ್ಧಿಯ ಗುಣಗಳು = 3  

ಮನಸ್ಸಿನ ಗುಣಗಳು = 4  

ಆಕಾಶದ ಗುಣಗಳು = 5  

ವಾಯುವಿನ ಗುಣಗಳು = 6  

ಅಗ್ನಿಯ ಗುಣಗಳು = 7  

ಜಲದ ಗುಣಗಳು = 8  

ಪೃಥ್ವಿಯ ಗುಣಗಳು = 9  

2+3+4+5+6+7+8+9 = 44  

ಆದ್ದರಿಂದ ಪ್ರಕೃತಿಯ ಒಟ್ಟು ಗುಣಗಳು = 44  

ಜೀವದ ಗುಣಗಳು = 10  

ಈ ರೀತಿ ಸಂಖ್ಯೆಯ ಮೊತ್ತ = 54  

ಆದ್ದರಿಂದ ಸೃಷ್ಟಿ ಉತ್ಪತ್ತಿಯ ಸಂಖ್ಯೆ = 54  

ಮತ್ತು ಸೃಷ್ಟಿ ಪ್ರಳಯದ ಸಂಖ್ಯೆ = 54  

ಎರಡೂ ಸಂಖ್ಯೆಗಳ ಮೊತ್ತ = 108  

*(12)*  

ಸಂಖ್ಯೆ "1" ಒಬ್ಬ ಈಶ್ವರನ ಸಂಕೇತ.  

ಸಂಖ್ಯೆ "0" ಜಡ ಪ್ರಕೃತಿಯ ಸಂಕೇತ.  

ಸಂಖ್ಯೆ "8" ಬಹುಆಯಾಮಿ ಜೀವಾತ್ಮದ ಸಂಕೇತ.  

[ಇವು ಮೂರು ಅನಾದಿ ಪರಮ ವೈದಿಕ ಸತ್ಯಗಳು]  

[ಇದೇ ಪವಿತ್ರ ತ್ರೈತವಾದ]  

ಸಂಖ್ಯೆ "2" ರಿಂದ "9" ರವರೆಗೆ ಒಂದು ಮಾತು ಸತ್ಯ, ಇವೇ ಎಂಟು ಅಂಕಗಳಲ್ಲಿ "0" ರೂಪದ ಸ್ಥಾನದಲ್ಲಿ ಜೀವನವಿದೆ. ಆದ್ದರಿಂದ "0" ಇಲ್ಲದಿದ್ದರೆ ಯಾವುದೇ ಕ್ರಮ ಗಣನೆ ಇತ್ಯಾದಿ ಸಾಧ್ಯವಿಲ್ಲ. "1"ರ ಚೇತನದಿಂದ "8"ರ ಆಟ. "8" ಅಂದರೆ "2" ರಿಂದ "9". ಈ "8" ಏನು? ಮನಸ್ಸಿನ "8" ವರ್ಗ ಅಥವಾ ಭಾವ. ಈ ಎಂಟು ಭಾವಗಳು ಹೀಗಿವೆ: 1. ಕಾಮ (ವಿವಿಧ ಇಚ್ಛೆಗಳು / ವಾಸನೆಗಳು). 2. ಕ್ರೋಧ. 3. ಲೋಭ. 4. ಮೋಹ. 5. ಮದ (ಅಹಂಕಾರ). 6. ಮತ್ಸರ (ಹೊಟ್ಟೆಕಿಚ್ಚು). 7. ಜ್ಞಾನ. 8. ವೈರಾಗ್ಯ.  

ಒಂದು ಸಾಮಾನ್ಯ ಆತ್ಮದಿಂದ ಮಹಾತ್ಮನವರೆಗಿನ ಪ್ರಯಾಣದ ಪ್ರತೀಕ ★ ॥ 108 ॥ ★  

ಈ ಎಂಟು ಭಾವಗಳಲ್ಲಿ ಜೀವನದ ಈ ಆಟ ನಡೆಯುತ್ತಿದೆ.  

*(13)* ಸೌರ ಕುಟುಂಬದ ಪ್ರಮುಖ ಸೂರ್ಯನ ಒಂದು ಕಡೆಯಿಂದ ಒಂಬತ್ತು ರಶ್ಮಿಗಳು ಹೊರಡುತ್ತವೆ ಮತ್ತು ಇವು ನಾಲ್ಕೂ ದಿಕ್ಕುಗಳಿಂದ ಬೇರೆ ಬೇರೆಯಾಗಿ ಹೊರಡುತ್ತವೆ. ಹೀಗೆ ಒಟ್ಟು 36 ರಶ್ಮಿಗಳಾದವು. _ಈ 36 ರಶ್ಮಿಗಳ ಧ್ವನಿಗಳ ಮೇಲೆ ಸಂಸ್ಕೃತದ 36 ಸ್ವರಗಳು ನಿರ್ಮಾಣವಾದವು.  

ಹೀಗೆ ಸೂರ್ಯನಿಂದ ಒಂಬತ್ತು ರಶ್ಮಿಗಳು ಭೂಮಿಗೆ ಬಂದಾಗ ಅವು ಭೂಮಿಯ ಎಂಟು ವಸುಗಳೊಂದಿಗೆ ಘರ್ಷಣೆಗೊಳ್ಳುತ್ತವೆ. _ಸೂರ್ಯನ ಒಂಬತ್ತು ರಶ್ಮಿಗಳು ಮತ್ತು ಭೂಮಿಯ ಎಂಟು ವಸುಗಳು ಪರಸ್ಪರ ಘರ್ಷಣೆಯಿಂದ 72 ಬಗೆಯ ಧ್ವನಿಗಳು ಉತ್ಪನ್ನವಾದವು, ಅವು ಸಂಸ್ಕೃತದ 72 ವ್ಯಂಜನಗಳಾದವು. ಈ ರೀತಿ ಬ್ರಹ್ಮಾಂಡದಲ್ಲಿ ಹೊರಡುವ ಒಟ್ಟು 108 ಧ್ವನಿಗಳ ಮೇಲೆ ಸಂಸ್ಕೃತದ ವರ್ಣಮಾಲೆ ಆಧಾರಿತವಾಗಿದೆ.  

ರಹಸ್ಯಮಯ ಸಂಖ್ಯೆ 108ಕ್ಕೆ ಹಿಂದೂ-ವೈದಿಕ ಸಂಸ್ಕೃತಿಯೊಂದಿಗೆ ಸಾವಿರಾರು ಸಂಬಂಧಗಳಿವೆ, ಅವುಗಳಲ್ಲಿ ಕೆಲವು ಇಲ್ಲಿವೆ.

ಕುಂಭ ವಿವಾಹ ಮತ್ತು ಅರ್ಕ ವಿವಾಹಗಳು

*ಧರ್ಮ ಸಿಂಧು ಮತ್ತು ನಿರ್ಣಯ ಸಿಂಧು* ನಂತಹ ವೈದಿಕ ಗ್ರಂಥಗಳಲ್ಲಿ ಉಲ್ಲೇಖಿಸಲಾದ ನಿರ್ದಿಷ್ಟ, ಶಾಸ್ತ್ರೋಕ್ತ ಪರಿಹಾರಗಳಾಗಿವೆ. ಇವು ಪ್ರತಿಯೊಂದು ವಿವಾಹ ಸಂಬಂಧಿತ ಸಮಸ್ಯೆಗೆ ಮಾಡುವ ಸಾಮಾನ್ಯ ಪರಿಹಾರಗಳಲ್ಲ, ಬದಲಿಗೆ ಜಾತಕದಲ್ಲಿರುವ ನಿರ್ದಿಷ್ಟ ಗ್ರಹಗಳ ಸ್ಥಿತಿಯನ್ನು ಆಧರಿಸಿ ಮಾಡುವಂತಹವು.

ಇತಿಹಾಸ ಮತ್ತು ಶಾಸ್ತ್ರಗಳ ಪ್ರಕಾರ, ಈ ಎರಡು ವಿಧಿಗಳನ್ನು ಲಿಂಗ (Gender) ಮತ್ತು ಗ್ರಹ ದೋಷದ ಸ್ವರೂಪ ಆಧರಿಸಿ ನಿರ್ಧರಿಸಲಾಗುತ್ತದೆ.

 *ಸ್ತ್ರೀ (ಕನ್ಯಾ)* :-ವಿಷ್ಣುವಿನ ಸ್ವರೂಪವಾದ ಮಣ್ಣಿನ ಮಡಕೆ (ಕುಂಭ / ಕಳಶ). ತೀವ್ರ ವೈಧವ್ಯ ಯೋಗ ಅಥವಾ ತೀವ್ರ ಮಂಗಳ/ಕುಜ ದೋಷ. ಪೂಜೆಯ ನಂತರ ಮಡಕೆಯನ್ನು ಒಡೆಯಲಾಗುತ್ತದೆ/ವಿಸರ್ಜಿಸಲಾಗುತ್ತದೆ. ಇದು ಮೊದಲ ಅಪಾಯಕಾರಿ ವಿವಾಹ ದೋಷವನ್ನು ಅಂತ್ಯಗೊಳಿಸುವ ಸಂಕೇತವಾಗಿದೆ

 *ಪುರುಷ (ವರ) ಎಕ್ಕದ ಗಿಡ (ಅರ್ಕ)* 

ದ್ವಿ-ವಿವಾಹ ಯೋಗ (ಎರಡು ಮದುವೆ ಯೋಗ) ಅಥವಾ ತೀವ್ರ ಮಂಗಳ / ವಿಷಕನ್ಯಾ / ಗಂಧರ್ವ ದೋಷ .ಎಕ್ಕದ ಗಿಡವನ್ನು ಪೂಜಿಸಿ, ಅದಕ್ಕೇ ಸಾಂಕೇತಿಕ ವಿವಾಹ ಮಾಡಿ ದೋಷಯುಕ್ತ ಶಕ್ತಿಯನ್ನು ಗಿಡಕ್ಕೆ ವರ್ಗಾಯಿಸಲಾಗುತ್ತದೆ.

 *ಈ ಪರಿಹಾರಗಳು ಯಾವುದೇ ಮದುವೆಯ ಸಮಸ್ಯೆಗೆ ಅನ್ವಯಿಸುತ್ತವೆಯೇ?* 

 *ಇಲ್ಲ.* 

ಒಬ್ಬ ಜಾತಕನಿಗೆ ಸಪ್ತಮಾಧಿಪತಿ (೭ನೇ ಮನೆಯ ಅಧಿಪತಿ) ಬಲಹೀನನಾಗಿರುವುದು, ೭ನೇ ಮನೆಗೆ ಶನಿಯ ದೃಷ್ಟಿ ಇರುವುದು ಅಥವಾ ದಶಾಸಾಪೋರ್ಟ್ ಇಲ್ಲದೆ ಮದುವೆ ತಡವಾಗುತ್ತಿದ್ದರೆ, ಕುಂಭ ಅಥವಾ ಅರ್ಕ ವಿವಾಹ ಮಾಡುವುದು ಸರಿಯಾದ ಕ್ರಮವಲ್ಲ.

ಸಾಮಾನ್ಯ ವಿವಾಹ ವಿಳಂಬಕ್ಕೆ-- ಗುರು / ಸಪ್ತಮಾಧಿಪತಿಯ ಶಾಂತಿ, ಸಪ್ತಮಾಧಿಪತಿಯ  ನಕ್ಷತ್ರಾಧಿಪತಿ , ಸ್ವಯಂವರ ಪಾರ್ವತಿ ಜಪ, ಅಥವಾ ರಾಹು-ಕೇತು- ಕುಜ -ಶನಿ ಶಾಂತಿಗಳನ್ನು, etc etc ಮಾಡಲಾಗುತ್ತದೆ.

ಕುಂಭ/ಅರ್ಕ ವಿವಾಹಕ್ಕೆ, ದಂಪತಿಯ ಆಯುಷ್ಯಕ್ಕೆ ಕಂಟಕ ತರುವ ಅಥವಾ ಮೊದಲ ವಿವಾಹ ಮುರಿದುಬೀಳುವ ತೀವ್ರ ಸ್ವರೂಪದ ದೋಷಗಳು ಜಾತಕದಲ್ಲಿರಬೇಕು.

ಸ್ತ್ರೀ ಜಾತಕದಲ್ಲಿ ಮೊದಲ ಪತಿಯ ಆಯುಷ್ಯಕ್ಕೆ ಕಂಟಕ ಅಥವಾ ದಾಂಪತ್ಯದಲ್ಲಿ ತೀವ್ರ ದುಃಖ ಸೂಚಿಸುವ ಯೋಗಗಳಿದ್ದಾಗ ಕುಂಭ ವಿವಾಹವನ್ನು ಶಿಫಾರಸು ಮಾಡಲಾಗುತ್ತದೆ. ತೀವ್ರ ಮಂಗಳ / ಕುಜ ದೋಷ:, ವೈಧವ್ಯ ಯೋಗ (ಗಂಡನ ಆಯುಷ್ಯಕ್ಕೆ ಕಂಟಕ), ಬಹು-ವಿವಾಹ ಯೋಗ, ವಿಷಕನ್ಯಾ ಯೋಗ ಜಾತಕದಲ್ಲಿರಬೇಕು.( 

 *ಪುರುಷ ಜಾತಕದಲ್ಲಿ* ಹೆಂಡತಿಯನ್ನು ಕಳೆದುಕೊಳ್ಳುವ ಅಥವಾ ಒಂದಕ್ಕಿಂತ ಹೆಚ್ಚು ಮದುವೆಯಾಗುವ ಬಲವಾದ ಸೂಚನೆಗಳಿದ್ದಾಗ *ಅರ್ಕ ವಿವಾಹವನ್ನು* ಸೂಚಿಸಲಾಗುತ್ತದೆ.

ಈ ವಿಧಿಗಳ ಮುಖ್ಯ ಉದ್ದೇಶವೆಂದರೆ, ಮೊದಲ ಸಾಂಕೇತಿಕ ವಿವಾಹವು ಜಾತಕದಲ್ಲಿರುವ ತೀವ್ರ ಪಾಪಗ್ರಹಗಳ ಕೆಟ್ಟ ಶಕ್ತಿಯನ್ನು (ದೋಷ) ತನ್ನತ್ತ ಹೀರಿಕೊಳ್ಳುತ್ತದೆ. ಮಡಕೆಯನ್ನು ಒಡೆದಾಗ ಅಥವಾ ಗಿಡವನ್ನು ವಿಸರ್ಜಿಸಿದಾಗ, ಆ ಮೊದಲ ವಿವಾಹದ "ದೋಷ" ಮುಕ್ತಾಯವಾಯಿತು ಎಂದು ಪರಿಗಣಿಸಲಾಗುತ್ತದೆ.

 ಇವು ವಿವಾಹದ ದೀರ್ಘಾಯುಷ್ಯ ಮತ್ತು ದ್ವಿ-ವಿವಾಹ ಯೋಗಗಳನ್ನು ನಿಯಂತ್ರಿಸುವ ವಿಶೇಷ ಪರಿಹಾರಗಳೇ ಹೊರತು, ಸಾಮಾನ್ಯ ಮದುವೆ ವಿಳಂಬವನ್ನು ನಿವಾರಿಸುವ ಪೂಜೆಗಳಲ್ಲ.

 ಕುಂಭ ಅಥವಾ ಅರ್ಕ ವಿವಾಹದ ಅಗತ್ಯವಿದೆಯೇ ಎಂದು ನಿರ್ಧರಿಸುವ ಮೊದಲು ಜಾತಕದ ಮಂಗಳ ದೋಷ, ೭ ಮತ್ತು ೮ನೇ ಮನೆಗಳ ಸ್ಥಿತಿ, ಶುಕ್ರ/ಗುರುವಿನ ಬಲ ಮತ್ತು ನವಾಂಶ (D9) ಕುಂಡಲಿಯನ್ನು ಸೂಕ್ಷ್ಮವಾಗಿ ಪರಿಶೀಲಿಸಬೇಕು.

ಅಪರಿಹಾರ್ಯವಾದ ಅಥವಾ ಪರಿಹರಿಸಲಾಗದ ವೈಧವ್ಯ ಯೋಗವಿರುವ ಕನ್ಯೆಯ ದೋಷ ನಿವಾರಣೆಗೆ ವಿಶೇಷವಾದ ವಿಧಿಯನ್ನು ಶಾಸ್ತ್ರಗಳಲ್ಲಿ ಹೇಳಲಾಗಿದೆ.

 *ಮಾರ್ಕಾಂಡೇಯ ಪುರಾಣದ ಪ್ರಕಾರ,* ಕನ್ಯೆಯ ಜಾತಕದಲ್ಲಿ ಬಾಲ ವೈಧವ್ಯ ಯೋಗವಿದ್ದರೆ, ನೈಜ ವಿವಾಹಕ್ಕೆ ಮೊದಲು ಸಾಂಕೇತಿಕ ವಿವಾಹವನ್ನು ಮಾಡಬೇಕು.

ನೀರು ತುಂಬಿದ ಕುಂಭ (ಕಲಶ), ಅಶ್ವತ್ಥ ವೃಕ್ಷ (ಅರಳಿ ಮರ) ಅಥವಾ ಬಂಗಾರದ ವಿಷ್ಣು ಪ್ರತಿಮೆ — ಇವುಗಳಲ್ಲಿ ಯಾವುದಾದರೂ ಒಂದರ ಜೊತೆಗೆ ಕನ್ಯೆಗೆ ಸಾಂಕೇತಿಕ ವಿವಾಹ ನೆರವೇರಿಸಬೇಕು. ಜನ್ಮ ಲಗ್ನದಿಂದ ಬಾಲ ವಿಧವ ಯೋಗವನ್ನು ನೋಡಿ,ಕನ್ಯೆ ಇಂದ ಸಾವಿತ್ರಿಯ ಅಥವಾ ಅರಳಿ ಮರದ ವ್ರತವನ್ನು ಏಕಾಂತದಲ್ಲಿ ಮಾಡಿಸಬೇಕು ಅಥವಾ ವಿಷ್ಣು -ಪ್ರತಿಮಾ ಅಥವಾ ಅರಳಿ ಮರದೊಡನೆ ಉತ್ತಮ ಲಗ್ನದಲ್ಲಿ ಕೂಡಿಸಿ ನಂತರ ಚಿರಂಜೀವಿ ಯೋಗವಿರುವ ವರನೊಡನೆ ಕನ್ಯೆಯ ವಿವಾಹ ಮಾಡಬೇಕು. ಇದರಲ್ಲಿ ಪುನರ್ ಭೂ ದೋಷ Punarphoo ಅಂದರೆ ವಿವಾಹದ ದೋಷ ಉಂಟಾಗುವುದಿಲ್ಲ

ಈ ರೀತಿ ಪ್ರಥಮದಲ್ಲಿ ಸಾಂಕೇತಿಕ ವಿವಾಹವನ್ನು ಮಾಡಿ, ನಂತರ ನೈಜ ವರನೊಂದಿಗೆ ಮದುವೆ ಮಾಡಿದರೆ ಕನ್ಯೆಗೆ ವೈಧವ್ಯದ ದೋಷ ಅಥವಾ ಪುನರ್ವಿವಾಹದ ಬಾಧೆ ತಟ್ಟುವುದಿಲ್ಲ.

 *ವಿಧಾನ ಖಂಡ ಮತ್ತು ನಿರ್ಣಯ ಸಿಂಧು* ಗ್ರಂಥಗಳಲ್ಲಿ ಹೇಳಿರುವಂತೆ, ಸುವರ್ಣ, ಉದಕ (ಕುಂಭ) ಅಥವಾ ಅಶ್ವತ್ಥ ಗಿಡದೊಂದಿಗೆ ಕನ್ಯೆಯ ಸಾಂಕೇತಿಕ ವಿವಾಹ ನೆರವೇರಿಸಿ, ತದನಂತರ ವರನೊಂದಿಗೆ ಮಾಡುವ ವಿವಾಹವನ್ನು ‘ಪುನರ್ಪೂ’ (ದ್ವಿತೀಯ ವಿವಾಹ ಅಥವಾ ಪುನರ್ವಿವಾಹ) ಎಂದು ಪರಿಗಣಿಸಲಾಗುವುದಿಲ್ಲ. ಇದು ಧರ್ಮಶಾಸ್ತ್ರ ಸಮ್ಮತವಾದ ಶುದ್ಧ ವಿವಾಹವೇ ಆಗಿರುತ್ತದೆ.

ಕುಂಭದೊಂದಿಗೆ (ಕಲಶದೊಂದಿಗೆ) ಸಾಂಕೇತಿಕ ವಿವಾಹ ನೆರವೇರಿಸುವಾಗ, ಆ ಕಲಶವನ್ನು ಷೋಡಶೋಪಚಾರ ಪೂಜೆಗಳಿಂದ (೧೬ ಬಗೆಯ ಉಪಚಾರಗಳಿಂದ) ಭಕ್ತಿಯಿಂದ ಪೂಜಿಸಿ, ಈ ಕೆಳಗಿನಂತೆ ಪ್ರಾರ್ಥಿಸಬೇಕು:

"ವರನ ಸ್ವರೂಪವಾಗಿರುವ ಎಲೈ ಘಟವೇ (ಕುಂಭವೇ), ನೀನು ಜಲದ ಆಶ್ರಯಸ್ಥಾನವಾಗಿದ್ದೀಯ. ನೀನು ಈ ಕನ್ಯೆಯ ಪತಿಗೆ ದೀರ್ಘಾಯುಷ್ಯವನ್ನು ನೀಡಿ, ಇವಳಿಗೆ ಪುತ್ರ ಸುಖವನ್ನು ಕೊಟ್ಟು ಅನುಗ್ರಹಿಸು. ಹಾಗೆಯೇ ಎಲೈ ಶ್ರೀಮನ್ನಾರಾಯಣನೇ, ಈ ಕನ್ಯೆಗೆ ಉತ್ತಮನಾದ ವರನನ್ನು ನೀಡಿ, ಇವಳನ್ನು ಸಕಲ ದುಃಖ-ದೋಷಗಳಿಂದ ರಕ್ಷಿಸು."

ಇದಕ್ಕೆ ಕುಂಭ ವಿವಾಹ ಎನ್ನುವುದು

ವಧು ವರರ ನಕ್ಷತ್ರ ಗ್ರಹಿಮಿತ್ರತ್ವ ಇತ್ಯಾದಿ 13 ವಿಷಯಗಳನ್ನು ನೋಡಿದ ನಂತರ ಜಾತಕ ವಿಮರ್ಶೆ ಮಾಡಬೇಕು ಕುಜ ದೋಷ ವಧು-ವರರಿಬ್ಬರ ಜಾತಕದಲ್ಲಿಯೂ ಇದ್ದರೆ ಇಬ್ಬರಿಗೂ ಸುಖವಿದೆ. ವಧುವಿನ ಜಾತಕದಲ್ಲಿ ಕಠಿಣ ಕುಜದೋಷವಿದ್ದಾಗ ವಧುವಿನ ತಂದೆ ಕುಂಭ ವಿವಾಹವನ್ನು ಮಾಡಿಸಬೇಕು ಎಂದು ಧರ್ಮ ಸಿಂಧು ಗ್ರಂಥ ಹೇಳುತ್ತದೆ. “ ಕನ್ಯಾ ವೈದವ್ಯ ಹರಕುಂಬ ವಿವಾಹಂ ಕರಿಶೆ “ ಎಂಬ ಸಂಕಲ್ಪದಿಂದ ಆರಂಭಿಸಿ ಕಲಶ ಸ್ಥಾಪನೆ ಮಾಡಿ ಅದರ ಮಧ್ಯೆ ವಿಷ್ಣು ಪ್ರತಿಮೆ ಇಟ್ಟು ಶೋಡೋಶೋಪಚಾರಗಳಿಂದ ಪೂಜಿಸುವಾಗ “ ವರುಣಾಂಗ ಸ್ವರೂಪಾಯ ಜೀವನಅಂಶಮಾಶ್ರಯ ಪತಿಂ ಜೀವಯ ಕನ್ಯಾಯ:ಚಿರಂಪುತ್ರ ಸುಕಂ ಕುರು ದೇಹಿ ವಿಷ್ಣು ಪರಂದೇವಾ ಕನ್ಯಾಮ್ ಪಾಲಯ ದುಃಖಿತ:” ಎಂದು ಪ್ರಾರ್ಥಿಸುತ್ತಾರೆ. ನಂತರ “ ವಿಷ್ಣುರೂಪಿಣೆ ಕುಂಭಾಯ ಇಮಾಮ್ ಕನ್ಯಾಶ್ರೀರೂಪಿಣಿ ಸಮರ್ಪಯಾಮಿ”  ಎಂದು ಹೇಳುತ್ತಾ ವಿವಾಹ ವಿಧಿ ವಿಧಾನಗಳನ್ನು (ಕುಂಭ ವರನ ಪ್ರತಿರೂಪ) ಮತ್ತು ವಧುವಿಗೆ ನೆರವೇರಿಸಿ ಕುಂಭವನ್ನು ಜಲಾಶಯದಲ್ಲಿ ಒಡೆಯುತ್ತಾರೆ. ಕನ್ಯೆಗೆ ಕಲಶ ಸ್ನಾನ ಮಾಡಿಸಿ, ಶುದ್ದಗೊಳಿಸಿ ಬ್ರಾಹ್ಮಣ ಭೋಜನ ಮಾಡಿಸುತ್ತಾರೆ. ಹೀಗೆ ಮಾಡಿದ ನಂತರ ಶ್ರೀ ಸುಬ್ರಹ್ಮಣ್ಯ ದೇವರ{ಕುಜ} ದರ್ಶನ ಮಾಡಿದಲ್ಲಿ ಕುಜ ದೋಷ ವಧುವಿಗೆ ಪರಿಹಾರವಾಗುವುದು. ವೈದವ್ಯ ಹರ ಕುಂಭ ವಿವಾಹ ಎನ್ನುವರು

 *ಕುಜದೋಷ /ಕುಜಾಷ್ಟಮ ದೋಷ:-* ,ಕುಜನು ಮಂಗಳ ಗ್ರಹ. ವಂಶದಲ್ಲಿ ಮಂಗಳ ಉಂಟಾಗಬೇಕಾದರೆ ಈ ಮಂಗಳನ ಅನುಗ್ರಹ  ಬೇಕೇ ಬೇಕು. ಕುಜನು, ರಾಹು- ಶನಿ- ಕೇತು- ರವಿ ಸಂಯೋಗ ಪಡೆದರೆ ಪಾಪಿ ಆಗುವವನು. ಕುಜರು ಶತ್ರುರಾಶಿ ಅಷ್ಟಮದಲ್ಲಿ ಇದ್ದರೆ ಕುಜಾಷ್ಟಮ ದೋಷ ವಿಪರೀತವಾಗಿರುತ್ತದೆ. ಈ ದೋಷ ಎಲ್ಲಾ ಯೋಗಗಳನ್ನು ಮಲಗಿಸಿ ಬಿಡುವುದು ಎಂದು ಜಾತಕಭರಣ ಗ್ರಂಥದಲ್ಲಿ ಹೇಳಿರುವರು .ನೈಸರ್ಗಿಕ ಪಾಪಗ್ರಹ ಕುಜನು ಯಾವ ಮನೆಯಲ್ಲಿ ಇದ್ದರೂ ಇವನು ದೋಷ ಕೊಡುವನು. 

ಇವನನ್ನು ಅಗ್ನಿ ಗ್ರಹ ಎಂದು ಕರೆಯುವರು. ಬೆಂಕಿಯನ್ನು ಮುಟ್ಟಿದರು ದೋಷ, ಹತ್ತಿರವಿದ್ದರೂ ದೋಷ, ದೂರವಿದ್ದರು ದೋಷ, ಅಪಾಯ. ಆದ್ದರಿಂದ ಇವನು ಅಪಾಯ ಗೃಹ. ಒಂದು ಕ್ಷಣದಲ್ಲಿ ಹೊಡೆದು ಹಾಕುವ ಶಕ್ತಿ ಈತನಿಗೆ ಇದೆ.

 ಕುಜ ಅಷ್ಟಮ ದೋಷ ಬಹಳ ಕೆಟ್ಟದು, ಜಾತಕದಲ್ಲಿರುವ ಯಾವುದೇ ಯೋಗ ಇದ್ದರು ಜಾತಕವನ್ನು ಮಲಗಿಸಿ ಬಿಡುವನು.

ಕುಜನು ಸ್ವಭಾವತ ಕ್ರೂರಿ, ಕೋಪಿಷ್ಟ, ಕಣ್ಣೀರು -ಅಹಂಕಾರಿ ಕಾರಕ. ಎಲ್ಲವನ್ನು ಹಾಳು ಮಾಡುವ ಸ್ವಭಾವನಾಗಿರುವುದರಿಂದ ನೈಸರ್ಗಿಕ ಪಾಪಗ್ರಹ ಎಂದು ಹೇಳಿರುವರು.

 ಕುಜನು ಶತ್ರುರಾಶಿಯಲ್ಲಿದ್ದರೂ ಬಲಿಷ್ಠ. ಕುಜನನ್ನು ವಿಯೋಗ ಕಾರಕ ಎಂದು ಹೇಳುವರು. 

ಕುಜ-ಕೇತು ವೈದವ್ಯಕಾರಕರು ,ಹೆಣ್ಣಿನ ಮಾಂಗಲ್ಯವನ್ನು ಕಿತ್ತು ಕೊಳ್ಳುವರು. 

ಕುಜನು ಏಳರಲ್ಲಿದ್ದರೆ ಕಳತ್ರದೊಡನೆ ಕಲಹ- ಮರಣಕಾರಕ ಸ್ಥಾನ.

 ಕುಜನು 8 ರಲ್ಲಿದ್ದರೆ ಆಕೆಯ ಮನಸ್ಸಿಗೆ ವಿರುದ್ಧವಾಗಿ ನಡೆದುಕೊಳ್ಳುವನು.

 ಕುಜನು 12 ರಲ್ಲಿದ್ದರೆ ಪ್ರತಿದಿನ ಮಲಗುವಾಗ ಅಸಮಾಧಾನವನ್ನು ಸೂಚಿಸುವನು. 

ಸ್ತ್ರೀಯರ ಸಂಸಾರ ಸುಖವನ್ನು ಕೆಡಿಸಿ ಕಿರುಕುಳವನ್ನು ಕೊಟ್ಟು ತಾನು ಆನಂದ ಪಡುವುದರಲ್ಲಿ ಶನಿಗಿಂತ ಕುಜನ ಕ್ರೂರನು ಎಂದು *ಕಾಳಿದಾಸನು ತನ್ನ ಉತ್ತರ ಕಾಲಾಮೃತ ಗ್ರಂಥದಲ್ಲಿ* ಹೇಳಿದ್ದಾರೆ. 

ಆದುದರಿಂದ ಜಾತಕದಲ್ಲಿ ಕುಜದೋಷ ಶನಿದೋಷ ಗಮನಿಸುವುದು ಮುಖ್ಯವಾಗಿರುತ್ತದೆ.

 ಕುಜನು ಯುದ್ಧ ಗ್ರಹ ಈತನ ಮುಂದೆ ನಿಲ್ಲಲು ಯಾವ ಗ್ರಹಕ್ಕೂ ಶಕ್ತಿ ಇಲ್ಲ, ರವಿಯು ಬಲಶಾಲಿ, ತೇಜಸ್ವಿನಿಂದ ಕೂಡಿರುವನು, ಅಂತಹ ರವಿಗೆ ಕುಜನು ಗುದ್ದಲು ಹೋಗುವನು, ಇದರಿಂದ ಕುಜನನ್ನು ಬಹಳ ಅಪಾಯಕಾರಿ ಗ್ರಹ ಎಂದು *ಪರಾಶರರು* ಸೂಚಿಸಿರುವರು. 

ಈ ಗ್ರಹದ ಮುಂದೆ ಎಲ್ಲಾ ಗ್ರಹಗಳು ಒಂದೊಂದು ಸಲ ನಿಸ್ತೇಜವಾಗುವುದು. ಈ ಗ್ರಹದ ಮುಂದೆ ಯಾವ ಗ್ರಹವು ಎದುರು ನಿಲ್ಲಲಾರವು. ಬೃಹಸ್ಪತಿಚಾರ್ಯರು ಒಬ್ಬರೇ ಈ ಗ್ರಹವನ್ನು ನಿಲ್ಲಿಸಲು ಸಮರ್ಥರು. ಇಲ್ಲಿ ಗುರು ಗ್ರಹ ದೃಷ್ಟಿ ಅಂಗಾರಕರ ಮೇಲೆ ಇರಬೇಕೇ ಹೊರತು ಕುಜರು ಗುರುವನ್ನು ನೋಡಬಾರದು ಎಂಬುದು ಶಾಸ್ತ್ರಕಾರರ ಅಭಿಪ್ರಾಯವಾಗಿದೆ.

 *ಬಲಿಷ್ಠ ಕುಜ ಶ್ರೀರಾಮನನ್ನೇ ಬಿಡಲಿಲ್ಲ, ಇನ್ನು ನಾವೇನು?"* ಶ್ರೀರಾಮನ ಜಾತಕದಲ್ಲಿ ಸಪ್ತಮಾಧಿಪತಿ ಯಾದ ಶನಿಯು ನಾಲ್ಕರಲ್ಲಿ ಉಚ್ಚನಾದ್ದರಿಂದ ಬಾರಿi ಶ್ರೀಮಂತರ ಸಂಬಂಧವೇ ದೊರಕಿತು. ಲಗ್ನಾಧಿಪತಿ ಚಂದ್ರನು ಬಲಿಷ್ಠ, ಸಪ್ತಮಾಧಿಪತಿ ಶನಿಯು ಬಲಿಷ್ಠ. ಇದರಿಂದ ಇಬ್ಬರು ಬಲಶಾಲಿ ಗಳೇ. ಪರಸ್ಪರರ ಮಧ್ಯೆ ತಾರತಮ್ಯವಿಲ್ಲ. ಇಬ್ಬರು ಕೀರ್ತಿವಂತರೇ. *ಸಪ್ತಮಾಧಿಪತಿಗೆ ಏಳರಲ್ಲಿ ರವಿ* ಇರುವುದರಿಂದ ಮದುವೆಯಾಗಿ ಕೆಲವೇ ದಿನಗಳಲ್ಲಿ ಒಬ್ಬರನ್ನೊಬ್ಬರು ಅಗಲಿದರು. ಏಳರಲ್ಲಿ ಕುಜನು ಉಚ್ಚನಾದ್ದರಿಂದ ಕುಜದೋಷ ಎದ್ದು ಕಾಣುತ್ತದೆ. ಆದರೆ ಬಲಿಷ್ಠ ಗುರು ನೋಡುವುದರಿಂದ ಕುಜದೋಷ ತಗ್ಗಿ ಹೋಗಿದೆ. ಕುಜನ ಮನೆಯಾದ ಮೇಷದಲ್ಲಿ ರವಿ ಉಚ್ಚನಾಗಿ, ಶುಭಗ್ರಹ ಬುಧನಿರುವುದರಿಂದ ಕುಜದೋಷ ತಗ್ಗಿದೆ. ಕುಜನು ಕಟಕ ಲಗ್ನಕ್ಕೆ ಯೋಗಕಾರಕ ಆದ್ದರಿಂದ ಕುಜದೋಷ ಕಡಿಮೆಯಾಗಿ, ಬಾಧಕಾಧಿಪತಿ ಆದ್ದರಿಂದ ದಂಪತಿಗಳನ್ನು ಅಗಲಿಸಿದನು .

 ಸಾಮಾನ್ಯವಾಗಿ 11ನೇ ಮನೆಯಲ್ಲಿ ಗ್ರಹಗಳು ಶುಭಫಲ ಕೊಡುವರು. 3-6- 11ನೇ ಮನೆ ಉಪಚಯ ಸ್ಥಾನ ವಾದ್ದರಿಂದ ಕುಜನು ಅಲ್ಲೇ ಇರಬೇಕು, ಇಲ್ಲಿದ್ದರೆ ಅಷ್ಟು ಅಪಾಯಕಾರಿಯಲ್ಲ ಎಂದು ಹೇಳುವರು.

 ಆದರೆ ಆತನ ಕ್ರೂರ ದೃಷ್ಟಿ 3-6-11 ರಲ್ಲಿ ಇದ್ದರು ಈ ದೃಷ್ಟಿಯಿಂದ ಯಾವ ಮನೆಯನ್ನು ಯಾವ ಗ್ರಹವನ್ನು ಆದರೂ ನೋಡುವನು. ಇದರಿಂದ ನೋಡುವ ದೃಷ್ಟಿ ಪರಿಣಾಮಕಾರಿ. 

ಕುಜನು ಇರುವ ಸ್ಥಾನ, ನೋಡುವ ಸ್ಥಾನ, ಕಲಹ- ಬೀತಿ -ಹಿಂಸೆ ಇರುತ್ತದೆ. ಎಲ್ಲಾ ಗ್ರಹಗಳು ಅಷ್ಟೇ, ನೋಡುವ ದೃಷ್ಟಿಯಲ್ಲಿ ತುಂಬಾ ಪ್ರಭಾವ ಇರುತ್ತದೆ.

 ಗುರು ಇರುವ ಸ್ಥಾನ, ನೋಡುವ ಸ್ಥಾನ ಎರಡು ಅಭಿವೃದ್ಧಿಯಾಗುವುದು.

 ಶನಿ ಇರುವ ಸ್ಥಾನ- ಭಾವ ದುಃಖ, ನಿಧಾನತೆ, ಕಷ್ಟ- ನಷ್ಟ, ಅಪವಾದ, ಭಯ, ಅಲೆದಾಟ ಇರುತ್ತದೆ.

 ಲಗ್ನದಿಂದ ಕುಜನು 10ರಲ್ಲಿ ಇರಬೇಕು ಆಗ ಮಾತ್ರ ಶುಭಫಲ ಕೊಡುವನು ಆದರೆ ಕುಜನಿಗೆ ರಾಹು ಕೇತು ಸಂಪರ್ಕ ಇರಬಾರದು . " *ದಶಮಂ ಅಂಗಾರಕಶ್ಚೈವ ಸುಪುತ್ರ ಕುಲದೀಪಕ" ಎಂದು ಜ್ಯೋತಿಷ್ಯ ಶಾಸ್ತ್ರದಲ್ಲಿ ಹೇಳಿದ್ದಾರೆ.* 

ಈ ಪ್ರಸಿದ್ಧ ಸಾಲು *ಮಹರ್ಷಿ ವೇದವ್ಯಾಸರಿಂದ* ರಚಿತವಾದ 'ಅಂಗಾರಕ ಸ್ತೋತ್ರಂ' (ಮಂಗಲ ದ್ವಾದಶನಾಮ ಸ್ತೋತ್ರಂ) ಎಂಬ ಸ್ತೋತ್ರದಲ್ಲಿದೆ. ಇದು *ಸ್ಕಂದ ಪುರಾಣ ಮತ್ತು ಪದ್ಮ ಪುರಾಣಗಳಲ್ಲಿ* ಉಲ್ಲೇಖವಾಗಿದೆ.

 ದಶಮಂ ಅಂಗಾರಕಶ್ಚೈವ: 10ನೇ ಹೆಸರು – ಅಂಗಾರಕ (ಕೆಂಡದಂತೆ ಪ್ರಜ್ವಲಿಸುವವನು)

ಸುಪುತ್ರಃ: 11ನೇ ಹೆಸರು – ಸುಪುತ್ರ (ಸಂತಾನ ಕಾರಕ, ಸತ್ಪುತ್ರನನ್ನು ಕರುಣಿಸುವವನು)

ಕುಲದೀಪಕಃ: 12ನೇ ಹೆಸರು – ಕುಲದೀಪಕ (ವಂಶಕ್ಕೆ ಕೀರ್ತಿ ತರುವ ದೀಪದಂತಿರುವವನು)

ಮಂಗಲೋ ಭೂಮಿಪುತ್ರಶ್ಚ ಋಣಹರ್ತಾ ಧನಪ್ರದಃ ।

ಸ್ಥಿರಾಸನೋ ಮಹಾಕಾಯಃ ಸರ್ವಕರ್ಮಾವಬೋಧಕಃ ॥

ಲೋಹಿತೋ ಲೋಹಿತಾಕ್ಷಶ್ಚ ಸಾಮಗಾನಾಂ ಕೃಪಾಕರಃ ।

ದಶಮಂ ಅಂಗಾರಕಶ್ಚೈವ ಸುಪುತ್ರಃ ಕುಲದೀಪಕಃ ॥

ಚಂದ್ರನು ಪ್ರಾಣ- ರಕ್ತ ಕಾರಕ ಎಂದು ಜೈಮಿನಿ ಜ್ಯೋತಿಷ್ಯದಲ್ಲಿ ಹೇಳಿರುವರು. ಚಂದ್ರನು ಶೀತ ಗ್ರಹ *Blood Plasma* ಕಾರಕ. 

 ಕುಜನು Blood,ಗಟ್ಟಿ- ಉಷ್ಣಕಾರಕ. ಕುಜ-ಚಂದ್ರನಿಂದಲೇ ಸ್ತ್ರೀಯರಿಗೆ ಋತು ದೋಷ. ಇದರಿಂದ ಕುಜನು ಮಹಾ ಬಲಿಷ್ಠ ಗ್ರಹ ನೆಂದು ತಿಳಿಯಬಹುದು.

 ಕುಜದೋಷ ಇರಬೇಕು, ದಂಪತಿಗಳು ಇಬ್ಬರಿಗೂ ಇರಬೇಕು, ಇದು ಇದ್ದರೆ ಆರೋಗ್ಯ- ರಕ್ತ ಪರಿಚಲನೆ -ಸುಖ ಸಂಸಾರ ಇರುವುದು.ಆದರೆ ಹೆಣ್ಣಿಗೆ ಜಾಸ್ತಿ ಇರಬಾರದು.

 ಗಂಡಿಗೆ ಚಂದ್ರ- ಶುಕ್ರ- ಶನಿಯಿಂದ ಗಮನಿಸಿ ಹೇಳಬೇಕು. ಕುಜದೋಷ ದಂಪತಿಗಳಿಗೆ ಇರದಿದ್ದರೆ ಇಬ್ಬರು ರೋಗಿಷ್ಟ ರಾಗುವರು. ಮನುಷ್ಯನ ರಕ್ತಪರಿಚಲನೆ ಮೇಲೆ ಅಧಿಕಾರ ಅಂಗಾರಕನಿಗೆಇರುತ್ತದೆ  

 *ಭೃಗು ಶಟ್ಕ ದೋಷ .* 

ಯಾವುದೇ ಕಾರಣಕ್ಕೂ ಶುಕ್ರನು, ರಾಹು- ಕೇತು --ಕುಜ -ಶನಿಯ ಸಂಪರ್ಕಪಡೆಯಬಾರದು. ಶುಕ್ರನು ಎಷ್ಟು ನಿರ್ಬಲನಾಗುವನೋ ಅಷ್ಟೇ ದುರ್ಬಲರಾಗಿ ವ್ಯಕ್ತಿಯು ಜೀವನವನ್ನು ಅಂತ್ಯ ಮಾಡಿಕೊಳ್ಳುವನು. ಶುಕ್ರನು ಪಾಪ ರಾಶಿಯಲ್ಲಿ ಇರುವುದು ಒಂದು ದೋಷ ವಾದರೆ ಶನಿಯ ನಕ್ಷತ್ರ ಅಥವಾ ಪಾಪಗ್ರಹದ ನಕ್ಷತ್ರದಲ್ಲಿ ಇರುವುದು ಇನ್ನೊಂದು ದೋಷ. ಆದಕಾರಣ ಶುಭ ಆಗಿದ್ದಾಗ ಪಾಪಗ್ರಹಗಳ ನಕ್ಷತ್ರಗಳಲ್ಲಿ ಇರಬಾರದು.