ಕೋಪ ಬರುತ್ತಿದೆ

*“ಕೋಪ ಬರುತ್ತಿದೆ”*

ಎಂದು ಮಗ ಪ್ರತಿ ಸಲ ಹೇಳಿದಾಗ…

ಗೋಡೆಗೆ ಮೊಳೆ ಹೊಡಿ ಎನ್ನುತ್ತಾನೆ ತಂದೆ! 

*ಯಾಕೆ ಗೊತ್ತಾ?*

*ಗೋಡೆಗೆ ಹೊಡೆದ ಮೊಳೆಗಳು…*

ಅದ್ಭುತವಾದ *ಜೀವನ ಸತ್ಯ.*

ಮಗನಿಗೆ…

ತಂದೆ ಕೆಲವು ಮೊಳೆಗಳನ್ನು ಕೊಟ್ಟು…

*ನಿನಗೆ ನಿತ್ಯ ಎಷ್ಟು ಮಂದಿಯ ಮೇಲೆ ಕೋಪ* ಬರುತ್ತದೋ *ಅಷ್ಟು ಮೊಳೆ* ಗಳನ್ನು ಗೋಡೆಗೆ ಹೊಡಿ ಎಂದು ಹೇಳುತ್ತಾನೆ..!

ಮೊದಲ ದಿನ 20, ಬಳಿಕ 15, ಮೂರನೇ ದಿನ 10 ಹೀಗೆ.. 

ತನ್ನಲ್ಲಿ ಇದ್ದ ಮೊಳೆಗಳನ್ನೆಲ್ಲಾ ಗೋಡೆಗೆ ಹೊಡೆದುಬಿಟ್ಟ ಮಗ.

ಮೊಳೆಗಳು ಮುಗಿದ ಕೂಡಲೆ…

ಮಗ ತಂದೆ ಬಳಿ ಬಂದು, *"ಅಪ್ಪಾ ನೀವು ಕೊಟ್ಟ ಮೊಳೆಗಳೆಲ್ಲಾ ಮುಗಿದುಹೋದವು"* ಎಂದ.

*"ಓ… ಅಂದರೆ ನಿನಗೆ ತುಂಬಾ ಮಂದಿ ಮೇಲೆ ಕೋಪ ಬಂದಂತಿದೆ.."*

ಎನ್ನುತ್ತಾರೆ ತಂದೆ..! 

ಮತ್ತು... *"ಆ…ಆದರೆ… ನಾಳೆಯಿಂದ ನಿತ್ಯ, ಗೋಡೆಗೆ ನೀನು ಹೊಡೆದ ಕೆಲವು ಮೊಳೆಗಳನ್ನು ತೆಗೆದುಬಿಡು"* ಎಂದು ಮಗನಿಗೆ ತಂದೆ ಹೇಳುತ್ತಾನೆ…

ತಂದೆ ಹೇಳಿದಂತೆ…

ಕಷ್ಟಪಟ್ಟು ಗೋಡೆಗೆ ಹೊಡೆದ ಮೊಳೆಗಳನ್ನೆಲ್ಲಾ ತೆಗೆಯುತ್ತಾನೆ ಮಗ.. 

ಕೆಲವು ಮೊಳೆಗಳನ್ನು ತೆಗೆಯಲು ತುಂಬಾ ಕಷ್ಟವೂ ಪಟ್ಟ. ಅದನ್ನು ನೋಡಿ ತಂದೆ ಕೇಳಿದ, *"ಏನಾಯಿತು?"* ಎಂದು…

*"ಗೋಡೆಗೆ ಹೊಡೆದ ಮೊಳೆಗಳನ್ನೆಲ್ಲಾ ತೆಗೆದುಬಿಟ್ಟೆ ಅಪ್ಪ"* ಎಂದ ಮಗ.

*" ಸರಿ, ಹಾಗಿದ್ದರೆ ಗೋಡೆ ಹೇಗಿದೆ ಈಗ? ಮೊಳೆಗಳೇನೋ ತೆಗೆದುಬಿಟ್ಟೆಯಲ್ಲ.."*, ಎಂದ ತಂದೆ.

*"ಹಾ, ತೆಗೆದೆ. ಆದರೆ ಇದರಿಂದ ಗೋಡೆಗೆ ಆದ ರಂಧ್ರಗಳು ಮಾತ್ರ ಹಾಗೆಯೇ ಇವೆ"* ಎಂದ ಮಗ.

ಆಗ ತಂದೆ… ಮಗನಿಗೆ ಹೇಳಿದ.., *“ನೋಡಿದೆಯಾ.. ಮೊಳೆಗಳನ್ನು ಹೊಡೆಯುವಾಗ ಸುಲಭವಾಗಿ ಹೊಡೆದೆ..! ತೆಗೆಯುವಾಗ ತುಂಬಾ ಕಷ್ಟಪಟ್ಟೆ. ಮೊಳೆಗಳನ್ನು ತೆಗೆದ ರಂಧ್ರಗಳೂ ಹಾಗೆಯೇ ಇವೆ.. ಅಂದರೆ ನಮಗೆ ತುಂಬಾ ಮಂದಿ ಮೇಲೆ ಕೋಪ ಬರುತ್ತದೆ, ಆ ಕೋಪದಲ್ಲಿ ಅವರ ಮನಸ್ಸಿಗೆ ಘಾಸಿ ಮಾಡುತ್ತೇವೆ.. (ಅಂದರೆ ಮೊಳೆ ಹೊಡೆಯುತ್ತೇವೆ), ಬಳಿಕ sorry ಹೇಳುತ್ತೇವೆ (ಅಂದರೆ ಹೊಡೆದ ಮೊಳೆಗಳನ್ನು ತೆಗೆಯುತ್ತೇವೆ), ಆದರೆ  sorry ಹೇಳಿಬಿಟ್ಟರೆ ಅವರ ಮನಸ್ಸಿಗೆ ಆದ ಗಾಯ (ಅಂದರೆ ರಂಧ್ರಗಳನ್ನು) ಮಾತ್ರ ಮುಚ್ಚಲು ಸಾಧ್ಯವಿಲ್ಲ. ಹಾಗಾಗಿಯೇ ಮಾತುಗಳು-ಬುಲೆಟ್‌ನಂತಹವು, ಅಳೆದು ತೂಗಿ ಮಾತನಾಡಬೇಕು, ಇತರರಿಗೆ ನೋವಾಗದಂತೆ ಮಾತನಾಡಬೇಕು –"* ಎಂದ ತಂದೆ.

 *ಪ್ರೀತಿ, ಸೌಜನ್ಯ, ಅಕ್ಕರೆ ತುಂಬಿ ಸಕ್ಕರೆ ಆಗಿರಲಿ ಮಾತು*