ನವರಾತ್ರಿ ೯ ನೇ ದಿನದ ಅಪರಾಜಿತಾ ಪೂಜೆಗೆ*(ಸಿದ್ಧಿರಾತ್ರಿ)*

ನವರಾತ್ರಿ ೯ ನೇ ದಿನದ ಅಪರಾಜಿತಾ ಪೂಜೆಗೆ

*(ಸಿದ್ಧಿರಾತ್ರಿ)*

*ಅಪರಾಜಿತಾಸ್ತೋತ್ರಮ್*

ಶ್ರೀತ್ರೈಲೋಕ್ಯವಿಜಯಾ ಅಪರಾಜಿತಾಸ್ತೋತ್ರಮ್ ।

ಓಂ ನಮೋಽಪರಾಜಿತಾಯೈ ।

ಓಂ ಅಸ್ಯಾ ವೈಷ್ಣವ್ಯಾಃ ಪರಾಯಾ ಅಜಿತಾಯಾ ಮಹಾವಿದ್ಯಾಯಾಃ

ವಾಮದೇವ-ಬೃಹಸ್ಪತಿ-ಮಾರ್ಕಂಡೇಯಾ ಋಷಯಃ ।

ಗಾಯತ್ರ್ಯುಷ್ಣಿಗನುಷ್ಟುಬ್ಬೃಹತೀ ಛನ್ದಾಂಸಿ ।

ಲಕ್ಷ್ಮೀನೃಸಿಂಹೋ ದೇವತಾ ।

ಓಂ ಕ್ಲೀಂ ಶ್ರೀಂ ಹ್ರೀಂ ಬೀಜಮ್ ।

ಹುಂ ಶಕ್ತಿಃ ।

ಸಕಲಕಾಮನಾಸಿದ್ಧ್ಯರ್ಥಂ ಅಪರಾಜಿತವಿದ್ಯಾಮನ್ತ್ರಪಾಠೇ ವಿನಿಯೋಗಃ ।

ಓಂ ನೀಲೋತ್ಪಲದಲಶ್ಯಾಮಾಂ ಭುಜಂಗಾಭರಣಾನ್ವಿತಾಮ್ ।

ಶುದ್ಧಸ್ಫಟಿಕಸಂಕಾಶಾಂ ಚನ್ದ್ರಕೋಟಿನಿಭಾನನಾಮ್ ॥ 1॥

ಶಂಖಚಕ್ರಧರಾಂ ದೇವೀ ವೈಷ್ಣ್ವೀಮಪರಾಜಿತಾಮ್

ಬಾಲೇನ್ದುಶೇಖರಾಂ ದೇವೀಂ ವರದಾಭಯದಾಯಿನೀಮ್ ॥ 2॥

ನಮಸ್ಕೃತ್ಯ ಪಪಾಠೈನಾಂ ಮಾರ್ಕಂಡೇಯೋ ಮಹಾತಪಾಃ ॥ 3॥

ಮಾರ್ಕಂಡೇಯ ಉವಾಚ -

ಶೃಣುಷ್ವಂ ಮುನಯಃ ಸರ್ವೇ ಸರ್ವಕಾಮಾರ್ಥಸಿದ್ಧಿದಾಮ್ ।

ಅಸಿದ್ಧಸಾಧನೀಂ ದೇವೀಂ ವೈಷ್ಣವೀಮಪರಾಜಿತಾಮ್ ॥ 4॥

ಓಂ ನಮೋ ನಾರಾಯಣಾಯ, ನಮೋ ಭಗವತೇ ವಾಸುದೇವಾಯ,

ನಮೋಽಸ್ತ್ವನನ್ತಾಯ ಸಹಸ್ರಶೀರ್ಷಾಯಣೇ, ಕ್ಷೀರೋದಾರ್ಣವಶಾಯಿನೇ,

ಶೇಷಭೋಗಪರ್ಯ್ಯಂಕಾಯ, ಗರುಡವಾಹನಾಯ, ಅಮೋಘಾಯ

ಅಜಾಯ ಅಜಿತಾಯ ಪೀತವಾಸಸೇ,

ಓಂ ವಾಸುದೇವ ಸಂಕರ್ಷಣ ಪ್ರದ್ಯುಮ್ನ, ಅನಿರುದ್ಧ,

ಹಯಗ್ರೀವ, ಮತ್ಸ್ಯ ಕೂರ್ಮ್ಮ, ವಾರಾಹ ನೃಸಿಂಹ, ಅಚ್ಯುತ,

ವಾಮನ, ತ್ರಿವಿಕ್ರಮ, ಶ್ರೀಧರ ರಾಮ ರಾಮ ರಾಮ ।

ವರದ, ವರದ, ವರದೋ ಭವ, ನಮೋಽಸ್ತು ತೇ, ನಮೋಽಸ್ತುತೇ, ಸ್ವಾಹಾ,

ಓಂ ಅಸುರ-ದೈತ್ಯ-ಯಕ್ಷ-ರಾಕ್ಷಸ-ಭೂತ-ಪ್ರೇತ-ಪಿಶಾಚ-ಕೂಷ್ಮಾಂಡ-

ಸಿದ್ಧ-ಯೋಗಿನೀ-ಡಾಕಿನೀ-ಶಾಕಿನೀ-ಸ್ಕನ್ದಗ್ರಹಾನ್

ಉಪಗ್ರಹಾನ್ನಕ್ಷತ್ರಗ್ರಹಾಂಶ್ಚಾನ್ಯಾ ಹನ ಹನ ಪಚ ಪಚ

ಮಥ ಮಥ ವಿಧ್ವಂಸಯ ವಿಧ್ವಂಸಯ ವಿದ್ರಾವಯ ವಿದ್ರಾವಯ

ಚೂರ್ಣಯ ಚೂರ್ಣಯ ಶಂಖೇನ ಚಕ್ರೇಣ ವಜ್ರೇಣ ಶೂಲೇನ

ಗದಯಾ ಮುಸಲೇನ ಹಲೇನ ಭಸ್ಮೀಕುರು ಕುರು ಸ್ವಾಹಾ ।

ಓಂ ಸಹಸ್ರಬಾಹೋ ಸಹಸ್ರಪ್ರಹರಣಾಯುಧ,

ಜಯ ಜಯ, ವಿಜಯ ವಿಜಯ, ಅಜಿತ, ಅಮಿತ,

ಅಪರಾಜಿತ, ಅಪ್ರತಿಹತ, ಸಹಸ್ರನೇತ್ರ,

ಜ್ವಲ ಜ್ವಲ, ಪ್ರಜ್ವಲ ಪ್ರಜ್ವಲ, 

ವಿಶ್ವರೂಪ ಬಹುರೂಪ, ಮಧುಸೂದನ, ಮಹಾವರಾಹ,

ಮಹಾಪುರುಷ, ವೈಕುಂಠ, ನಾರಾಯಣ,

ಪದ್ಮನಾಭ, ಗೋವಿನ್ದ, ದಾಮೋದರ, ಹೃಷೀಕೇಶ,

ಕೇಶವ, ಸರ್ವಾಸುರೋತ್ಸಾದನ, ಸರ್ವಭೂತವಶಂಕರ,

ಸರ್ವದುಃಸ್ವಪ್ನಪ್ರಭೇದನ, ಸರ್ವಯನ್ತ್ರಪ್ರಭಂಜನ,

ಸರ್ವನಾಗವಿಮರ್ದನ, ಸರ್ವದೇವಮಹೇಶ್ವರ,

ಸರ್ವಬನ್ಧವಿಮೋಕ್ಷಣ,ಸರ್ವಾಹಿತಪ್ರಮರ್ದನ,

ಸರ್ವಜ್ವರಪ್ರಣಾಶನ, ಸರ್ವಗ್ರಹನಿವಾರಣ,

ಸರ್ವಪಾಪಪ್ರಶಮನ, ಜನಾರ್ದನ, ನಮೋಽಸ್ತುತೇ ಸ್ವಾಹಾ ।

ವಿಷ್ಣೋರಿಯಮನುಪ್ರೋಕ್ತಾ ಸರ್ವಕಾಮಫಲಪ್ರದಾ ।

ಸರ್ವಸೌಭಾಗ್ಯಜನನೀ ಸರ್ವಭೀತಿವಿನಾಶಿನೀ ॥ 5॥

ಸರ್ವೈಂಶ್ಚ ಪಠಿತಾಂ ಸಿದ್ಧೈರ್ವಿಷ್ಣೋಃ ಪರಮವಲ್ಲಭಾ ।

ನಾನಯಾ ಸದೃಶಂ ಕಿಙ್ಚಿದ್ದುಷ್ಟಾನಾಂ ನಾಶನಂ ಪರಮ್ ॥ 6॥

ವಿದ್ಯಾ ರಹಸ್ಯಾ ಕಥಿತಾ ವೈಷ್ಣವ್ಯೇಷಾಪರಾಜಿತಾ ।

ಪಠನೀಯಾ ಪ್ರಶಸ್ತಾ ವಾ ಸಾಕ್ಷಾತ್ಸತ್ತ್ವಗುಣಾಶ್ರಯಾ ॥ 7॥

ಓಂ ಶುಕ್ಲಾಮ್ಬರಧರಂ ವಿಷ್ಣುಂ ಶಶಿವರ್ಣಂ ಚತುರ್ಭುಜಮ್ ।

ಪ್ರಸನ್ನವದನಂ ಧ್ಯಾಯೇತ್ಸರ್ವವಿಘ್ನೋಪಶಾನ್ತಯೇ ॥ 8॥

ಅಥಾತಃ ಸಮ್ಪ್ರವಕ್ಷ್ಯಾಮಿ ಹ್ಯಭಯಾಮಪರಾಜಿತಾಮ್ ।

ಯಾ ಶಕ್ತಿರ್ಮಾಮಕೀ ವತ್ಸ ರಜೋಗುಣಮಯೀ ಮತಾ ॥ 9॥

ಸರ್ವಸತ್ತ್ವಮಯೀ ಸಾಕ್ಷಾತ್ಸರ್ವಮನ್ತ್ರಮಯೀ ಚ ಯಾ ।

ಯಾ ಸ್ಮೃತಾ ಪೂಜಿತಾ ಜಪ್ತಾ ನ್ಯಸ್ತಾ ಕರ್ಮಣಿ ಯೋಜಿತಾ ।

ಸರ್ವಕಾಮದುಘಾ ವತ್ಸ ಶೃಣುಷ್ವೈತಾಂ ಬ್ರವೀಮಿ ತೇ ॥ 10॥

ಯ ಇಮಾಮಪರಾಜಿತಾಂ ಪರಮವೈಷ್ಣವೀಮಪ್ರತಿಹತಾಂ

ಪಠತಿ ಸಿದ್ಧಾಂ ಸ್ಮರತಿ ಸಿದ್ಧಾಂ ಮಹಾವಿದ್ಯಾಂ

ಜಪತಿ ಪಠತಿ ಶೃಣೋತಿ ಸ್ಮರತಿ ಧಾರಯತಿ ಕೀರ್ತಯತಿ ವಾ

ನ ತಸ್ಯಾಗ್ನಿವಾಯುವಜ್ರೋಪಲಾಶನಿವರ್ಷಭಯಂ,

ನ ಸಮುದ್ರಭಯಂ, ನ ಗ್ರಹಭಯಂ, ನ ಚೌರಭಯಂ,

ನ ಶತ್ರುಭಯಂ, ನ ಶಾಪಭಯಂ ವಾ ಭವೇತ್ ।

ಕ್ವಚಿದ್ರಾತ್ರ್ಯನ್ಧಕಾರಸ್ತ್ರೀರಾಜಕುಲವಿದ್ವೇಷಿ-ವಿಷಗರಗರದವಶೀಕರಣ-

ವಿದ್ವೇಷೋಚ್ಚಾಟನವಧಬನ್ಧನಭಯಂ ವಾ ನ ಭವೇತ್ ।

ಏತೈರ್ಮನ್ತ್ರೈರುದಾಹೃತೈಃ ಸಿದ್ಧೈಃ ಸಂಸಿದ್ಧಪೂಜಿತೈಃ ।

ಓಂ ನಮೋಽಸ್ತುತೇ ।

ಅಭಯೇ, ಅನಘೇ, ಅಜಿತೇ, ಅಮಿತೇ, ಅಮೃತೇ, ಅಪರೇ,

ಅಪರಾಜಿತೇ, ಪಠತಿ, ಸಿದ್ಧೇ ಜಯತಿ ಸಿದ್ಧೇ,

ಸ್ಮರತಿ ಸಿದ್ಧೇ, ಏಕೋನಾಶೀತಿತಮೇ, ಏಕಾಕಿನಿ, ನಿಶ್ಚೇತಸಿ,

ಸುದ್ರುಮೇ, ಸುಗನ್ಧೇ, ಏಕಾನ್ನಶೇ, ಉಮೇ ಧ್ರುವೇ, ಅರುನ್ಧತಿ,

ಗಾಯತ್ರಿ, ಸಾವಿತ್ರಿ, ಜಾತವೇದಸಿ, ಮಾನಸ್ತೋಕೇ, ಸರಸ್ವತಿ,

ಧರಣಿ, ಧಾರಣಿ, ಸೌದಾಮನಿ, ಅದಿತಿ, ದಿತಿ, ವಿನತೇ,

ಗೌರಿ, ಗಾನ್ಧಾರಿ, ಮಾತಂಗೀ ಕೃಷ್ಣೇ, ಯಶೋದೇ, ಸತ್ಯವಾದಿನಿ,

ಬ್ರಹ್ಮವಾದಿನಿ, ಕಾಲಿ, ಕಪಾಲಿನಿ, ಕರಾಲನೇತ್ರೇ, ಭದ್ರೇ, ನಿದ್ರೇ,

ಸತ್ಯೋಪಯಾಚನಕರಿ, ಸ್ಥಲಗತಂ ಜಲಗತಂ ಅನ್ತರಿಕ್ಷಗತಂ

ವಾ ಮಾಂ ರಕ್ಷ ಸರ್ವೋಪದ್ರವೇಭ್ಯಃ ಸ್ವಾಹಾ ।

ಯಸ್ಯಾಃ ಪ್ರಣಶ್ಯತೇ ಪುಷ್ಪಂ ಗರ್ಭೋ ವಾ ಪತತೇ ಯದಿ ।

ಮ್ರಿಯತೇ ಬಾಲಕೋ ಯಸ್ಯಾಃ ಕಾಕವನ್ಧ್ಯಾ ಚ ಯಾ ಭವೇತ್ ॥ 11॥

ಧಾರಯೇದ್ಯಾ ಇಮಾಂ ವಿದ್ಯಾಮೇತೈರ್ದೋಷೈರ್ನ ಲಿಪ್ಯತೇ ।

ಗರ್ಭಿಣೀ ಜೀವವತ್ಸಾ ಸ್ಯಾತ್ಪುತ್ರಿಣೀ ಸ್ಯಾನ್ನ ಸಂಶಯಃ ॥ 12॥

ಭೂರ್ಜಪತ್ರೇ ತ್ವಿಮಾಂ ವಿದ್ಯಾಂ ಲಿಖಿತ್ವಾ ಗನ್ಧಚನ್ದನೈಃ ।

ಏತೈರ್ದೋಷೈರ್ನ ಲಿಪ್ಯೇತ ಸುಭಗಾ ಪುತ್ರಿಣೀ ಭವೇತ್ ॥ 13॥

ರಣೇ ರಾಜಕುಲೇ ದ್ಯೂತೇ ನಿತ್ಯಂ ತಸ್ಯ ಜಯೋ ಭವೇತ್ ।

ಶಸ್ತ್ರಂ ವಾರಯತೇ ಹ್ಯೇಷಾ ಸಮರೇ ಕಾಂಡದಾರುಣೇ ॥ 14॥

ಗುಲ್ಮಶೂಲಾಕ್ಷಿರೋಗಾಣಾಂ ಕ್ಷಿಪ್ರಂ ನಾಶ್ಯತಿ ಚ ವ್ಯಥಾಮ್ ॥ 

ಶಿರೋರೋಗಜ್ವರಾಣಾಂ ನ ನಾಶಿನೀ ಸರ್ವದೇಹಿನಾಮ್ ॥ 15॥

ಇತ್ಯೇಷಾ ಕಥಿತಾ ವಿದ್ಯಾ ಅಭಯಾಖ್ಯಾಽಪರಾಜಿತಾ ।

ಏತಸ್ಯಾಃ ಸ್ಮೃತಿಮಾತ್ರೇಣ ಭಯಂ ಕ್ವಾಪಿ ನ ಜಾಯತೇ ॥ 16॥

ನೋಪಸರ್ಗಾ ನ ರೋಗಾಶ್ಚ ನ ಯೋಧಾ ನಾಪಿ ತಸ್ಕರಾಃ ।

ನ ರಾಜಾನೋ ನ ಸರ್ಪಾಶ್ಚ ನ ದ್ವೇಷ್ಟಾರೋ ನ ಶತ್ರವಃ ॥17॥

ಯಕ್ಷರಾಕ್ಷಸವೇತಾಲಾ ನ ಶಾಕಿನ್ಯೋ ನ ಚ ಗ್ರಹಾಃ ।

ಅಗ್ನೇರ್ಭಯಂ ನ ವಾತಾಚ್ಚ ನ ಸ್ಮುದ್ರಾನ್ನ ವೈ ವಿಷಾತ್ ॥ 18॥

ಕಾರ್ಮಣಂ ವಾ ಶತ್ರುಕೃತಂ ವಶೀಕರಣಮೇವ ಚ ।

ಉಚ್ಚಾಟನಂ ಸ್ತಮ್ಭನಂ ಚ ವಿದ್ವೇಷಣಮಥಾಪಿ ವಾ ॥ 19॥

ನ ಕಿಂಚಿತ್ಪ್ರಭವೇತ್ತತ್ರ ಯತ್ರೈಷಾ ವರ್ತತೇಽಭಯಾ ।

ಪಠೇದ್ ವಾ ಯದಿ ವಾ ಚಿತ್ರೇ ಪುಸ್ತಕೇ ವಾ ಮುಖೇಽಥವಾ ॥ 20॥

ಹೃದಿ ವಾ ದ್ವಾರದೇಶೇ ವಾ ವರ್ತತೇ ಹ್ಯಭಯಃ ಪುಮಾನ್ ।

ಹೃದಯೇ ವಿನ್ಯಸೇದೇತಾಂ ಧ್ಯಾಯೇದ್ದೇವೀಂ ಚತುರ್ಭುಜಾಮ್ ॥ 21॥

ರಕ್ತಮಾಲ್ಯಾಮ್ಬರಧರಾಂ ಪದ್ಮರಾಗಸಮಪ್ರಭಾಮ್ ।

ಪಾಶಾಂಕುಶಾಭಯವರೈರಲಂಕೃತಸುವಿಗ್ರಹಾಮ್ ॥ 22॥

ಸಾಧಕೇಭ್ಯಃ ಪ್ರಯಚ್ಛನ್ತೀಂ ಮನ್ತ್ರವರ್ಣಾಮೃತಾನ್ಯಪಿ ।

ನಾತಃ ಪರತರಂ ಕಿಂಚಿದ್ವಶೀಕರಣಮನುತ್ತಮಮ್ ॥ 23॥

ರಕ್ಷಣಂ ಪಾವನಂ ಚಾಪಿ ನಾತ್ರ ಕಾರ್ಯಾ ವಿಚಾರಣಾ ।

ಪ್ರಾತಃ ಕುಮಾರಿಕಾಃ ಪೂಜ್ಯಾಃ ಖಾದ್ಯೈರಾಭರಣೈರಪಿ ।

ತದಿದಂ ವಾಚನೀಯಂ ಸ್ಯಾತ್ತತ್ಪ್ರೀತ್ಯಾ ಪ್ರೀಯತೇ ತು ಮಾಮ್ ॥ 24॥

ಓಂ ಅಥಾತಃ ಸಮ್ಪ್ರವಕ್ಷ್ಯಾಮಿ ವಿದ್ಯಾಮಪಿ ಮಹಾಬಲಾಮ್ ।

ಸರ್ವದುಷ್ಟಪ್ರಶಮನೀಂ ಸರ್ವಶತ್ರುಕ್ಷಯಂಕರೀಮ್ ॥ 25॥

ದಾರಿದ್ರ್ಯದುಃಖಶಮನೀಂ ದೌರ್ಭಾಗ್ಯವ್ಯಾಧಿನಾಶಿನೀಮ್ ।

ಭೂತಪ್ರೇತಪಿಶಾಚಾನಾಂ ಯಕ್ಷಗನ್ಧರ್ವರಕ್ಷಸಾಮ್ ॥ 26॥

ಡಾಕಿನೀ ಶಾಕಿನೀ-ಸ್ಕನ್ದ-ಕೂಷ್ಮಾಂಡಾನಾಂ ಚ ನಾಶಿನೀಮ್ ।

ಮಹಾರೌದ್ರಿಂ ಮಹಾಶಕ್ತಿಂ ಸದ್ಯಃ ಪ್ರತ್ಯಯಕಾರಿಣೀಮ್ ॥ 27॥

ಗೋಪನೀಯಂ ಪ್ರಯತ್ನೇನ ಸರ್ವಸ್ವಂ ಪಾರ್ವತೀಪತೇಃ ।

ತಾಮಹಂ ತೇ ಪ್ರವಕ್ಷ್ಯಾಮಿ ಸಾವಧಾನಮನಾಃ ಶೃಣು ॥ 28॥

ಏಕಾನ್ಹಿಕಂ ದ್ವ್ಯನ್ಹಿಕಂ ಚ ಚಾತುರ್ಥಿಕಾರ್ದ್ಧಮಾಸಿಕಮ್ ।

ದ್ವೈಮಾಸಿಕಂ ತ್ರೈಮಾಸಿಕಂ ತಥಾ ಚಾತುರ್ಮಾಸಿಕಮ್ ॥ 29॥

ಪಾಂಚಮಾಸಿಕಂ ಷಾಙ್ಮಾಸಿಕಂ ವಾತಿಕ ಪೈತ್ತಿಕಜ್ವರಮ್ ।

ಶ್ಲೈಷ್ಪಿಕಂ ಸಾತ್ರಿಪಾತಿಕಂ ತಥೈವ ಸತತಜ್ವರಮ್ ॥ 30॥

ಮೌಹೂರ್ತಿಕಂ ಪೈತ್ತಿಕಂ ಶೀತಜ್ವರಂ ವಿಷಮಜ್ವರಮ್ ।

ದ್ವ್ಯಹಿನ್ಕಂ ತ್ರ್ಯಹ್ನಿಕಂ ಚೈವ ಜ್ವರಮೇಕಾಹ್ನಿಕಂ ತಥಾ ।

ಕ್ಷಿಪ್ರಂ ನಾಶಯೇತೇ ನಿತ್ಯಂ ಸ್ಮರಣಾದಪರಾಜಿತಾ ॥ 31॥

ಓಂ ಹೄಂ ಹನ ಹನ, ಕಾಲಿ ಶರ ಶರ, ಗೌರಿ ಧಮ್,

ಧಮ್, ವಿದ್ಯೇ ಆಲೇ ತಾಲೇ ಮಾಲೇ ಗನ್ಧೇ ಬನ್ಧೇ ಪಚ ಪಚ

ವಿದ್ಯೇ ನಾಶಯ ನಾಶಯ ಪಾಪಂ ಹರ ಹರ ಸಂಹಾರಯ ವಾ

ದುಃಖಸ್ವಪ್ನವಿನಾಶಿನಿ ಕಮಲಸ್ಥಿತೇ ವಿನಾಯಕಮಾತಃ

ರಜನಿ ಸನ್ಧ್ಯೇ, ದುನ್ದುಭಿನಾದೇ, ಮಾನಸವೇಗೇ, ಶಂಖಿನಿ,

ಚಕ್ರಿಣಿ ಗದಿನಿ ವಜ್ರಿಣಿ ಶೂಲಿನಿ ಅಪಮೃತ್ಯುವಿನಾಶಿನಿ

ವಿಶ್ವೇಶ್ವರಿ ದ್ರವಿಡಿ ದ್ರಾವಿಡಿ ದ್ರವಿಣಿ ದ್ರಾವಿಣಿ

ಕೇಶವದಯಿತೇ ಪಶುಪತಿಸಹಿತೇ ದುನ್ದುಭಿದಮನಿ ದುರ್ಮ್ಮದದಮನಿ ।

ಶಬರಿ ಕಿರಾತಿ ಮಾತಂಗಿ ಓಂ ದ್ರಂ ದ್ರಂ ಜ್ರಂ ಜ್ರಂ ಕ್ರಂ

ಕ್ರಂ ತುರು ತುರು ಓಂ ದ್ರಂ ಕುರು ಕುರು ।

ಯೇ ಮಾಂ ದ್ವಿಷನ್ತಿ ಪ್ರತ್ಯಕ್ಷಂ ಪರೋಕ್ಷಂ ವಾ ತಾನ್ ಸರ್ವಾನ್

ದಮ ದಮ ಮರ್ದಯ ಮರ್ದಯ ತಾಪಯ ತಾಪಯ ಗೋಪಯ ಗೋಪಯ

ಪಾತಯ ಪಾತಯ ಶೋಷಯ ಶೋಷಯ ಉತ್ಸಾದಯ ಉತ್ಸಾದಯ

ಬ್ರಹ್ಮಾಣಿ ವೈಷ್ಣವಿ ಮಾಹೇಶ್ವರಿ ಕೌಮಾರಿ ವಾರಾಹಿ ನಾರಸಿಂಹಿ

ಐನ್ದ್ರಿ ಚಾಮುಂಡೇ ಮಹಾಲಕ್ಷ್ಮಿ ವೈನಾಯಿಕಿ ಔಪೇನ್ದ್ರಿ

ಆಗ್ನೇಯಿ ಚಂಡಿ ನೈರೃತಿ ವಾಯವ್ಯೇ ಸೌಮ್ಯೇ ಐಶಾನಿ

ಊರ್ಧ್ವಮಧೋರಕ್ಷ ಪ್ರಚಂಡವಿದ್ಯೇ ಇನ್ದ್ರೋಪೇನ್ದ್ರಭಗಿನಿ ।

ಓಂ ನಮೋ ದೇವಿ ಜಯೇ ವಿಜಯೇ ಶಾನ್ತಿ ಸ್ವಸ್ತಿ-ತುಷ್ಟಿ ಪುಷ್ಟಿ- ವಿವರ್ದ್ಧಿನಿ ।

ಕಾಮಾಂಕುಶೇ ಕಾಮದುಘೇ ಸರ್ವಕಾಮವರಪ್ರದೇ ।

ಸರ್ವಭೂತೇಷು ಮಾಂ ಪ್ರಿಯಂ ಕುರು ಕುರು ಸ್ವಾಹಾ ।

ಆಕರ್ಷಣಿ ಆವೇಶನಿ-, ಜ್ವಾಲಾಮಾಲಿನಿ-, ರಮಣಿ ರಾಮಣಿ,

ಧರಣಿ ಧಾರಿಣಿ, ತಪನಿ ತಾಪಿನಿ, ಮದನಿ ಮಾದಿನಿ, ಶೋಷಣಿ ಸಮ್ಮೋಹಿನಿ ।

ನೀಲಪತಾಕೇ ಮಹಾನೀಲೇ ಮಹಾಗೌರಿ ಮಹಾಶ್ರಿಯೇ ।

ಮಹಾಚಾನ್ದ್ರಿ ಮಹಾಸೌರಿ ಮಹಾಮಾಯೂರಿ ಆದಿತ್ಯರಶ್ಮಿ ಜಾಹ್ನವಿ ।

ಯಮಘಂಟೇ ಕಿಣಿ ಕಿಣಿ ಚಿನ್ತಾಮಣಿ ।

ಸುಗನ್ಧೇ ಸುರಭೇ ಸುರಾಸುರೋತ್ಪನ್ನೇ ಸರ್ವಕಾಮದುಘೇ ।

ಯದ್ಯಥಾ ಮನೀಷಿತಂ ಕಾರ್ಯಂ ತನ್ಮಮ ಸಿದ್ಧ್ಯತು ಸ್ವಾಹಾ ।

ಓಂ ಸ್ವಾಹಾ ।

ಓಂ ಭೂಃ ಸ್ವಾಹಾ ।

ಓಂ ಭುವಃ ಸ್ವಾಹಾ ।

ಓಂ ಸ್ವಃ ಸ್ವಹಾ ।

ಓಂ ಮಹಃ ಸ್ವಹಾ ।

ಓಂ ಜನಃ ಸ್ವಹಾ ।

ಓಂ ತಪಃ ಸ್ವಾಹಾ ।

ಓಂ ಸತ್ಯಂ ಸ್ವಾಹಾ ।

ಓಂ ಭೂರ್ಭುವಃ ಸ್ವಃ ಸ್ವಾಹಾ ।

ಯತ ಏವಾಗತಂ ಪಾಪಂ ತತ್ರೈವ ಪ್ರತಿಗಚ್ಛತು ಸ್ವಾಹೇತ್ಯೋಮ್ ।

ಅಮೋಘೈಷಾ ಮಹಾವಿದ್ಯಾ ವೈಷ್ಣವೀ ಚಾಪರಾಜಿತಾ ॥ 32॥

ಸ್ವಯಂ ವಿಷ್ಣುಪ್ರಣೀತಾ ಚ ಸಿದ್ಧೇಯಂ ಪಾಠತಃ ಸದಾ ।

ಏಷಾ ಮಹಾಬಲಾ ನಾಮ ಕಥಿತಾ ತೇಽಪರಾಜಿತಾ ॥ 33॥

ನಾನಯಾ ಸದೃಶೀ ರಕ್ಷಾ। ತ್ರಿಷು ಲೋಕೇಷು ವಿದ್ಯತೇ ।

ತಮೋಗುಣಮಯೀ ಸಾಕ್ಷದ್ರೌದ್ರೀ ಶಕ್ತಿರಿಯಂ ಮತಾ ॥ 34॥

ಕೃತಾನ್ತೋಽಪಿ ಯತೋ ಭೀತಃ ಪಾದಮೂಲೇ ವ್ಯವಸ್ಥಿತಃ ।

ಮೂಲಾಧಾರೇ ನ್ಯಸೇದೇತಾಂ ರಾತ್ರಾವೇನಂ ಚ ಸಂಸ್ಮರೇತ್ ॥ 35॥

ನೀಲಜೀಮೂತಸಂಕಾಶಾಂ ತಡಿತ್ಕಪಿಲಕೇಶಿಕಾಮ್ ।

ಉದ್ಯದಾದಿತ್ಯಸಂಕಾಶಾಂ ನೇತ್ರತ್ರಯವಿರಾಜಿತಾಮ್ ॥ 36॥

ಶಕ್ತಿಂ ತ್ರಿಶೂಲಂ ಶಂಖಂ ಚ ಪಾನಪಾತ್ರಂ ಚ ವಿಭ್ರತೀಮ್ ।

ವ್ಯಾಘ್ರಚರ್ಮಪರೀಧಾನಾಂ ಕಿಂಕಿಣೀಜಾಲಮಂಡಿತಾಮ್ ॥ 37॥

ಧಾವನ್ತೀಂ ಗಗನಸ್ಯಾನ್ತಃ ಪಾದುಕಾಹಿತಪಾದಕಾಮ್ ।

ದಂಷ್ಟ್ರಾಕರಾಲವದನಾಂ ವ್ಯಾಲಕುಂಡಲಭೂಷಿತಾಮ್ ॥ 38॥

ವ್ಯಾತ್ತವಕ್ತ್ರಾಂ ಲಲಜ್ಜಿಹ್ವಾಂ ಭೃಕುಟೀಕುಟಿಲಾಲಕಾಮ್ ।

ಸ್ವಭಕ್ತದ್ವೇಷಿಣಾಂ ರಕ್ತಂ ಪಿಬನ್ತೀಂ ಪಾನಪಾತ್ರತಃ ॥ 39॥

ಸಪ್ತಧಾತೂನ್ ಶೋಷಯನ್ತೀಂ ಕ್ರೂರದೃಷ್ಟ್ಯಾ ವಿಲೋಕನಾತ್ ।

ತ್ರಿಶೂಲೇನ ಚ ತಜ್ಜಿಹ್ವಾಂ ಕೀಲಯನ್ತೀಂ ಮುಹುರ್ಮುಹುಃ ॥ 40॥

ಪಾಶೇನ ಬದ್ಧ್ವಾ ತಂ ಸಾಧಮಾನವನ್ತೀಂ ತದನ್ತಿಕೇ ।

ಅರ್ದ್ಧರಾತ್ರಸ್ಯ ಸಮಯೇ ದೇವೀಂ ಧಾಯೇನ್ಮಹಾಬಲಾಮ್ ॥ 41॥

ಯಸ್ಯ ಯಸ್ಯ ವದೇನ್ನಾಮ ಜಪೇನ್ಮನ್ತ್ರಂ ನಿಶಾನ್ತಕೇ ।

ತಸ್ಯ ತಸ್ಯ ತಥಾವಸ್ಥಾಂ ಕುರುತೇ ಸಾಪಿ ಯೋಗಿನೀ ॥ 42॥

ಓಂ ಬಲೇ ಮಹಾಬಲೇ ಅಸಿದ್ಧಸಾಧನೀ ಸ್ವಾಹೇತಿ ।

ಅಮೋಘಾಂ ಪಠತಿ ಸಿದ್ಧಾಂ ಶ್ರೀವೈಷ್ಣವೀಮ್ ॥ 43॥

ಶ್ರೀಮದಪರಾಜಿತಾವಿದ್ಯಾಂ ಧ್ಯಾಯೇತ್ ।

ದುಃಸ್ವಪ್ನೇ ದುರಾರಿಷ್ಟೇ ಚ ದುರ್ನಿಮಿತ್ತೇ ತಥೈವ ಚ ।

ವ್ಯವಹಾರೇ ಭೇವೇತ್ಸಿದ್ಧಿಃ ಪಠೇದ್ವಿಘ್ನೋಪಶಾನ್ತಯೇ ॥ 44॥

ಯದತ್ರ ಪಾಠೇ ಜಗದಮ್ಬಿಕೇ ಮಯಾ

ವಿಸರ್ಗಬಿನ್ದ್ವಽಕ್ಷರಹೀನಮೀಡಿತಮ್ ।

ತದಸ್ತು ಸಮ್ಪೂರ್ಣತಮಂ ಪ್ರಯಾನ್ತು ಮೇ

ಸಂಕಲ್ಪಸಿದ್ಧಿಸ್ತು ಸದೈವ ಜಾಯತಾಮ್ ॥ 45॥

ತವ ತತ್ತ್ವಂ ನ ಜಾನಾಮಿ ಕೀದೃಶಾಸಿ ಮಹೇಶ್ವರಿ ।

ಯಾದೃಶಾಸಿ ಮಹಾದೇವೀ ತಾದೃಶಾಯೈ ನಮೋ ನಮಃ ॥ 46॥

ಈ ಸ್ತೋತ್ರ ಪಠಿಸುವದರಿಂದ ಎಲ್ಲಾ ಪ್ರಕಾರದ ರೋಗ ರುಜಿನಗಳು, ಹಾಗೂ ಇಸ ಶತೃ ಬಾಧೆ ಸ್ತೋತ್ರ, ರಾಜಕೀಯದಲ್ಲಿ ಧರ್ಮಜಯ, ಮುಂತಾದವಕ್ಕೆ ರಾಮಬಾಣವಿದಂದ ಹಾಗೆ.

ಸಂಗ್ರಹ: ವೇ ಬ್ರ ಶ್ರೀ ಚನ್ನೇಶ ಶಾಸ್ತ್ರಿಗಳು ಹಿರೇಕೆರೂರ.